MoaEgalasiya 2:2 - Ohwihwim Olehe

² Ame e gre okyku Ahogbrẽ a tsa la ame e yi. Eshki ba agi e kpo pa la moandakʼpo ambambga, ame e wre edgu oshpa ba ame e la e nyum e ygi moa la a wo moaEyahuda mbo e da moandakʼpo lo. Okyku eshi ame e klo ba otum me ba ayga ta la otum me ba ohuhuhi, ba alo o tpi ayi ototno mbo.

MoaEgalasiya 2:2 ပူးပေါင်းရင်းမြစ်များ

MoaEgalasiya 2:6

Ambo moabze la a sko emo a zga eka moandakʼpo, ame e lu ohi okyku eshi alo o dzu akplokyeŋ angyiŋ pa la me mbo, o wo ba moa a wo eshi a mbo. Okyku eshi Ahogbrẽ a la a sõ moare ombgu la okoka ba edzi angyiŋ mbo. Moandakʼpo he lo moa a ka a shri ebra ehekyeŋ a shri a da me mbo.

MoaEfilibi 2:16

eka ba agimi e shri oshpa ba esõ e shri e da mo. O wo ba agimi e kpo eka he lo angyiŋ le, ame e wo la ohwilegʼba ma e gre eshri olum Onda ba Ekristi lo, okyku eshi alo ó tsa ba ozgayi me ta la otum me o wo otum ba ototno angyiŋ mbo.

1 MoaEtasolonika 3:5

Okyku eka he angyiŋ ame e hom Etimoti otum. Alo o gre me eshri esõ angyiŋ a mo, okyku eka he ame e hom ŋa otum okyku o daŋ a yi odzudzu bimi okro obmi ba adlidzi. Adlidzi, alo o wo eka ba Eshitaŋ a bile gimi nga ba otum bi o wo otum ba ototno angyiŋ mbo!

MoaEgalasiya 2:9

Eyakubu ta la Ebitru, ta la Eyohana, moahi lo a wo eka moandakʼpo, moa a ka a bmye ba Ahogbrẽ angyiŋ a shri otum he lo a shri a da me. Okyku eka he nga moa a wa obgo ta la Abarnaba pa la me a mbo. Okyku bi e wo moa la a kpo otum otsotse, agi e bmi ba agi é ba e kpo otum pa la moa la a wo moaEyahuda mbo, nga ba moa á ra á kpo otum pa la moaEyahuda.

1 MoaOkorinti 9:26

Okyku eka he ame e la e zga ayi e knye okyku o yi o gbu engla ba o tspi ma. Okyku eka he ame e wo eka ba are la a ta akum. Edgu are he lo a la a she abgo mhẽ.

1 MoaOkorinti 1:23

Ambo agi e su Ekristi egŋe aki. Oshpa he lo o la o tpi moaEyahuda eso ayi, nga o dzu ekplo adro angyiŋ pa la moa la a wo moaEyahuda mbo.

1 MoaOkorinti 9:24

Agimi e yi eka ba moa a la a kpo omba ba moa a knye oŋe. Moare pyeŋ angyiŋ a la a knye, ambo arekyekyeŋ sha a la a ri. Okyku eka he agimi e knye oŋe e wlu ayi okyku o da gimi e ri.

1 MoaOkorinti 2:2

Ame e sko e zga eso me, ba ame é ba e nyum oshpa ba Eyesu Ekristi sha é da gimi omba ba ame e wo ka la gimi. Ame é shĩ odlo eshri eku baŋ a kpu egŋe aki angyiŋ nzenze.

Otum 15:12

Moa-eshki mvye a dzu tki nga moa a ngli a gno oshpa ba Oblus ta la Abarnaba a la a lu. Moa a lu eka ba Ahogbrẽ a shri ekʼpo a da mo nga, moa a kpo ayakplo egbregbre egi ayi moa la a wo moaEyahuda mbo.

