MoAfisu 2:10 - Ohwihwim Olehe

¹⁰ Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 2:10 ပူးပေါင်းရင်းမြစ်များ

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Eyohana 3:21

Ambo areyaŋ a mbo la a kpo otum ba adlidzi a la a ba okro ba ayimom, okyku o da ayimom a tsa otum baŋ a kpo a kpo lo eka ba Ahogbrẽ a klo.

Otum 9:31

Okyku eka he eshki ba Ekristi ba obiŋ Eyahuda mvye, ta la Egalili, ta la Asamariya, moa a hwiŋ odzudum omba he lo. Moa a nyum oshpa nga moa a ta ma-ma, okyku moa a dzu la eyli Adigi-odne eso mo, nga Ogbgaodzi o kpo o ghwo la mo.

Otum 9:36

Osku ba Ojopa nga, ashekyeŋ a wo ma, eshko baŋ e ri Atabita. Aŋa a bmi ba adlidzi. Eshko lo la alom Egrise e ri Odokas, o dzu, etba. Aŋa a kpo odlodzi ombamba mvye, nga a la a kpo a ghwo la moa la a wo ekŋe.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

MoaOroma 8:29

Okyku eshi moare ba Ahogbrẽ a sheŋ mo a sla, a sla mo a zga agba nga a da mo a sko emle ba Anwye baŋ, okyku o da Anwye baŋ a dzu a ba oriori eshki moanáŋ mvye.

1 MoaOkorinti 3:9

Agi nga e wo okyekyeŋ okro otum ba agi e kpo okyku Ahogbrẽ. Agimi nga e dzu agbi ba Ahogbrẽ. Nga agimi e sa e wo anzoŋ ba Ahogbrẽ angyiŋ.

2 MoaOkorinti 5:17

Omba ba moa a kŋe are a bga ta la Ekristi, a zhiŋ a dzu are alahe angyiŋ. A kyu ayakplo agbyi abgo nga a vu ayakplo ahe.

2 MoaOkorinti 5:5

Ahogbrẽ eshrishri eŋa a kpo gi okyku onyinyiŋ hi lo. A shri Ogbgaodzi baŋ a shri a da gi okyku o da lo o dzu ohwihwim baŋ ka la gi, okyku ekployaŋ a mbo baŋ a wo la alo ma okyku gi.

2 MoaOkorinti 9:8

Ahogbrẽ a kpo a gbu baŋ a shri ayakplo nzenze a shri a da gimi okyku o da gimi e gbaŋ la emakyeŋ mbo. A kpo a gbu baŋ a shri ayakplo nzenze a shri a da gimi okyku otumyaŋ a mbo la o wo odzi.

MoaEgalasiya 6:15

O wo ba are a sheŋ ongyum o mbo le o wo baŋ a sheŋ ongyum mbo a mbo, alo o wo akplokyeŋ angyiŋ mbo. O zhiŋ o dzu arehwi alahe sha angyiŋ.

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 2:13

Ambo ohuhuhi, okro ba okŋeobga ta la Ekristi Eyesu, agimi la e wo ogyugyuŋ ayga, moa a shri gimi a ba osusku okyku eku ba Ekristi.

MoAfisu 2:15

A bga odaŋ moaEyahuda, ta la anwye-odaŋ lo, ta la oshioshĩ la o wo ma, okyku o daŋ a mbdzi moa-embre eha he lo okyku o da mo a dzu ogu olehe okyekyeŋ, la o wo la ekpom ka la ŋa, okyku o da opyapyaŋ o ba.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

MoAfisu 2:6

Nga okro ba okŋeobga ta la Ekristi Eyesu a da gi e kso, okyku o da gi e ri ekʼpo ka la ŋa Ongyeŋ.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoAfisu 4:24

Agimi e sko odzudzu moarehwĩ ahe ba Ahogbrẽ a kpo mo eka baŋ, nga odzudzu ohe he lo o la o tsa eŋa pendeŋ eka ba odzudzu ba odlodzi la o wo kye nga o wo la esesla o wo.

