MoAfisu 1:11 - Ohwihwim Olehe

¹¹ Ekployaŋ a mbo e la e kpo la ohwihwim ba Ahogbrẽ angyiŋ. Ahogbrẽ nga a sla gi okyku o da gi e dzu moarehwr baŋ okro okŋeobga ta la Ekristi okyku ozga-esõ baŋ, ozhẽ baŋ a sheŋ a hwim a zga ma okũ oriori.

MoAfisu 1:11 ပူးပေါင်းရင်းမြစ်များ

Otum 13:48

Omba moa la a wo moaEyahuda mbo a gno eka he nga, moa a gno oraŋ nga moa a vye Adigi-odne okyku odlo baŋ. Nga moarehwi ba Ahogbrẽ a sheŋ a sla mo okyku eso ba gbagbu-amo, moa a bmi ba adlidzi.

Otum 2:23

Ahogbrẽ a yi, ambo a sheŋ a hwim eso baŋ, baŋ á shri Eyesu á da gimi, ambo agimi e shri ŋa e da moarehwi ba odlobi a gŋe ŋa egŋe aki.

Otum 20:27

Ame e kom ekplokyeŋ ba Ahogbrẽ a klo ba ame e lu e da gimi mbo ku-ku.

Otum 20:32

Ambo ohuhuhi ame e shri gimi e ghwo abgo Ahogbrẽ, ta la oshpa ba okpoghwo baŋ. Aŋa a kpo a gbu baŋ a da gimi e tspi osheshye, nga a shri owlama baŋ a shri a zga ma okyku moare baŋ, a shri a da gimi.

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

Otum 4:28

Moa a ka eshri a bga, okyku o kpo ekplo boŋ la ekʼpo boŋ o sheŋ o zga ba alo é ba e kpo.

MoaOroma 11:34

Akpa ba Ahogbrẽ a lu mi le, Ayi a yi eso ba Adigi? Ayi nga a kpo a gbu baŋ a shri ebra a shri a daŋ?

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

MoaOroma 8:28

Agi e yi ba ekployaŋ a mbo e la e kpo adzadzi pa la moare la a klo Ahogbrẽ, moahi lo a mi a sla mo.

MoaOroma 8:29

Okyku eshi moare ba Ahogbrẽ a sheŋ mo a sla, a sla mo a zga agba nga a da mo a sko emle ba Anwye baŋ, okyku o da Anwye baŋ a dzu a ba oriori eshki moanáŋ mvye.

MoaOroma 8:30

Okyku eka he Ahogbrẽ a bzi moare baŋ a sla mo. A bzi mo nga a khwo mbo, ambo a da opyapyaŋ o dzu agʼbaha mo ka la ŋa. Aŋa a da opyapyaŋ o dzu agʼbaha mo ka la ŋa sha mbo, ambo a da mo a ri ekʼpo baŋ ka la ŋa.

MoaOroma 9:11

Ambo Ahogbrẽ a tsa ŋa, ba aŋa angyiŋ a sla anwye akyeŋ he lo okyku o bli ekplo baŋ a sheŋ a zga. Okyku eka he a nyuŋ Erifkatu a lu mi le, Andakʼpo á dzu eka anwye-odne ba andetse. Aŋa a lu ayga moa a mbre mo, aŋa a lu ohe lo ayga moa a kpo ayakplo adzi, ta la ayakplobi. Okyku eka he, o wo zheŋ ba Ahogbrẽ a bzi mo okyku odlodzi mo angyiŋ mbo.

MoaEgalasiya 3:18

O wo ba odaŋ angyiŋ o wo esĩ ba ofaodi ba Ahogbrẽ le, ohwihwim baŋ o wo ba ototno angyiŋ. Ekayaŋ a mbo, Ahogbrẽ a shri ohe lo a da Ebrahim okyku eshi a sheŋ a hwim ka la ŋa okyku lo.

MoAfisu 1:14

Ogbgaodzi angyiŋ o wo ozhezheŋ ba agi é ba e hwiŋ ekplo ba Ahogbrẽ a hwim a zga ma okyku moarehwĩ baŋ. Aŋa a shĩ gi ba Ahogbrẽ á ba a shri odzudum la o bli á ba a shri á da moare la a wo moarehwĩ baŋ. E da gi e hlu eshko baŋ la ovyevye!

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 1:5

Ahogbrẽ a sheŋ a hwim a lu ma aŋa á da gi e ba okro baŋ, nga é dzu moanwye baŋ ozhẽ ba Eyesu Ekristi. Alo angyiŋ a wo ŋa ekplo ovye ta la ekplo baŋ a zga esõ baŋ.

MoAfisu 1:8

A shri lo nzenze a shri a da gi! La okaobmye baŋ ta la okaogyugyuŋ baŋ angyiŋ,

MoAfisu 1:9

Ahogbrẽ a kpo ekplo baŋ a sheŋ a shri a zga esõ baŋ angyiŋ. A hwile gi ekplo baŋ a hwim a ghre ma baŋ á ba a bli lo ozhẽ ba Ekristi.

MoAfisu 3:11

Ahogbrẽ a kpo ohe lo ozhẽ ba gbagbu-amo baŋ a shri a zga esõ baŋ, aŋa a da lo o kpo adlidzi ozhẽ ba Ekristi Eyesu Adigi-odne.

MoaOkolosi 1:12

Nga okyku o da gimi e vye la Adigi la ovye, okyku eshi aŋa angyiŋ a da gimi e tse ma okyku o da gimi e hwiŋ ogʼba bimi eshki ekplo baŋ a shri a zga ma oreŋ ba ayimom.

MoaOkolosi 3:24

E tne aga eka ba Adigi-odne á ba a hre gimi. Agimi nga é hwiŋ ekplo baŋ a hwim a zga ma okyku moarehwĩ baŋ. Okyku eshi Ekristi angyiŋ a wo Adaŋ-odne ba agimi e la e kpo otum okyku ŋa.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

Etitu 3:7

ozhẽ ba okpoghwo baŋ angyiŋ, onyuŋokpo o gre o ba agʼbaha bi ta la Ahogbrẽ. Okyku eka he nga agi e hwiŋ esõ ba gbagbu-amo ba agi e la e ka ayi ozhẽ okyku lo.

MoaIbrani 6:17

Ahogbrẽ a klo okyku o da ekployaŋ a mbo e dzu zhezheŋ egi ayi ba moare la á ba a hwiŋ ekplo baŋ a hwim okyku mo, nga okyku o da mo a yi baŋ á ba a nyiŋ ekplokyeŋ mbo. Okyku eka he aŋa a hwim la okʼpiashum.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Ebitru 1:4

Okyku eka he, agi e la e ka ayi ozhẽ ba agi é ba e hwiŋ owlama nzenze ba Ahogbrẽ a shri a zga ma okyku moarehwĩ baŋ. A shri lo a zga Ongyeŋ okyku gimi. Ahe lo, alo o kpo o gbu ba alo o vrẽ mbo, o mbo le ba alo o tpi ayi mbo, o mbo le ba alo o shraŋ mbo ku-ku.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.