MoAfisu 1:17 - Ohwihwim Olehe

¹⁷ Nga ame e vẽ Ahogbrẽ ba Adigi-odne Eyesu Ekristi, Adigi ba esesla, okyku o daŋ a shri Ogbgaodzi la o ba o shri okaobmye ó shri ó da gimi, nga ó tsa gimi Ahogbrẽ ó da gimi e ka, okyku o da gimi e yi ŋa.

MoAfisu 1:17 ပူးပေါင်းရင်းမြစ်များ

2 Ebitru 1:3

Ekʼpo baŋ ba Ahogbrẽ e shri ekployaŋ a mbo ba agi e klo okyku o da gi e dzu la odzudzu la o raŋ Ahogbrẽ esõ, ozhẽ oyioyi ba agi e yi ŋa la a bzi gi okyku o da gi e pu esesla baŋ ta la odzi baŋ.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.

MoAfisu 1:3

Agimi e da gi e vye la Ahogbrẽ la a wo Adaŋ Adigi-odne Eyesu Ekristi! Okyku eshi okro okŋeobga bi ta la Ekristi, Ahogbrẽ a shri owlama ba okpoghwo ba Ogbgaodzi la o wo Ongyeŋ a shri a da gi a gre eshri.

Eyohana 17:3

Eso ba gbagbu-amo angyiŋ e wo okyku o da moarehwi a yi boŋ angyiŋ la o wo Ahogbrẽ ba adlidzi akyakyeŋ, nga okyku o da mo a yi Eyesu Ekristi are boŋ o hom ŋa otum.

Amatiyu 11:27

Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

1 MoaOkorinti 2:10

Ambo Ahogbrẽ a hwile eshyẽ baŋ a da gi angyiŋ e ka. A kpo ohe lo ozhẽ ba Ogbgaodzi baŋ. Ogbgaodzi angyiŋ o la o mbga ekployaŋ a mbo o ka. O la o mbga okoklo ba Ahogbrẽ la o wo ogyugyuŋ a mbo.

MoAfisu 3:5

Ayga moa a hwile eshyẽ he lo a da moare a ka mbo. Ambo, ohuhuhi Ahogbrẽ a hwile moa la a nyum oshpa ta la moarehwĩ ba Ahogbrẽ a hom mo otum eshyẽ he lo ozhẽ ba Ogbgaodzi.

Eyohana 20:17

Eyesu a nyuŋ Emeri a lu mi le, O tka me mbo okyku eshi ame e bla e gre okro Ada a wo mbo. Ambo aŋo o yi okro moanime o nyuŋ mo o lu mi le, Ame é bla é yi okro Adugu la a wo Adigimi a mbo, aŋa a wo Ahogbrẽ me, nga a sa a wo Ahogbrẽ bimi a mbo.

Otum 6:10

Ambo Ogbgaodzi o shri edgu okaobmyekyeŋ o shri o da Estifanu. Ambo moa a la a klo o gno odlo baŋ mbo.

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Eyohana 14:26

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

2 MoaOkorinti 12:1

O dzu omgbybi ba ame e nyom egʼba ambo ame e yi ba alo o wo owlamakyeŋ mbo. Ambo ame é lu odlo eshri okoka, ta la otsotsa angyiŋ ohuhuhi. Adigi-odne angyiŋ a shri lo a da me.

Oluka 21:15

Okyku eshi omba he lo ame é shri edgu odlo bimi é ba e lu é da gimi. Nga ame é shri okaobmye é da gimi, nga moafpu gimi á kpo á gre gimi a gbu mbo, nga á tla odlo bimi a gbu mbo.

1 MoaOkorinti 12:8

Ogbgaodzi o shri oshpa ba okaobmye o shri o da areabze, nga Ogbgaodzi he lo o shri oshpa ba oyioyi angyiŋ o shri o da areabze.

1 MoaOkorinti 2:8

Are-kyeŋ eshki moa la a ri ekʼpo obiŋ hi a wo la edgu okaobmye he lo e mbi, moa a kũ Adigi-odne la a wo esesla, ekusa egŋe aki mbo.

