MoAfisu 1:7 - Ohwihwim Olehe

⁷ Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!

MoAfisu 1:7 ပူးပေါင်းရင်းမြစ်များ

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amatiyu 26:28

Alo a dzu amanzhli me angyiŋ, alo angyiŋ á bli ohwihwim ba Ahogbrẽ. Moa á zhiŋ amanzhli me á ygi a bi okyku o da Ahogbrẽ a kyu moare nzenze abgo odlobi mo.

Amatiyu 6:12

O kyu gi abgo odlobi ba agi e la e kpo egi ayi boŋ, Eka bi e la e kyu moa la a kpo odlobi agi ayi bi abgo.

Amarku 14:24

Eyesu a nyuŋ mo a lu mi le, E ka, amanzhli me angyiŋ a wo ahi lo, alo angyiŋ moa a zhiŋ a ygi a bi okyku moare mvye. Amanzhli he lo angyiŋ a bli ohwihwim ba Ahogbrẽ.

Oluka 1:77

Okyku o doŋ o lu o da moare ba moa á ba a hwiŋ oshla, Okyku eshi Ahogbrẽ a kyu mo abgo odlobi mo.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Eyohana 20:23

O wo bimi e kyu moare abgo odlobi mo le, moa á kyu mo abgo odlobi mo, ambo o wo bimi e kyu mo abgo odlobi mo mbo le, moa á kyu mo abgo odlobi mo mbo.

Otum 10:43

Moarehwi ba Ahogbrẽ a hom otum vye a lu eshri baŋ a lu mi ma areyaŋ a mbo la a bmi ba adlidzi ka la ŋa, moa a kyu ŋa abgo odlobi baŋ okro ekʼpo ba eshko baŋ.

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,

MoaOroma 2:4

O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

MoaOroma 3:24

Ambo ozhẽ ba ototno ba okpoghwo ba Ahogbrẽ, okyku Eyesu Ekristi, opyapyaŋ o sa o ba agʼbaha moarehwi ta la Ahogbrẽ. Eyesu angyiŋ a la a kyu moare abgo.

MoaOroma 3:25

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo.

MoaOroma 9:23

Nga aŋa a sa a klo o da gi e yi ekekʼpo baŋ a zhiŋ a ygi okyku gi okyku okayiekŋe baŋ. Agi angyiŋ aŋa a nyuŋ a kpo okyku o da gi e hwiŋ ekʼpo baŋ.

1 MoaOkorinti 1:30

Ambo Aho-gbrẽ angyiŋ a shri okŋeobga a zga agʼbaha bimi ta la Ekristi Eyesu. Nga Ahogbrẽ angyiŋ a da Ekristi a dzu okaobmye bi. Okro baŋ sha onyuŋokpo o gre o ba agʼbaha bi ta la Aho-gbrẽ. Agi nga e zhiŋ e dzu moarehwi ba Ahogbrẽ, nga agi e wo la odzudum ma.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

MoAfisu 1:14

Ogbgaodzi angyiŋ o wo ozhezheŋ ba agi é ba e hwiŋ ekplo ba Ahogbrẽ a hwim a zga ma okyku moarehwĩ baŋ. Aŋa a shĩ gi ba Ahogbrẽ á ba a shri odzudum la o bli á ba a shri á da moare la a wo moarehwĩ baŋ. E da gi e hlu eshko baŋ la ovyevye!

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 1:6

Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

MoAfisu 1:8

A shri lo nzenze a shri a da gi! La okaobmye baŋ ta la okaogyugyuŋ baŋ angyiŋ,

MoAfisu 2:4

Ambo okayiekŋe ba Ahogbrẽ o gre eshri, nga oklo baŋ okyku gi o wo nzenze o gre eshri.

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

MoAfisu 3:16

Ame e vẽ Ahogbrẽ, okyku ekekʼpo baŋ la e wo nzenze, okyku o daŋ a shri ekʼpo a shri a da gimi ozhẽ ba Ogbgaodzi baŋ, okyku o da gimi egi eshyẽ bimi e wo la oshye ma,

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

MoaEfilibi 4:19

Ahogbrẽ me nga, la edgu anyuŋ angyiŋ baŋ a wo la alo ma okro ba Ekristi Eyesu, á shri ekployaŋ a mbo ba agimi e klo á da gimi.

MoaOkolosi 1:14

Okro Anwye baŋ lo angyiŋ moa a shri odzudum a shri a da gi, nga moa a kyu gi abgo odlobi bi.

MoaOkolosi 1:27

Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.

MoaOkolosi 2:13

Ombakyeŋ agimi e wo eka ba agimi e kpu eku okyku eshi Ogbgaodzi o wo esõ bimi mbo. Okyku odlobi bimi e la e kpo angyiŋ, ohe lo o kpo ka la gimi okyku ba agimi e wo moa la a wo moaEyahuda mbo la a yi odaŋ mbo angyiŋ. Ambo ohuhuhi Ahogbrẽ a kso gimi ibu eku nga a da gimi e wo la esõ ma ta la Ekristi! Ahogbrẽ nga a kyu gi abgo odlobi bi pyeŋ.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

1 Etimoti 2:6

A shri eshri baŋ a di okyku o shla areyaŋ a mbo. Omba la o wo shasha ohe lo o tsa zhezheŋ eka ba Ahogbrẽ a klo moarehwĩ pyeŋ okyku o da moa a hwiŋ oshla he lo.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

Etitu 3:6

Okyku eshi Ahogbrẽ a shri Ogbgaodzi nzenze a shri a da gi okro Eyesu Ekristi Areoshla bi,

MoaIbrani 9:22

Adlidzi angyiŋ, ozhẽ ba odaŋ lo o wo eka ba ekployaŋ a mbo ba moa a ndza lo ozhẽ ba amanzhli lo, nga ozhẽ ba ozhiŋ amanzhli o ygi a bi sha angyiŋ Ahogbrẽ a la a kyu moare abgo odlobi.

1 Ebitru 2:24

Ekristi ababgo baŋ a sko odlobi bi egʼba baŋ a shri a gre egŋe aki, okyku o da gi e dzu eka ba moare la a kpu angyiŋ ta la odlobi. Are la a kpu moa á tka ŋa aŋa a kpo a gbu baŋ a yi mbo. Okyku eka he, are la a kpu okro odlobi, a kpo a gbu baŋ a yi odlobi mbo, nga a dzu okyku o kpo odlodzi. Nga okyku ero ba moa a fa Ekristi egʼba angyiŋ, agimi e hwiŋ oshye.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.

1 Eyohana 2:12

Ame e ta gimi anwye me akpa okyku ba moa a kyu gimi abgo okro odlobi bimi okyku eshko ba Ekristi.

1 Eyohana 2:2

Okyku eshi Ekristi ababgo baŋ a wo ozhẽ la o da mo a kyu gi abgo odlobi bi. Ambo odlobi bimi sha angyiŋ mbo, ambo odlobi ba moarehwĩ obiŋ hi pyeŋ.

1 Eyohana 4:10

Agi angyiŋ a klo Ahogbrẽ mbo, ambo aŋa angyiŋ a klo gi nga a da Anwye baŋ a ba a dzu ozhẽ la o da gi e hwiŋ okyuabgo odlobi bi. Oklo o wo eka he angyiŋ.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.