MoAfisu 1:13 - Ohwihwim Olehe

¹³ Nga alo a mbo o wo ekakahelo angyiŋ ka la gimi. Omba ba agimi e gno oshpa ba adlidzi la o wo Oshpaodzadzi, alo angyiŋ o shri oshla o kom gimi, agimi e bmi ba adlidzi ta la Ekristi, nga Ahogbrẽ a bre gimi evgo ba agimi e wo moarehwĩ baŋ ozhẽ baŋ a shri Ogbgaodzi baŋ a hwim ka la gimi a da gimi angyiŋ.

MoAfisu 1:13 ပူးပေါင်းရင်းမြစ်များ

Oluka 11:13

Agimi e wo moarehwi ba eda ebi, ambo ekakahelo agimi e yi eka bimi e shri ayakplo la a wo adzi e shri e da moanwye bimi. O wo ba agimi adaŋ moanwye la e wo eda ebi e yi eka bimi e shri ayakplo adzadzi e da moanwye bimi le, o sa o tsi Adigimi la a wo Ongyeŋ á shri Ogbgaodzi á da areyaŋ a mbo la a vẽ ŋa mbo?

Oluka 24:49

Ame é da ekplo ba Adugu a hwim a zga ma, é gile é ba eshri bimi. Ambo o dzu omgbybi ba agimi e dzu e bli ekʼpo osku he lo, o tsa ba moa á da ekʼpo lo e gile e zgi ongyeŋ e ba e gile eshri bimi.

Eyohana 1:17

Ahogbrẽ a da gi e hwiŋ odaŋ abgo ba Omusa, ambo a da gi e hwiŋ okpoghwo ta la adlidzi abgo ba Eyesu Ekristi.

Eyohana 14:26

Okpoghwo la o wo Ogbgaodzi ba Adugu á da lo o ba eshko me, ó nye gimi ekployaŋ a mbo, nga ó da gimi e tne aga ekployaŋ a mbo ba ame e lu e da gimi.

Eyohana 15:26

Are Okpoghwo á ba, aŋa angyiŋ a wo Ogbgaodzi ba adlidzi la o zgi okro Ada. Ame é da lo o zgi okro ba Ada ó ba, alo angyiŋ ó zgi egŋe me.

Eyohana 3:33

Areyaŋ a mbo la a yga odlo baŋ he lo, a tsa eka ba Ahogbrẽ a wo adlidzi angyiŋ.

Eyohana 6:27

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

Otum 1:4

Omba ba moa la a nyum oshpa lo mvye a pla emo a shki nga, Eyesu a shri odaŋ a da mo a lu mi le, Agimi e dzu Orushalima o tsa ba Adugu á shri ekplo la é kpo é ghwo gimi á shri á ba eka baŋ a sheŋ a hwim. Ame e sheŋ e lu lo e da gimi bgu.

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!

Otum 2:33

Moa a kso ŋa a daŋ a yi a dzu obgori ba Ahogbrẽ, nga a yga Ogbgaodzi okro baŋ eka ba Adaŋ a sheŋ a hwim. Ekplo bimi e ka nga e gno ohuhuhi, Ogbgaodzi angyiŋ o shri o da gi.

MoaOroma 1:16

Ame e bmi ba adlidzi ta la Oshpaodzadzi la o wo ekʼpo ba Ahogbrẽ, okyku o shla moare la a bmi ba adlidzi. Oriori moaEyahuda, ambla he nga, moa la a wo moaEyahuda mbo.

MoaOroma 4:11

Moa a sheŋ ŋa ongyum ambla lo angyiŋ. Nga osheŋongyum baŋ lo o wo okyku o tsa ba obmi ba adlidzi ba Ebrahim angyiŋ, Ahogbrẽ a yga ŋa eka ba arehwĩ ba odlodzi, ayga moa a sheŋ ŋa ongyum. Okyku eka he, Ebrahim angyiŋ a wo adigi ba ozhẽ Ahogbrẽ mvye, nga a sa a wo adimo la a bmi ba adlidzi ta la Ahogbrẽ, nga moa a yga mo eka moarehwi la a wo la odlodzi ma, ambo moa a ka a sheŋ mo ongyum mbo.

MoaOroma 6:17

Agi e vye la Ahogbrẽ! Okyku eshi ayga, agimi e wo moawaghrẽ ba odlobi angyiŋ, ambo ohuhuhi agimi e yga adlidzi eka moa a nye lo, la eso bimi ekyekyeŋ.

2 MoaOkorinti 1:22

A ta engla baŋ a sheŋ a sla gi eshri bi. Nga a shri Ogbgaodzi a ghwo eso bi, okyku o tsa ekployaŋ a mbo baŋ a wo la alo ma okyku gi.

