Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MoAfisu 1:18 - Ohwihwim Olehe

18 Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

အခန်းကိုကြည့်ပါ။ ကော်ပီ




MoAfisu 1:18
49 ပူးပေါင်းရင်းမြစ်များ  

Alo o wo eka he okyku ba esõ mo e sheŋ e zhĩ. Moa a sheŋ a tsom atuŋ mo, Nga a bʼbu ayi mo, O mbo e mbi, moa a ka a gbu, Nga a gno a gbu. Nga a sa a ka a bmye, Nga moa á ba a zhiŋ á ba okro me Ahogbrẽ, Ame nga é ba e shaŋ mo.


Omba ba Eyesu pa la moanwyeotum baŋ a klo o kso o yi egi ehwõ, are angyiŋ-akyeŋ a knye a ba a kʼpu egi ayi baŋ nga a zhĩ ŋa a lu mi le, Andakʼpo ba Shasha, ame é kpo eshi okyku o da me e hwiŋ esõ ba gbabgu-amo?


Ambla he nga a hwile mo eso mo okyku o da mo a ka Akpa ba Ahogbrẽ a bmye.


Akyeŋ eshki moashe he lo a yga oshpa. Eshko baŋ e ri Elidiya. Aŋa a wo a ba Etatira. Aŋa a la a shri aknye moa a ghwo lo etu a gbmo. A wo are la a hlu Ahogbrẽ eshko. Adigi-odne nga a hwile ŋa eso okyku o daŋ a gno oshpa ba Oblus a nyum.


Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.


E ka, Ahogbrẽ a la a nyiŋ eso baŋ o wo baŋ a klo o sla are, o mbo le o wo baŋ a klo o shri owlama o da are mbo.


O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!


Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.


Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.


Okayiozhẽ bi o wo ba Ahogbrẽ á ba a shri opyapyaŋ á shri á zga agʼbaha baŋ ka la gi. Agi nga e la e dzu e bli ohe lo angyiŋ, la ekʼpo ba Ogbgaodzi ba Ahogbrẽ, alo e kpo otum ozhẽ obmi ba adlidzi bi.


Ekployaŋ a mbo e la e kpo la ohwihwim ba Ahogbrẽ angyiŋ. Ahogbrẽ nga a sla gi okyku o da gi e dzu moarehwr baŋ okro okŋeobga ta la Ekristi okyku ozga-esõ baŋ, ozhẽ baŋ a sheŋ a hwim a zga ma okũ oriori.


Okyku eshi ibu eku ba Ekristi angyiŋ moa a shri odzudum a shri a da gi, nga Ahogbrẽ a kyu gi abgo odlobi bi. Okpoghwo ba Ahogbrẽ o gre eshri!


Omba mi lo agimi e wo ogyugyuŋ ta la Ekristi. Agimi e wo moazhẽ, nga agimi e wo eshki moarehwĩ ba Ahogbrẽ a sla mbo. Agimi e wo abgo ohwihwim baŋ a hwim lo mbo. Esĩ lo angyiŋ e wo ekployaŋ a mbo baŋ a la a lu pa la moarehwĩ baŋ. Agimi e dzu obiŋ hi ta la okayiozhẽ, ta la Ahogbrẽ angyiŋ mbo!


Ame e vẽ Ahogbrẽ, okyku ekekʼpo baŋ la e wo nzenze, okyku o daŋ a shri ekʼpo a shri a da gimi ozhẽ ba Ogbgaodzi baŋ, okyku o da gimi egi eshyẽ bimi e wo la oshye ma,


Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.


Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.


Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.


Agimi a mbo e la e wo evbu ayga. Ambo eka ba agimi e sheŋ e dzu moarehwĩ ba Adigi-odne he, agimi e wo ayimom angyiŋ a mo. Okyku eka he, o raŋ o gre ba agimi e dzu eka moarehwĩ ba ayimom.


Okyku eka he ame e la e knye tsoŋ e yi ibu ba ori egbre, okyku o da me e ri egbre he lo. Alo angyiŋ o wo obzi ba Ahogbrẽ a bzi ibu ba Ekristi Eyesu okyku odzudzu la o wo ongyeŋ.


