MoAfisu 1:4 - Ohwihwim Olehe

⁴ Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 1:4 ပူးပေါင်းရင်းမြစ်များ

Amatiyu 24:22

Ahogbrẽ a sheŋ a fa omba he lo a ra angyiŋ mbo e mbi, arekyeŋ á gro mbo. Ambo okyku moarehwĩ baŋ a sla, Ahogbrẽ á fa omba lo a ra.

Amatiyu 24:24

Okyku eshi omba he lo moaEmisiya ba akpro pa la moarehwĩ la a ba a sheŋ akpro ma Ahogbrẽ angyiŋ a hom mo otum, moa á ba. Moa á kpo anyuŋ ayakplo la á ba a tsa ta la ayakplo ba egbregbre okyku o bile moarehwĩ ba Ahogbrẽ a sla, o wo moa a kpo a gbu le.

Amatiyu 24:31

Moa á hlu anyuŋ angzo, nga aŋa á da moanwyeadga a yi obiŋ hi pyeŋ, nga moa á pla moarehwĩ baŋ a sla obiŋ hi pyeŋ á shki.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Eyohana 10:16

Ékylukyeŋ e wo ma, e la e wo e me ambo moa a wo oso he lo mbo. O dzu omgbybi ba ame e yi e shri mo a mbo e ba. Moa á ngli atuŋ á gno enzi me. Moa á ba a dzu eshki ékylu ekyekyeŋ abgo are la a kpaŋ akyekyeŋ.

Eyohana 15:16

Agimi angyiŋ e sla me mbo, ame angyiŋ e sla gimi. Ame e hom gimi otum okyku o da gimi e yi e fu agbro nzenze. Agbro edgu he lo, á tpi ayi mbo. Ada á shri ekployaŋ a mbo bimi e vẽ eshko me á shri á da gimi.

Eyohana 17:24

Ada! Aŋo o sheŋ o shri mo o da me bgu, okyku eka he ame e klo mo á dzu okro ba ame é dzu ma okyku o da mo a ka ayimom ba esesla me, ibu ayimom ba esesla boŋ o shri o da me okyku eshi aŋo o klo me ayga moa a kpo obiŋ hi.

Otum 13:48

Omba moa la a wo moaEyahuda mbo a gno eka he nga, moa a gno oraŋ nga moa a vye Adigi-odne okyku odlo baŋ. Nga moarehwi ba Ahogbrẽ a sheŋ a sla mo okyku eso ba gbagbu-amo, moa a bmi ba adlidzi.

Otum 15:18

Ahogbrẽ a su ohe lo ogbyigbyi a mo.

Otum 18:10

Ame e wo ka la ŋo. Arekyeŋ á kpo á gbu baŋ á ta ŋo etsa mbo, okyku eshi moarehwi me nzenze a wo osku he lo.

MoaOroma 8:33

O ba alo o wo eka he, ayi angyiŋ a kpo a gbu baŋ a klo odlo pa la moarehwi ba Ahogbrẽ a sheŋ a sla? E ka, Ahogbrẽ a mbo a sheŋ a kyu mo abgo!

1 MoaOkorinti 1:8

Aŋa nga á kpaŋ gimi osheshye ma-me a mo, okyku o da mo a hwiŋ akpukyeŋ okro bimi mbo, onda ba Adigi-odne Eyesu Ekristi á ba a ba.

MoaEgalasiya 5:13

Agimi anáŋ, moa a bzi gimi okyku o da gimi e hwiŋ odzudum angyiŋ. Ambo agimi e da ozhẽ he lo o dzu ekplo ba agimi é ba e da ogroayi ba egʼba o ri ekʼpo eshri bimi mbo. Ambo agimi e bmi e da oklo o da gimi e kpo e ghwo la egimi.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 3:17

nga o wo bimi e bmi ba adlidzi ka la ŋa, Ekristi nga á kpo okro odzuma baŋ esõ bimi. Ame e la e fa olu okyku o da gimi e ta emgbʼbo e ghwo egʼba ba oklo, nga okyku o da oklo angyiŋ o dzu okũ bimi.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoAfisu 5:2

Agimi e da oklo angyiŋ o ri ekʼpo eshri bimi, eka ba Ekristi a klo gi nga a shri esõ a shri a da gi eka ba oshriondba la o shka efpi edzadzi la o raŋ Ahogbrẽ esõ.

