MoAfisu 2:12 - Ohwihwim Olehe

¹² Omba mi lo agimi e wo ogyugyuŋ ta la Ekristi. Agimi e wo moazhẽ, nga agimi e wo eshki moarehwĩ ba Ahogbrẽ a sla mbo. Agimi e wo abgo ohwihwim baŋ a hwim lo mbo. Esĩ lo angyiŋ e wo ekployaŋ a mbo baŋ a la a lu pa la moarehwĩ baŋ. Agimi e dzu obiŋ hi ta la okayiozhẽ, ta la Ahogbrẽ angyiŋ mbo!

MoAfisu 2:12 ပူးပေါင်းရင်းမြစ်များ

Oluka 1:72

A lu ma aŋa á ka moadigi ayiekŋe, Nga aŋa á bli ohwihwim ba esesla baŋ a hwim.

Eyohana 10:16

Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.

Eyohana 15:5

Ame angyiŋ e wo Esi Awandzi, nga agimi angyiŋ e wo embgu. Areyaŋ a mbo la a dzu eso me le, ame a mbo e dzu eso baŋ, á fu agbro nzenze. Adlidzi angyiŋ, agimi e kpo e gbu bimi e kpo ekplokyeŋ mbo o wo le ame e wo ka la gimi ayga dne.

Eyohana 4:22

Ambo agimi Asamariya e yi ekplo bimi e la e hlu lo eshko mbo ku-ku. Ambo agi Eyahuda e yi are ba agi e la e hlu ŋa eshko, okyku eshi agi Eyahuda angyiŋ e shri oshla e shri e ba.

Otum 2:39

Okyku eshi Ahogbrẽ a hwim ka la gimi, pa la moanwye bimi, pa la moa la a wo ogyugyuŋ, pa la moare ba Adigi Ahogbrẽ a bzi mo.

Otum 28:20

Okyku eka he angyiŋ ame e da mo a bzi gimi okyku o da me e lu odlo ka la gimi. Moa a ta me aslika he okyku are ba moarehwi ba Esrayila a ka ayi ozhẽ okyku ŋa.

Otum 3:25

Ohwihwim ba Ahogbrẽ a hwim pa la moarehwi baŋ a hom otum okro bimi, o wo okyku gimi angyiŋ. Agimi e hwiŋ owlama okyku ohwihwim ba Ahogbrẽ a hwim pa la moadigimi. Aŋa a hwim ta la Ebrahim a lu mi le, Okro moanwye boŋ ame é da moarehwi obiŋ hi mvye á hwiŋ owlama.

MoaOroma 9:8

Okyku eshi alo o dzu, moanwye ba moa a mbre mvye angyiŋ a wo moanwye ba Ahogbrẽ mbo. Ambo moanwye ba moa a mbre mo ozhẽ ohwihwim ba Ahogbrẽ, moa a sko moahi lo a zga eka moanwye ba Ebrahim ba adlidzi.

MoaEgalasiya 4:8

Ayga agimi e yi Ahogbrẽ mbo ku-ku. Okyku eka he agimi e dzu moawaghrẽ ba egbga la e wo moahogbrẽ angyiŋ mbo.

MoAfisu 2:19

Okyku eka he, agimi la e wo moaEyahuda mbo e wo moazhẽ nga mbo ku-ku. Ohuhuhi, agimi e wo moarehwĩ ba obiŋ pa la moarehwĩ ba Ahogbrẽ. Nga agimi e wo moarehwĩ ba ogu ba Ahogbrẽ angyiŋ a mo!

MoAfisu 4:18

Esõ mo nga e wo evbu. Moa a wo la ogʼbakyeŋ ibu odzudzu ba Ahogbrẽ a la a shri a di mbo, okyku eshi moa a wo la evbu eshri, nga moa a shpi esõ a gre eshri.

MoaOkolosi 1:21

Ayga, agimi e dzu ogyugyuŋ ta la Ahogbrẽ, nga agimi e dzu moafpu baŋ okyku ayakplobi ba agimi e la e kpo, ta la aga abi ba agimi e la e tne.

MoaOkolosi 1:27

Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.

MoaOkolosi 1:5

Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.

1 MoaEtasolonika 4:13

Agimi anáŋ, agi e klo ba agimi e yi adlidzi eshri moare la a sheŋ a kpu, okyku o da gimi e dzu la esõ-ongʼba eka moare la a wo la okayiozhẽ mbo, mbo.

1 MoaEtasolonika 4:5

ambo la okoklo ba egʼba eka moaevbu la a yi Ahogbrẽ mbo angyiŋ mbo.

2 MoaEtasolonika 2:16

Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,

1 Etimoti 1:1

Akpa he lo a zgi abgo me Oblus, are la a nyum oshpa ba Ekristi Eyesu la okoklo ba Ahogbrẽ la a wo Areoshla bi ta la Ekristi Eyesu la a wo okayiozhẽ bi.

MoaIbrani 11:34

Moa a rum ovo la o shum o gre eshri. Nga moa a gro abgo ba akõ ba ebga. Moa e mbi a wo oshye ma mbo, ambo moa a hwiŋ oshye. Moa a gre abgo okro ba o ta eko nga moa a la a ta eko a la a ri moafpu mo la a wo moazhẽ.

MoaIbrani 6:18

Ayakplo aha he lo a wo ma. Alo a nyiŋ a gbu mbo. Nga Ahogbrẽ a sheŋ akpro eshri lo ku-ku mbo. Okyku eka he moa a la a shĩ gi la e hwiŋ odzudum okro baŋ, okyku o da gi e kom okayiozhẽ ba moa a shri a zga egi ayi bi osheshye.

MoaIbrani 8:6

Eka ba alo o wo he, moa a shri otum ba andakʼpo olu ba Ahogbrẽ a shri a da Eyesu. Otum baŋ he lo o gre otum moahwõ lo la olbi pyeŋ, eka ba ohwihwim baŋ a hwim agʼbaha ba Ahogbrẽ pa la moarehwĩ o wo odzi o gre pyeŋ. Okyku eshi, okũ lo o wo ohwihwim ba ayakplo la a wo adzi a gre pyeŋ angyiŋ.

1 Ebitru 1:21

Okyku ŋa angyiŋ agimi e bmi ba adlidzi ta la Ahogbrẽ la a kso ŋa okro eku nga a shri ekekʼpo a shri a daŋ. Okyku eka he, obmi ba adlidzi bimi ta la okayiozhẽ bimi, e da mo a dzu gaŋ ibu ba Ahogbrẽ.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.