MoaOroma 15:6

Okyku o da gimi mvye la enzi ekyekyeŋ e hlu Ahogbrẽ Adaŋ Adigi Eyesu Ekristi eshko.

Eyohana 16:3

Moa á kpo gimi edgu ayakplo he lo okyku ba moa a yi Ada o mbo le okyku ba moa a yi me mbo.

Eyohana 14:17

Obiŋ hi o kpo o gbu ba alo o yga ŋa mbo okyku eshi o kpo o gbu ba alo o ka ŋa mbo, o mbo le ba o yi ŋa mbo. Ambo agimi e yi ŋa okyku eshi aŋa a wo ka la gimi, nga á dzu eso bimi.

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amatiyu 11:25

Omba he lo nga Eyesu a lu mi le, Adugu, Adigi-odne la a ri Oreŋ Ongyeŋ ta la obiŋ hi! Ame e vye la ŋo okyku boŋ o tsa moare la a yi ekplokyeŋ mbo, eshyẽ ba odlo boŋ, nga o ra moa la a wo okaobmye la o wo ogyugyuŋ, pa la moa la a yi engla nzenze o zga.

Otsotsa 7:12

Moa a la a lu mi le, Amin! Ohlueshko ta la esesla, ta la okaobmye, ta la ovye, ta la ekʼpo, moa a wo a ba Ahogbrẽ bi angyiŋ gbagbu gbagbu-amo! Amin!

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Eyakubu 2:1

Agimi anáŋ! Odzudzu bimi, eka ba agimi e wo moare-hwĩ la a bmi ba adlidzi ta la Adigi-odne Eyesu Ekristi hi, aŋa la a wo Adigi-odne ba esesla angyiŋ. Agimi e sko moare e zga ondundum okyku edgu odzudzu mo ba egi edzi mbo.

1 MoaOkorinti 14:6

Okyku eka he agimi anáŋ, omba ba ame e ba okro bimi, o wo ba ame e la e lu elom moazhẽ e ygi gimi le, alo o wo owlama? Ó wo owlama tsi a mbo mbo, o wo le ame e shri otsotsakyeŋ okro ba Ahogbrẽ e shri e ba ayga dne, o mbo le oyioyikyeŋ, o mbo le oshpa la o gre eso, o mbo le onyenyekyeŋ ayga dne.

Oluka 12:12

Okyku eshi omba he lo, Ogbgaodzi ó tsa gimi eka ekplo bimi é ba e lu.

Oluka 2:14

Ohlueshko okyku Ahogbrẽ la a wo Ongyeŋ ekpyemgbyeŋ! Nga opyapyaŋ o dzu pa la moarehwi baŋ a gno oraŋ pa la mo!

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

MoaOroma 1:28

Okyku ba moare a tla o kpaŋ odlo adlidzi ba Ahogbrẽ, aŋa a dzu mo a zga la eso eshre lo. Okyku eka he moa a la a kpo ayakplo la a raŋ ba moa a kpo lo mbo.

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

MoAfisu 4:13

Agi mvye é kŋe é bga okyekyeŋ ibu ba obmi ba adlidzi bi nga ibu ba oyioyi bi eshri Anwye Ahogbrẽ, nga okyku o da gi e dzu eka moarehwĩ la a bmye ayi a klu, nga okyku o da gi e hlu e gbu ohlu ba egʼba ba Ekristi.

MoaEfilibi 3:15

Agi pyeŋ la e bmye ayi e klu odzudzu ba Ogbgaodzi, o raŋ o gre bi e wo la edgu aga he angyiŋ. Ambo o wo moa-kyeŋ a wo la edgu agakyeŋ ondundum eshki bimi le, Ahogbrẽ á tsa gimi alo zhezheŋ.

Amatiyu 20:33

Moa a tno ma a lu mi le, Andakʼpo, agi e klo boŋ o hwile gi ayi!