MoAfisu 1:23 - Ohwihwim Olehe

²³ Eklisiya e wo egʼba ba Ekristi angyiŋ. E wo obiobli baŋ, nga aŋa angyiŋ a bli ekployaŋ a mbo okroyaŋ a mbo.

MoAfisu 1:23 ပူးပေါင်းရင်းမြစ်များ

Eyohana 1:16

Ibu okpoghwo baŋ la o sheŋ o nye mbo, a shri owlama a da gi mvye. Ombamba pyeŋ nga a la a shri owlama a ta gi ma-ma.

MoaOroma 13:5

Okyku eka he o raŋ o gre bimi e kpaŋ odaŋ moandakʼpo ba obiŋ hi. O wo eka he okyku o gro olom ba Ahogbrẽ sha mbo, ambo okyku o dzu opyapyaŋ.

1 MoaOkorinti 12:6

Okpogbu ba o kpo otum o wo andandandim, ambo Ahogbrẽ akyakyeŋ angyiŋ a shri okpogbu a shri a da areyaŋ a mbo okyku o daŋ a kpo edgu otumyaŋ a mbo.

1 MoaOkorinti 15:28

Ambo omba ba moa a shri ekployaŋ a mbo a shri a ghwo abgo ba Ekristi okyku o daŋ a ri ekʼpo pa la mo, omba he lo angyiŋ, aŋa, Anwye lo, á shri eŋa á ghwo abgo ba Ahogbrẽ la a shri ekployaŋ a mbo a ghwo abgo baŋ. Nga Ahogbrẽ á ri ekʼpo pyeŋ eshri ekployaŋ a mbo.

MoAfisu 2:16

Okro ba eku ba Ekristi baŋ a kpu egŋe aki angyiŋ, Ekristi a bga ofpu he lo. Okro ba egŋe aki he lo nga, a kŋe embre eha he lo a bga nga a bla mo a shri a ba okro ba Ahogbrẽ.

MoAfisu 3:10

okyku o da moanwyeadga la a ri ekʼpo, ta la ekʼpo andandandim la e wo ahrẽ, a yi okaobmye ba Ahogbrẽ ezhẽ andandandim pyeŋ, ozhẽ ba Eklisiya ohuhuhi.

MoAfisu 3:19

E, o kpo o gbu ba agimi e yi oklo baŋ, ambo alo o gre eshri ba agimi e yi lo e fu ma, o mbo le e ka lo e bmye. Amom-abgo ekpyemgbyeŋ nga moa a bli gimi mvye la obiobli ba Ahogbrẽ la o bli.

MoAfisu 4:10

Okyku eka he aŋa la a ba obiŋ hi lo angyiŋ, a bla a gre ongyeŋ la o gyuŋ o gre Ongyeŋ mvye okyku o daŋ a bli okroyaŋ a mbo la odzudzu baŋ.

MoAfisu 4:12

A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

MoAfisu 4:13

Agi mvye é kŋe é bga okyekyeŋ ibu ba obmi ba adlidzi bi nga ibu ba oyioyi bi eshri Anwye Ahogbrẽ, nga okyku o da gi e dzu eka moarehwĩ la a bmye ayi a klu, nga okyku o da gi e hlu e gbu ohlu ba egʼba ba Ekristi.

MoAfisu 4:4

Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

MoaOkolosi 2:19

Nga a la a kom Ekristi la a wo eshri angyiŋ abgo mbo. Ambo okro ba ekʼpo ba Ekristi angyiŋ moa a la a vgi egʼba lo pyeŋ nga a la a kŋe lo a pu ekpukplu lo ta la emgbʼbo lo. Nga alo e la e hlu eka ba Ahogbrẽ a klo ba alo e hlu.

MoaOkolosi 3:11

Okyku ohe lo, egʼba eka ba egʼba moaEyahuda pa la moa la a wo moaEyahuda mbo, ta la are la a sheŋ ongyum, ta la are la a sheŋ ongyum mbo, ta la are la a wo evbu, ta la are la a hwile ayi mbo, ta la awaghrẽ, ta la are la a wo awaghrẽ mbo, e wo ma mbo. Ambo Ekristi angyiŋ a wo ekployaŋ a mbo. Ekristi nga a wo ékployaŋ a mbo!

MoaOkolosi 3:15

Opyapyaŋ ba Ekristi a la a shri a di angyiŋ ó sõ ombgu esõ bimi, okyku eshi okyku opyapyaŋ he lo angyiŋ Ahogbrẽ a bzi gimi a ba okyku o da gimi e ba e kŋe e bga egʼba ekyekyeŋ. Agimi e vye.