MoAfisu 1:10 - Ohwihwim Olehe

¹⁰ Ohwihwim he lo, Ahogbrẽ a bli lo omba ba omba lo ó kpo. O wo okyku o daŋ a kŋe ayakplo pyeŋ a bga. Ayakplo baŋ a kpo la a wo Ongyeŋ ta la obiŋ hi mvye, nga okyku o da Ekristi angyiŋ a dzu eshri.

MoAfisu 1:10 ပူးပေါင်းရင်းမြစ်များ

Amatiyu 25:32

Moarehwĩ obiŋ hi pyeŋ nga, moa á shki á ta ŋa á kpaŋ. Nga aŋa á gʼba mo aha eka ba are la a kpaŋ a la á gʼba ékylu ta la ebme.

Amarku 1:15

Eyesu a lu mi le, Omba lo o ba bgu, nga Oreŋ Ahogbrẽ o wo osusku a mo. Agimi e kyu odlobi abgo nga e yga Oshpaodzadzi he lo.

1 MoaOkorinti 10:11

Ayakplo he lo pyeŋ a kpo pa la mo okyku o tsa moahwõ. Moa a ta lo okyku o shĩ gi angyiŋ. Okyku eshi omba o kpo okhwokhwo a mo.

1 MoaOkorinti 11:3

Ambo ame e klo bimi e ka e bmye ba Ekristi angyiŋ a wo la ekʼpo eshri ba areyaŋ a mbo. Arealom a wo la ekʼpo eshri ashe baŋ, nga Ahogbrẽ a mbo a wo la ekʼpo eshri ba Ekristi.

MoaEgalasiya 4:4

Ambo ambla ba omba lo o ba, Ahogbrẽ a da Anwye baŋ a ba. A ba eka ba anwye ba ashe ba obiŋ hi. A la a kpo otum ta la odaŋ moaEyahuda,

MoAfisu 1:22

Ahogbrẽ a shri ekployaŋ a mbo a ghwo abgo ba Ekristi. Nga a shri ŋa a da Eklisiya. Nga aŋa angyiŋ a daŋ a dzu anyuŋ Adaŋ-odne eshri ekployaŋ a mbo.

MoAfisu 2:15

A bga odaŋ moaEyahuda, ta la anwye-odaŋ lo, ta la oshioshĩ la o wo ma, okyku o daŋ a mbdzi moa-embre eha he lo okyku o da mo a dzu ogu olehe okyekyeŋ, la o wo la ekpom ka la ŋa, okyku o da opyapyaŋ o ba.

MoAfisu 3:15

Okro baŋ angyiŋ oguyaŋ a mbo Ongyeŋ ta la obiŋ hi, moa a la a yga eshko ba adlidzi he lo.

MoAfisu 3:2

Agimi e sheŋ e gno ba Ahogbrẽ ozhẽ ba okpoghwo baŋ angyiŋ, a shri otum he a shri a da me okyku o da gimi e hwiŋ owlama.

MoaOkolosi 1:16

Okro baŋ angyiŋ Ahogbrẽ a kpo ekployaŋ a mbo la e wo ongyeŋ ta la obiŋ hi. Ayakplo ba moa a ka lo ta la ayakplo ba moa a ka lo mbo, ta la ekʼpo ba egbga, pa la moandakʼpo, pa la moa la a ri ekʼpo, ta la edgu ekʼpo ba egbga ba obiŋ hi. Ahogbrẽ a kpo obiŋ hi pyeŋ okro baŋ, nga okyku ŋa.

MoaOkolosi 1:20

Ahogbrẽ nga a zga esõ ba o zhiŋ obiŋ hi pyeŋ o ba o zga abgo baŋ okro ba Anwye lo angyiŋ. Ahogbrẽ a shri opyapyaŋ a shri a ba okro eku ba Anwye baŋ a kpu egŋe aki. Okyku eka he Ahogbrẽ a bla ekployaŋ a mbo a shri a ghwo abgo baŋ, ekployaŋ a mbo la e wo obiŋ hi ta la Ongyeŋ.

MoaOkolosi 3:11

Okyku ohe lo, egʼba eka ba egʼba moaEyahuda pa la moa la a wo moaEyahuda mbo, ta la are la a sheŋ ongyum, ta la are la a sheŋ ongyum mbo, ta la are la a wo evbu, ta la are la a hwile ayi mbo, ta la awaghrẽ, ta la are la a wo awaghrẽ mbo, e wo ma mbo. Ambo Ekristi angyiŋ a wo ekployaŋ a mbo. Ekristi nga a wo ékployaŋ a mbo!

MoaIbrani 1:2

Ambo omba ba amom-abgo ekpyemgbyeŋ he, a lu odlo ka la gi ozhẽ ba Anwye baŋ. Ahogbrẽ a daŋ a dzu are la a wo la ekployaŋ a mbo ma. Nga okro ba Anwye baŋ he lo angyiŋ aŋa a kpo obiŋ hi pyeŋ.

MoaIbrani 11:40

okyku eshi Ahogbrẽ a hwim ekplo la e wo edzi e gre eka he angyiŋ a zga ma okyku gi. Ahogbrẽ a zga esõ ba moa á ba a bli zhezheŋ ka la gi otsotse angyiŋ.

MoaIbrani 9:10

Moa a la a kpo otum ta la algo ta la owa-wa, ta la edgu ondzandza andandandim ezhẽ ofaolu mo. Ayakplo he lo pyeŋ a wo odaŋ ba egi edzi sha angyiŋ. Moa a kpo otum la lo o tsa omba ba Ahogbrẽ á ba a zhiŋ ekployaŋ a mbo á da lo é dzu elehe.

1 Ebitru 1:20

Ahogbrẽ a sheŋ a sla ŋa ayga moa a kpo obiŋ hi. Nga moa a shri ŋa a tsa omba ba amom-abgo he okyku gimi.

Otsotsa 5:9

Moa a fu abmo alahe a lu mi le, Aŋo o tse ma boŋ o sko ashye akpa lo, Nga boŋ o ngʼga onono. Okyku eshi moa a bga ŋo, nga ibu ba eku boŋ o kpu he lo angyiŋ, Aŋo o gbmo moarehwĩ okyku Ahogbrẽ. Moarehwĩ he lo a zgi embreyaŋ a mbo, ta la olomyaŋ a mbo, ta la obiŋyaŋ a mbo.