MoAfisu 5:27

okyku o da Eklisiya e dzu e baŋ, la egʼba edzadzi, la okyekye, la akpu mbo, la akpa abi mbo, o mbo le akpyli, o mbo le osheŋonye mbo.

MoaEfilibi 2:15

okyku o da gimi e wo la ombgu eshri bimi mbo, nga okyku o da gimi e dzu moa la a wo odlobikyeŋ ma mbo. Nga okyku o da gimi e dzu moarehwĩ ba Ahogbrẽ la e wo shasha la a dzu obiŋ hi la o wo kyekye mbo, pa la moarehwĩ la a wo ototno. O raŋ o gre ba agimi e la e shka ayi egi ayi mo eka ba eyi enzo e la e shka ayi ahrẽ,

MoaOkolosi 1:22

Ambo ohuhuhi okro eku ba egʼba ba Anwye baŋ a kpu angyiŋ, Ahogbrẽ a da gimi e dzu moakyeŋazba, okyku o daŋ a da gimi e dzu la esesla, nga e dzu pse, nga e dzu la ombgu eshri bimi mbo ku-ku egi ayi baŋ.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

1 MoaEtasolonika 3:12

Adigi-odne a bmi le, a da gimi e klo egimi nga e klo moahwõ pyeŋ. Nga a da oklo o hlu o ta ma o ta-ta eka ba agi e la e klo gimi.

1 MoaEtasolonika 4:7

Ahogbrẽ a bzi gi okyku o da gi e ba e dzu la odzudzu ba eshre angyiŋ mbo, ambo okyku o da gi e ba e dzu la odzudzu ba esesla.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

2 Etimoti 2:10

Okyku moarehwĩ ba Ahogbrẽ a sla angyiŋ, ame e bmi nga e ghwo esõ gble, okyku o da mo a mbo a hwiŋ oshla ta la ekʼpo ba gbagbu-amo okro ba Ekristi Eyesu.

2 Etimoti 2:19

Ambo esĩ la e wo oshye ba Ahogbrẽ a sheŋ a ta, arekyeŋ a kpo lo esku a gbu mbo ku-ku. Moa a ta odlo he lo ma a lu mi le, Ahogbrẽ a yi moare la a wo moarehwĩ baŋ. Nga moa a sa a ta a lu mi le, Areyaŋ a mbo la a lu baŋ a wo a ba Ahogbrẽ angyiŋ bgu le, o dzu omgbybi baŋ a kyu ayakplobi pyeŋ abgo.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

1 Eyohana 4:16

Agi ababgo bi e yi nga e bmi ta la oklo ba Ahogbrẽ a wo la alo ma okyku gi. Ahogbrẽ a wo oklo angyiŋ, nga areyaŋ a mbo la a dzu ibu oklo le, a wo esõ ba Ahogbrẽ, nga Ahogbrẽ a mbo a wo esõ baŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 17:8

Ebyi boŋ o ka he lo e wo la esõ ma ayga. Ambo e kpu bgu. Alo é ta adzadzi é zgi enzhe la e gyuŋ mgbyimgbyimgbyiŋ a mo, ambo moa a sa á bga lo. Moarehwĩ ba obiŋ hi ba moa a ta ashko mo ayga akpa ba esõ omba ba moa a zga esĩ a kpo obiŋ hi a wo mbo, moa á ka egbregbre omba ba moa a ka ebyi la e wo ebi lo, okyku eshi ayga e wo la esõ ma, ambo e wo la esõ ma ohuhuhi nga mbo, ambo alo é bla é ba.