Nga okyku o da gimi e vye la Adigi la ovye, okyku eshi aŋa angyiŋ a da gimi e tse ma okyku o da gimi e hwiŋ ogʼba bimi eshki ekplo baŋ a shri a zga ma oreŋ ba ayimom.


O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.


Ohi lo o wo ohwihwim ba Ahogbrẽ angyiŋ, okyku o daŋ a hwile esõ baŋ a da moarehwĩ baŋ a ka. Eshyẽ baŋ a ghre he lo, e wo la anyuŋ angyiŋ nga owlama nzenze. Alo e wo okyku moarehwĩ pyeŋ angyiŋ. Eshyẽ lo e wo Ekristi esõ bimi, alo o dzu eka ba agimi é ba e hwiŋ ogʼba ba ekekʼpo ba Ahogbrẽ.


Omba ba oshpa ba adlidzi, Oshpaodzadzi he lo, o ba okro bimi, agimi e gno eka ba oshpa lo o shri okayiozhẽ o la o shri o ba. Okyku eka he obmi ba adlidzi bimi ta la oklo bimi, moa a tspi ayakplo ba agimi e la e ka ayi ozhẽ okyku lo angyiŋ. Moa a shri lo a zga Ongyeŋ adzadzi okyku gimi.


Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.


Opyapyaŋ ba Ekristi a la a shri a di angyiŋ ó sõ ombgu esõ bimi, okyku eshi okyku opyapyaŋ he lo angyiŋ Ahogbrẽ a bzi gimi a ba okyku o da gimi e ba e kŋe e bga egʼba ekyekyeŋ. Agimi e vye.


Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.


Ambo agi e wo moarehwĩ ba olulum angyiŋ, okyku eka he o raŋ o gre ba agi e nyuŋ eshri bi e zga. O raŋ o gre ba agi e tspi obmi ba adlidzi ta la oklo angyiŋ eka ba ombyli ba egi ayi. Nga agi e sko oshla ba agi e la e ka ayi ozhẽ okyku lo e zga eka ba etka ba ahwre.


Okyku eka he angyiŋ agi e fa olu ombamba pyeŋ okyku gimi. Agi e vẽ Ahogbrẽ okyku o daŋ a nyuŋ gimi a kpo nga a da gimi e tse ma okyku odzudzu baŋ a bzi gimi okyku lo. Aŋa la ekʼpo baŋ, o wo baŋ a bmi le, aŋa a bli ekhwo bimi okyku odzudzu la o wo odzi, nga a bli gimi okro ba otum bimi ba obmi ba adlidzi he lo.


Nga Adigi-odne Eyesu Ekristi ta la Ahogbrẽ la a wo Adigi la a klo gi, okyku okpoghwo baŋ a shri oshye-esõ ba gbagbu-amo ta la okayiozhẽ la o wo odzi a shri a da gi,


O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.


Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.


ozhẽ ba okpoghwo baŋ angyiŋ, onyuŋokpo o gre o ba agʼbaha bi ta la Ahogbrẽ. Okyku eka he nga agi e hwiŋ esõ ba gbagbu-amo ba agi e la e ka ayi ozhẽ okyku lo.


Agimi e ka eka ba ayakplo a wo ka la gimi ayga. Omba mi lo, ambla ba ayimom ba Ahogbrẽ a tra gimi, agimi e kpo ewu okyku ayakplo nzenze. Ambo ewu he lo e da gimi e tsi e gbu mbo ku-ku.


Nga moa á kpo anyu á ba a shri moare la a tsi a gbu á ba a bla á ba a da mo a sa a ghwo obiŋ? Ayga moa a wo ozhẽ ba ayimom ba Ahogbrẽ angyiŋ. Moa a sheŋ a ka owlama ba Ongyeŋ lo a bmye bgu, nga moa a sheŋ a yga ogʼba mo ba Ogbgaodzi.


E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.


Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.


Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