Otum 15:4

Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

MoaEfilibi 2:29

Agimi nga e yga ŋa la ovye eka ba anaŋ la a lu Adigi-odne ma. Agimi e fa olbi e da areyaŋ a mbo la a wo eka baŋ he,

MoaEgalasiya 1:16

Omba baŋ a zga eso nga, a ra Anwye baŋ a tspa a da me e ka okyku o da me e nyum Oshpaodzadzi baŋ e ygi moa la a wo moaEyahuda mbo, ame e gre okro ba arekyeŋ okyku ebra akplokyeŋ mbo.

Otum 23:11

Okyukyku onda he lo nga, Adigi-odne a tspi egi ayi Oblus a nyuŋ ŋa a lu mi le, Aŋo Oblus o ghwo eso! Aŋo o sheŋ o zgi egŋe me Orushalima bgu, nga aŋo ó kpo ekaka-helo Oroma.

Otum 18:9

Okyukyku ondakyeŋ nga, Oblus a ka okoka. Ibu okoka he lo, Adigi-odne a nyuŋ ŋa a lu mi le, O kpo eyli mbo, ambo aŋo o nyum oshpa nga o zga eso boŋ gble.

Otum 5:34

Ambo eshki mo alomakyeŋ a wo ma. Aŋa a ri Egamaliya. Aŋa a wo a ba Efarisi. A la a nye moare odaŋ. Moare pyeŋ a la a ka ŋa la anyuanyuŋ nzenze. Aŋa a kso egi ayi moandakʼpo la a sõ ombgu nga a lu mi le, Agimi e da moa la a nyum oshpa a zgi.

Amatiyu 10:16

Agimi e ngli e gno! Ame e hom gimi otum eka ba ékylu angyiŋ egi ayi ba ebuakam. Okyku eka he agimi e nyuŋ e kpo-kpo eka amabi nga e dzu moarehwĩ la a kpo anvaŋ mbo eka ba abyebye.

Otum 15:2

Oblus ta la Abarnaba, moa a kʼpi ohwa ta la mo a kla ohe lo a gre eshri. Okyku eka he moa a hwim a lu mi ma Oblus ta la Abarnaba, ta la moakyeŋ ba Antakiya lo a yi Orushalima nga, a lu a da moa la a nyum oshpa pa la moandakʼpo eshri odlo he lo.

MoaOroma 9:16

Okyku eka he, ekplokyeŋ ba Ahogbrẽ a la a kpo, e wo okyku ekplo ba arehwĩ a klo mbo, o mbo le okyku otum ba arehwĩ a la a kpo angyiŋ mbo, ambo o wo okyku okayiekŋe ba Ahogbrẽ sha angyiŋ.

2 MoaOkorinti 12:1

O dzu omgbybi ba ame e nyom egʼba ambo ame e yi ba alo o wo owlamakyeŋ mbo. Ambo ame é lu odlo eshri okoka, ta la otsotsa angyiŋ ohuhuhi. Adigi-odne angyiŋ a shri lo a da me.

MoaEgalasiya 1:6

Ame e ka egbregbre ka la gimi! Ohuhuhi agimi e tla are la a bzi gimi la okpoghwo ba Ekristi, nga agimi e yga oshpakyeŋ ondundum.

MoaEgalasiya 1:12

Ame e yga lo okro ba arehwi angyiŋ mbo, nga arekyeŋ a nye me alo mbo. Ambo Eyesu Ekristi eshrishri eŋa angyiŋ a hwile oshpa lo zhezheŋ a tsa me.

MoaEgalasiya 5:7

Agi e mbi e la e zga ayi adzadzi, ayi a sa a da gimi e tspi ta la okpo otum ta la adlidzi lo? Aŋa a kpo anyu a rba gimi a gbu?

2 Etimoti 4:7

Ame e kpo ekployaŋ a mbo ba ame e kpo e gbu okyeoknye he lo. Ame e sheŋ e knye lo e bli. Nga ame e kpaŋ la obmi ba adlidzi lo.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.