MoaEgalasiya 4:3 - Ohwihwim Olehe

³ Ekakehelo omba ba Ogbgaodzi o bli gi a wo mbo, agi a mbo e dzu moawaghrẽ ba egbga ba obiŋ hi la e ri ekʼpo obiŋ hi lo angyiŋ.

MoaEgalasiya 4:3 ပူးပေါင်းရင်းမြစ်များ

Amatiyu 11:28

Agimi la e kpo ewu la oshri la o lbi, e ba okro me, ame é shri odzudum é da gimi.

Eyohana 8:31

Eyesu nga a nyuŋ moaEyahuda la a bmi ba adlidzi ka la ŋa a lu mi le, O wo bimi e yga onyenye me, agimi e wo moanwyeotum me ba adlidzi.

Otum 15:10

Okyku eshi agimi e klo e mbga Ahogbrẽ e ka, nga e klo e shri oshri e zga mo eshri? Ohe lo moadigi a mbo ka la gi e kpo e gbu bi e shri lo mbo!

MoaOroma 7:14

Agi e yi ba odaŋ ba Omusa o zgi okro ba Ahogbrẽ angyiŋ o ba, ambo ame e wo la a wo la egʼba ba eku, nga moa a shri me a gbmo eka ba awaghrẽ ba odlobi.

MoaOroma 8:15

Okyku Ogbgaodzi ba Ahogbrẽ a shri a da gimi, o la o da gimi e dzu moawaghrẽ angyiŋ nga o la o shri eyli o ghwo gimi egʼba mbo. Ambo Ogbgaodzi o la o zhiŋ gimi o da gimi e dzu moanwye ba Ahogbrẽ. Nga okyku ekʼpo ba Ogbgaodzi lo angyiŋ, agi e la e fa olu okro ba Ahogbrẽ e la e bzi ŋa Adigi! Adigi!

2 MoaOkorinti 11:20

Agimi e la e kpo oheheŋ ta la areyaŋ a mbo la a vu gimi omgbybi o mbo le areyaŋ a mbo la a kpgo gimi, o mbo le areyaŋ a mbo la a zhĩ gimi eda, o mbo le areyaŋ a mbo la a dzĩ gimi, o mbo le areyaŋ a mbo la a sheŋ gimi abgo agba.

MoaEgalasiya 2:4

Ambo moarekyeŋ la a ba la obile ma moa a wo moanáŋ angyiŋ, moa a gre a ba eshki lo. Moa a klo o sheŋ ŋa ongyum. Moare he lo a ba eka moare la a kpre okro a ka angyiŋ, moa a ba okyku o yi edgu odzudum ba agi e wo la alo ma okyku okŋeobga bi e wo la alo ma ta la Ekristi Eyesu. Moa a klo bi e dzu moawaghrẽ sha.

MoaEgalasiya 3:19

Odaŋ lo, moa a shri lo a di okyku eshi a mo? Moa a ta lo ma okyku o tsa ekplo la e wo la akpu. O wo okyku odzuma ma-me o tsa omba ba anwye ba Ebrahim á ba a ba. Moa a hwim ohwihwim lo ta la anwye he lo angyiŋ. Moanwyeadga ba Ahogbrẽ angyiŋ a shri odaŋ lo a shri a ba. Arekyeŋ nga a tspi agʼbaha mo pa la moarehwi.

MoaEgalasiya 4:2

Omba baŋ a yi a wo anwye, moare la a kpaŋ ŋa a wo ma. Moa a la a kpo ŋa ekployaŋ a mbo o tsa ba omba ba adaŋ a zga ŋa o bli.

MoaEgalasiya 4:24

Moa a kpo a gbu ba moa a sko oshpa he lo eka egŋe. Moashe aha he lo moa a dzu ohwihwim oha. Okyeŋ o dzu Ahaga. Alo o zgi Akũ ba Esinayi. Moanwye baŋ a mbre a wo moawaghrẽ angyiŋ.

MoaEgalasiya 4:25

Ahaga a dzu eka ba Akũ ba Esinayi, obiŋ ba Arabiya, nga aŋa angyiŋ a dzu egŋe ba osku ba Orushalima ba ohuhuhi. Aŋa pa la moarehwi la a wo ma pyeŋ, moa a wo moawaghrẽ angyiŋ.

MoaEgalasiya 4:31

Okyku eka he agimi anáŋ, agi e wo moanwye ashe la a wo awaghrẽ angyiŋ mbo, ambo agi e wo moanwye ashe ba odne angyiŋ.

MoaEgalasiya 4:8

Ayga agimi e yi Ahogbrẽ mbo ku-ku. Okyku eka he agimi e dzu moawaghrẽ ba egbga la e wo moahogbrẽ angyiŋ mbo.

MoaEgalasiya 4:9

Ambo ohuhuhi ba agimi e yi Ahogbrẽ, o mbo le ame é lu ma ba Ahogbrẽ a yi gimi, okyku eshi agimi e klo e bla e yi ozhẽ egbga la e wo la oshye ma mbo, ba ayiekŋe la a la a ri ekʼpo? Okyku eshi agimi e klo e bla e dzu moawaghrẽ mo nganga?

MoaOkolosi 2:20

Agimi e sheŋ e kpu ta la Ekristi, nga moa a sheŋ a shla gimi abgo ba egbga la e la e ri ekʼpo obiŋ hi pyeŋ. Okyku eshi agimi e dzu eka bimi e yi e wo moarehwĩ ba obiŋ hi? Okyku eshi agimi e kpaŋ edgu odaŋ la o lu mi le,

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

MoaIbrani 5:12

Omba o wo la gimi nzenze okyku o da gimi e dzu moa la a nye, ambo o raŋ o gre ba agimi e hwiŋ arekyeŋ la á zga esĩ á nye gimi odlo ba Ahogbrẽ. Agimi e la e wa abmo-andu sha okyku eshi agimi e kpo e gbu ba gimi e ri algo la a shye mbo.

MoaIbrani 7:16

Moa a shri otum he lo a daŋ ozhẽ ba odaŋ moarehwĩ a jygu angyiŋ mbo. Aŋa a dzu andakʼpo olu ba Ahogbrẽ okro ekʼpo ba esõ la e khwo ku-ku nga mbo angyiŋ.