MoaEfilibi 1:6

Okyku eka he ame e nyuŋ e ka zhezheŋ okyku ohe lo, nga ba Ahogbrẽ la a zga esĩ otum odzadzi he lo esõ bimi, á kpo lo ayi-oyioyi ma-me o tsa onda ba alo o khwo, Olum onda ba Ekristi Eyesu.

MoaEfilibi 2:13

Okyku eshi Ahogbrẽ a kpo otum ombamba pyeŋ okyku o da gimi e bmi nga okyku o da gimi e kpo e gbu ba agimi e kpaŋ ekplo baŋ a klo.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

MoaOkolosi 3:10

nga agimi e sko are ahe angyiŋ e ygi egʼba bimi a mo. Ahogbrẽ la a kpo are alahe he lo angyiŋ, a la a nyiŋ ŋa ombamba pyeŋ odzudzu ba Ahogbrẽ, okyku o da gimi e yi ŋa zhezheŋ.

2 MoaEtasolonika 2:17

nga a da esõ bimi e bli la oshye-esõ, okyku o da gimi e hwiŋ oshye okyku o kpo nga o lu ekployaŋ a mbo la e wo edzi.

1 Etimoti 2:10

Ambo moa a la a kpo edgu ayakplo adzadzi ba ashe la a sko eshri baŋ a da Ahogbrẽ a la a kpo.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

1 Etimoti 5:25

Ozhezhẽ he lo angyiŋ, moa a la a ka otum ba owlama zheŋ, nga etum la e wo zheŋ mbo, moa á kpo á gbu moa á ghre lo mbo.

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

2 Etimoti 2:21

O wo ba areyaŋ a mbo a ngʼba eshri baŋ a sku ayakplo ba eshre he lo le, moa á daŋ a kpo otum odzadzi. Okyku eshi moa a kpaŋ ŋa a zga okyku Adaŋ-odne he lo angyiŋ, okyku o daŋ a kpo otumyaŋ a mbo la o wo odzi.

2 Etimoti 3:17

Okyku o da are la a kpo otum okyku Ahogbrẽ, okyku o daŋ a bmye a khwo adzadzi, nga a tse ma baŋ a kpo otum la o zhiŋ o tspi adzadzi.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

Etitu 2:7

Aŋo eshrishri eŋo nga, o raŋ o gre boŋ angyiŋ o dzu egŋe okyku o da moahwõ a nye ayakplodzi okro boŋ. Aŋo nga o kpo adlidzi nga o zga ayi onyenye boŋ lo.

Etitu 3:1

Aŋo o dzu moarehwĩ boŋ okyku o da mo a ka moareŋ pa la moa la a ri ekʼpo la olbi, nga a fa olbi a da mo. Aŋo o dzu mo okyku o da mo a dzu a kʼpu okyku o kpo ekployaŋ a mbo la e wo edzi ombamba pyeŋ.

Etitu 3:14

O nye moarehwĩ bi okyku o da mo a shri aga mo a zga okyku o kpo ayakplo la a wo adzi, okyku o da mo a kpo a ghwo la moare nga okyku o da mo a dzu ototno mbo.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

MoaIbrani 10:24

O raŋ o gre ba agi e nyuŋ egi e ka, nga e kpo e ghwo la egi okyku o da gi e klo egi nga e kpo ayakplo la a raŋ a gre ta la egi.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Eyohana 1:7

Ambo o wo ba agi e la e dzu ayimom eka baŋ a mbo a la a dzu ayimom le, agi e wo la ekpom ta la egi, nga amanzhli ba Eyesu la a wo Anwye baŋ angyiŋ a la a ndza odlobi bi pyeŋ nga á da gi e lom pse.

1 Eyohana 2:6

Are la a lu mi ma aŋa a la a wo ta la Ahogbrẽ le, o raŋ o gre baŋ a dzu eka ba Eyesu Ekristi a dzu.