MoAfisu 1:20 - Ohwihwim Olehe

²⁰ Aŋa a kpo otum ta la alo angyiŋ omba baŋ a kso Ekristi ongybi, nga a daŋ a dzu obgori baŋ Ongyeŋ.

MoAfisu 1:20 ပူးပေါင်းရင်းမြစ်များ

Amatiyu 26:64

Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Amatiyu 28:18

Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Amarku 14:62

Eyesu a tno ma a lu mi le, Ame angyiŋ e wo Anwye Esesla ba Ahogbrẽ. Agimi pyeŋ é ka Anwye Arehwĩ á dzu obgori ba Ahogbrẽ, nga á gile etabro ba ongyeŋ á sa á ba.

Amarku 16:19

Ambla ba Eyesu Adigi a lu odlo pa la moanwyeotum baŋ okʼpoakyeŋ a khwo nga, moa a sko ŋa a gre Ongyeŋ, nga a dzu obgori ba Ahogbrẽ.

Eyohana 10:18

Arekyeŋ angyiŋ á sko eso me á sku me mbo, ambo ame angyiŋ é shri lo é di la obmi ba eso me. Ame e wo la ekʼpo ma okyku o shri lo o di, nga ame e wo la ekʼpo ma ba o bla lo o yga. Ame e yga odaŋ he lo ibu Adugu.

Eyohana 10:30

Ada pa la me, agi e wo okyekyeŋ.

Otum 10:40

Ambo Ahogbrẽ a kso ŋa ongybi. Onda otra Ahogbrẽ a daŋ a zgi.

Otum 26:8

Okyku eshi agimi Eyahuda e bmi ba adlidzi ba Ahogbrẽ a la a kso moa la a sheŋ a kpu mbo?

Otum 4:10

agimi mvye é yi, nga moarehwi ba Esrayila a mbo mvye á yi okyku ba alom la a tspi egi ayi bimi hi, a shaŋ ekʼpo ba Eyesu Ekristi ba Anazarata angyiŋ. Aŋa angyiŋ agimi e gŋe ŋa egŋe aki, nga Ahogbrẽ a daŋ a kso ongybi.

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

MoaOroma 1:4

Ambo ibu odzudzu baŋ ba Ahogbrẽ ba esesla, moa a tsa baŋ a wo Anwye Ahogbrẽ, la ekʼpo egagre, okyku ba moa a daŋ a kso ongybi.

MoaOroma 8:34

Arekyeŋ a sa a kpo a gbu baŋ a jygi mo? Ekristi Eyesu angyiŋ a wo are la a kpu nga moa a kso ŋa eku, nga ohuhuhi a wo obgori ba Ahogbrẽ. Aŋa a la a vẽ Ahogbrẽ okyku gi.

MoAfisu 1:3

Agimi e da gi e vye la Ahogbrẽ la a wo Adaŋ Adigi-odne Eyesu Ekristi! Okyku eshi okro okŋeobga bi ta la Ekristi, Ahogbrẽ a shri owlama ba okpoghwo ba Ogbgaodzi la o wo Ongyeŋ a shri a da gi a gre eshri.

MoaEfilibi 3:10

Ekplo ba ame e klo angyiŋ e wo okyku o yi Ekristi nga o hwiŋ ekʼpo ba oksongbybi baŋ a kso. Nga o pu ka la ŋa ewu baŋ a kpo, nga o dzu eka baŋ ibu eku baŋ,

MoaOkolosi 1:16

Okro baŋ angyiŋ Ahogbrẽ a kpo ekployaŋ a mbo la e wo ongyeŋ ta la obiŋ hi. Ayakplo ba moa a ka lo ta la ayakplo ba moa a ka lo mbo, ta la ekʼpo ba egbga, pa la moandakʼpo, pa la moa la a ri ekʼpo, ta la edgu ekʼpo ba egbga ba obiŋ hi. Ahogbrẽ a kpo obiŋ hi pyeŋ okro baŋ, nga okyku ŋa.

MoaOkolosi 3:1

Ahogbrẽ a da gimi e kso eku nga e hwiŋ esõ ta la Ekristi. Okyku eka he, agimi e shri esõ bimi e zga ayakplo la a wo Ongyeŋ. Ahe lo angyiŋ Ekristi a dzu emgbakyiŋ baŋ ba oreŋ, obgori ba Ahogbrẽ.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

MoaIbrani 10:12

Ambo Ekristi nga a shri oshriondba a shri a di odgo okyekyeŋ angyiŋ okyku odlobi moare. Oshye ba oshriondba he lo ó tspi gbagbu-amo. Ambla he nga aŋa a yi a dzu obgori ba Ahogbrẽ.

MoaIbrani 13:20

Ahogbrẽ a kso Adigi-odne Eyesu eku. Aŋa angyiŋ a wo Anyuŋ Are la a kpaŋ ékylu okyku eku baŋ a kpu. Ibu eku lo angyiŋ moa a klu ohwihwim ba gbagbu-amo.

MoaIbrani 2:9

Ambo agi e ka Eyesu angyiŋ a la a ri ekʼpo lo! Okyku omba ple moa a da ekʼpo baŋ e siŋ ekʼpo moanwyeadga fi, okyku okro okpoghwo ba Ahogbrẽ a kpu okyku moarehwĩ pyeŋ. Ohuhuhi agi e ka ŋa la a wo anyuŋ-areŋ la ekekʼpo ta la anyuanyuŋ okyku ewu baŋ a kpo okro eku.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.

Otsotsa 1:17

Ame e tsi e gbu eka okom ototno egi ayi baŋ omba ba ame e ka ŋa. Ambo a shri obgori baŋ a lom egʼba me nga a lu mi le, O kpo eyli mbo! Ame angyiŋ e wo a ba ori, ta la a ba amom-abgo.