MoAfisu 1:1 - Ohwihwim Olehe

¹ Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoAfisu 1:1 ပူးပေါင်းရင်းမြစ်များ

Oluka 16:10

Areyaŋ a mbo la a kpo adlidzi ta la ayakplo afifi le, á kpo adlidzi ta la ayakplo agagre. Nga areyaŋ a mbo la a kpo adlidzi ta la ayakplo afifi mbo le, á kpo adlidzi ta la ayakplo agagre mbo.

Otum 16:15

Aŋa pa la moa-odne baŋ moa a kpo mo abaptisma. Elidiya a nyuŋ gi a lu mi le, Agimi e ba e tum odne me, o wo bimi e ka ame e lu Adigi-odne ma adlidzi. Aŋa a rba gi a da gi e gre odne baŋ.

Otum 18:19

Moa a gbu osku ba Afisu. Oblus a dzu Ebriskila ta la Akila a zga ahe lo. Ahe lo, Oblus a gre anwyeakulu moaEyahuda nga, a yi a kla odlo pa la mo.

Otum 18:21

Omba baŋ a ba a yi a mo nga a nyuŋ mo a lu mi le, O wo ba alo o wo okoklo ba Ahogbrẽ, ame é sa é bla é ba e ka gimi. A gre amgblami ahe lo nga a kso a sku Afisu.

Otum 9:13

Ahananiya a tno Adigi-odne ma a lu mi le, Adigi-odne, moare nzenze a lu edgu odlo andandandim eka ba alom he lo a la a kpo moarehwi boŋ ewu osku ba Orushalima.

MoaOroma 1:1

Akpa he lo, a zgi abgo Oblus awaghrẽ ba Ekristi Eyesu. Ame, are la e nyum oshpa, nga Ahogbrẽ angyiŋ a sla me nga a bzi me okyku o da me e nyum Oshpaodzadzi baŋ.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

MoaOroma 8:1

Ohuhuhi, ombgu ó bga arekyeŋ la a kŋe a bga pa la Ekristi Eyesu mbo,

1 MoaOkorinti 4:12

nga agi e la e kpo otum ngre okyku o vgi eshri bi. Omba moare a ta ogbukyu a ygi gi, agi e fa anyuadzi angyiŋ e ygi mo, nga omba moare a kpo gi ewu nga, agi e ta eso bi akpyli.

1 MoaOkorinti 4:17

Okyku eka he lo angyiŋ, ame e hom Etimoti otum okro bimi. Aŋa a wo anwye me eshko ba Adigi-odne ba ame e klo ŋa nga la a wo adlidzi. Á dzũ gimi eka ozhẽ ba ame e la e sõ ibu ba eso elehe la e wo okro ba Ekristi Eyesu, nga ba ame e la e nye Eshki ba Ekristi okroyaŋ a mbo.

2 MoaOkorinti 1:1

Akpa he lo a zgi abgo ba Oblus are la a nyum oshpa ba Ekristi Eyesu, eka ba Ahogbrẽ a sheŋ a sla. Akpa he lo a zgi abgo ba Etimoti anigi bubgu. Alo a wo okyku Eklisiya ba Ahogbrẽ osku ba Okorinti, pa la moarehwi ba Ahogbrẽ la a wo obiŋ ba Egrise.

MoaEgalasiya 1:1

Akpa he lo a zgi abgo ba Oblus. Obzi baŋ okyku o daŋ a nyum oshpa o zgi aga arehwi o mbo le okro arehwi angyiŋ mbo. Ambo Eyesu Ekristi ta la Ahogbrẽ Adigi la a kso ŋa eku angyiŋ, a wo okũ lo.

MoaEgalasiya 3:26

Ozhẽ ba obmi ba adlidzi angyiŋ, agimi pyeŋ e dzu moanwye ba Ahogbrẽ ozhẽ ba okŋeobga ta la Ekristi Eyesu.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

MoaEgalasiya 3:9

Ebrahim a bmi ba adlidzi. Okyku eka he moa a shri owlama a shri a daŋ. Okyku eka he nga, areyaŋ a mbo la a bmi ba adlidzi á hwiŋ owlama eka he lo.

MoAfisu 1:15

Okyku eka he lo angyiŋ, a zga omba ba ame e gno oshpa ba obmi ba adlidzi bimi okyku Adigi-odne Eyesu, ta la oklo bimi okyku moarehwĩ pyeŋ ba Ahogbrẽ,

MoAfisu 2:10

Ahogbrẽ angyiŋ a wo are la a kpo gi. Nga ozhẽ ba okŋeobga ta la Ekristi angyiŋ, aŋa a kpo gi okyku o da gi e kpo otum odzadzi baŋ a sheŋ a shri a zga ma okyku gi.

MoAfisu 2:13

Ambo ohuhuhi, okro ba okŋeobga ta la Ekristi Eyesu, agimi la e wo ogyugyuŋ ayga, moa a shri gimi a ba osusku okyku eku ba Ekristi.

MoAfisu 2:6

Nga okro ba okŋeobga ta la Ekristi Eyesu a da gi e kso, okyku o da gi e ri ekʼpo ka la ŋa Ongyeŋ.

MoAfisu 6:21

Etikiku la a wo anigi ba adlidzi, aŋa nga a wo awaghrẽ ba adlidzi ibu otum ba Adigi-odne. Aŋa á shri oshpa ekployaŋ a mbo eshri me á shri á da gimi okyku o da gimi e yi eka ba ame e wo otum he lo e la e kpo.

MoaOkolosi 1:2

Alo a wo okyku moarehwĩ ba Ahogbrẽ la a wo osku ba Okolosi, moa la a wo moanigi ba adlidzi ba Ekristi. Ahogbrẽ la a wo Adigi a shri okpoghwo ta la opyapyaŋ a shri a da gimi.

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 2:13

A lu mi le, Ame e yi okro boŋ o dzu ma. Ibu he lo angyiŋ, emgbakyiŋ oreŋ ba Eshitaŋ e wo ma. Aŋo o kpo adlidzi pa la me, nga o ndba obmi ba adlidzi boŋ o bmi pa la me o ta a bi mbo omba ba moa a bga Antipa okro ba Eshitaŋ e dzu ma. Antipa a wo are la a zgi egŋe me la adlidzi angyiŋ.