2 MoaOkorinti 6:7

ta la oshpa bi ba adlidzi, ta la ekʼpo ba Ahogbrẽ. Odlodzi angyiŋ o wo ema ba o ta eko bi. O wo okyku o da gi e ta eko nga e ra e kpaŋ eshri bi.

MoaEgalasiya 3:14

Ekristi a kpo eka he okyku o da moa la a wo moaEyahuda mbo a mbo a hwiŋ owlama ba Ahogbrẽ a hwim ta la Ebrahim ozhẽ ba Ekristi Eyesu, okyku o da gi e hwiŋ Ogbgaodzi ba Ahogbrẽ a hwim ozhẽ ba obmi ba adlidzi.

MoAfisu 4:21

Agimi e gno odlo zhezheŋ eshri baŋ. Nga eka ba agimi e wo moa la a lu ŋa ma he, moa a sheŋ a nye gimi adlidzi la a wo eshri ba Eyesu.

MoAfisu 4:30

Agimi e tpi Ogbgaodzi ba Ahogbrẽ esõ ayi mbo. Okyku eshi Ogbgaodzi o dzu evgo ba Ahogbrẽ a bre eshri bimi angyiŋ. Alo o la o tsa ba agimi e wo moarehwĩ baŋ. O wo zhezheŋ ba onda ba Ahogbrẽ á ba a kyu gimi abgo ó ba.

1 MoaEtasolonika 2:13

Okyku okũ-okyeŋ nganga agi e vye la Ahogbrẽ ombamba pyeŋ. Omba ba agi e shri oshpa ba Ahogbrẽ e shri e ba, agimi e gno lo nga e yga lo. Agimi e yga lo eka ba oshpa ba arehwĩ angyiŋ mbo, ambo eka ba oshpa ba Ahogbrẽ angyiŋ. Adlidzi angyiŋ alo o wo oshpa ba Ahogbrẽ. Okyku eshi Ahogbrẽ a wo agʼbaha bimi la e bmi ba adlidzi ka la ŋa, nga a la a kpo otum baŋ eshki bimi.

2 Etimoti 2:15

O zga gble okyku o da Ahogbrẽ a gno oraŋ ka la ŋo eka ba anwyeotum la a gbu anzi la otum baŋ mbo, ambo o kpo lo eka ba are la a nye odlo ba Ahogbrẽ la adlidzi.

2 Etimoti 2:19

Ambo esĩ la e wo oshye ba Ahogbrẽ a sheŋ a ta, arekyeŋ a kpo lo esku a gbu mbo ku-ku. Moa a ta odlo he lo ma a lu mi le, Ahogbrẽ a yi moare la a wo moarehwĩ baŋ. Nga moa a sa a ta a lu mi le, Areyaŋ a mbo la a lu baŋ a wo a ba Ahogbrẽ angyiŋ bgu le, o dzu omgbybi baŋ a kyu ayakplobi pyeŋ abgo.

2 Etimoti 3:15

Nga o sheŋ o yi boŋ o yi Akpa ba Ahogbrẽ ba esesla, a zga omba boŋ o yi o wo anwye afifi. Okro obmi ba adlidzi ta la Ekristi Eyesu, Akpa ba Ahogbrẽ ba esesla he lo, a wo la ekʼpo ba ó shri okaobmye la ó shri oshla ó doŋ.

Etitu 2:11

Alo o wo eka he, okyku eshi Ahogbrẽ a shri okpoghwo a shri a ba okyku o da areyaŋ a mbo a hwiŋ oshla.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

Eyakubu 1:18

La oklo ba esõ baŋ angyiŋ, a kpo gi ozhẽ ba odlo ba adlidzi okyku o da gi e hwiŋ okro ba anyuanyuŋ angyiŋ e dzu ma eshki ba ayakplo pyeŋ baŋ a kpo.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

1 Ebitru 2:10

Ayga agimi e wo moarehwĩ ba Ahogbrẽ angyiŋ mbo, ambo ohuhuhi agimi e wo moarehwĩ baŋ. Ayga agimi e ka e yi okayiekŋe ba Ahogbrẽ mbo ku-ku. Ambo ohuhuhi agimi e hwiŋ okayiekŋe baŋ he lo.

Otsotsa 7:2

Ambla he nga ame e ka anwyeadgakyeŋ a zgi egi etne angyiŋ a ba. A shri egŋe ba Ahogbrẽ la a wo la esõ ma a shri a ba. A bzi moanwyeadga anyi he lo osheshye la enzi egagre. Ahogbrẽ a shri ekʼpo a da mo anyi he lo angyiŋ okyku o da mo a tpi obiŋ hi, ta la anyuŋ-ondzu ayi.