MoAfisu 1:6 - Ohwihwim Olehe

⁶ Agimi e da gi e hlu Ahogbrẽ eshko okyku okpoghwo baŋ ba ekekʼpo, ta la ototno baŋ a shri a da gi okro ba Anwye baŋ a klo ŋa nzenze!

MoAfisu 1:6 ပူးပေါင်းရင်းမြစ်များ

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 20:9

Moare la a ba la amgbaŋ atno a mbo, moa a hre mo eyiamgbaŋ.

Amatiyu 3:17

Ambla he nga, enzi e zgi Ongyeŋ e ba e lu mi le, Anwye me ba esesla angyiŋ a wo ahi. Esõ me e la e gno oraŋ ka la ŋa e gre eshri.

Oluka 2:14

Ohlueshko okyku Ahogbrẽ la a wo Ongyeŋ ekpyemgbyeŋ! Nga opyapyaŋ o dzu pa la moarehwi baŋ a gno oraŋ pa la mo!

Eyohana 10:17

Ada a klo me okyku ba ame e bmi okyku o shri eso me e di, okyku o da me e bla e yga lo.

Eyohana 3:35

Adaŋ a la a klo Anwye baŋ, okyku eka he a shri ekployaŋ a mbo a ghwo abgo baŋ.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

2 MoaOkorinti 4:15

Ohe lo pyeŋ o wo okyku gimi angyiŋ. Nga eka ba okpoghwo ba Ahogbrẽ o gro o gbu abgo moare o ta ma-ma he, moa nga á fa olu á ta ma-ma okyku o vye la Ahogbrẽ, nga o hlu ŋa eshko.

2 MoaOkorinti 5:21

Ekristi a wo la odlobi mbo ku-ku, ambo Ahogbrẽ a daŋ a sko olbi ba edlobi bi ka la gi otsotse, okyku o da gi okro okŋeobga ka la ŋa e hwiŋ odlodzi ba Ahogbrẽ.

MoAfisu 1:12

Agi nga la e wo moarehwĩ ba oriori la e sko aga bi e zga okro ba Ekristi, e da gi e hlu Ahogbrẽ eshko la ovyevye!

MoAfisu 1:14

Ogbgaodzi angyiŋ o wo ozhezheŋ ba agi é ba e hwiŋ ekplo ba Ahogbrẽ a hwim a zga ma okyku moarehwĩ baŋ. Aŋa a shĩ gi ba Ahogbrẽ á ba a shri odzudum la o bli á ba a shri á da moare la a wo moarehwĩ baŋ. E da gi e hlu eshko baŋ la ovyevye!

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 2:7

Aŋa a kpo ohe lo okyku o tsa okpoghwo baŋ la o gre eshri omba pyeŋ la o ra, ibu ba oklo baŋ a tsa gi okyku Eyesu Ekristi.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaEfilibi 3:9

nga okyku o da me e kŋe eshri me e bga ka la ŋa la esõ ekyekyeŋ. Nga ohuhuhi odlodzi ba eshri me ame e wo la alo ma mbo. Edgu odlodzi he lo moa a la a hwiŋ lo ozhẽ ba okpaŋodaŋ angyiŋ. Ambo ohuhuhi ame e wo la odlodzi ba moa a shri lo a di ozhẽ ba obmi ba adlidzi ta la Ekristi. Odlodzi he lo o zgi okro ba Ahogbrẽ angyiŋ o ba, nga okũ lo o wo okro ba obmi ba adlidzi angyiŋ.

MoaEfilibi 4:19

Ahogbrẽ me nga, la edgu anyuŋ angyiŋ baŋ a wo la alo ma okro ba Ekristi Eyesu, á shri ekployaŋ a mbo ba agimi e klo á da gimi.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

1 Ebitru 2:5

Agimi e ba eka ba ezhim la e wo la esõ ma, nga agimi e bmi okyku o da mo a mbdzi akulu ba Ogbgaodzi ka la gimi. Ahe lo nga agimi é kpo otum ma eka moandakʼpo olu ba Ahogbrẽ la a wo la esesla ma. Okyku o shri oshriondba ba esõ la o wo shasha e shri e ndba okro ba Ahogbrẽ ibu ba Eyesu Ekristi.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.