MoaEfilibi 4:9 - Ohwihwim Olehe

⁹ Agimi e kpo otum ta la ekplo bimi e nye nga e yga okro me. Alo pyeŋ a zgi okro ba odlo me ta la okro ba otum me angyiŋ. Nga Ahogbrẽ la a shri opyapyaŋ a shri a da gi, á dzu ka la gimi.

MoaEfilibi 4:9 ပူးပေါင်းရင်းမြစ်များ

Amatiyu 1:23

Moa a lu mi le, Anwyeshe lo, á kpo onyi nga á mbre anwyealom, nga moa á bzi ŋa ma Emanuwe. Alo o dzu, Ahogbrẽ a wo ka la gi.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Amatiyu 7:21

Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Oluka 6:46

Okyku eshi agimi e la e bzi me ma Adigi-odne, Adigi-odne, ambo agimi e kpo ekplo ba ame e klo bimi e kpo mbo?

Oluka 8:21

Ambo Eyesu a tno ma a lu a da mo mvye a lu mi le, Anungu, pa la moanime angyiŋ a wo moare la a gno odlo me nga a la a kpaŋ lo.

Eyohana 13:17

Agimi e yi adlidzi ba lo, ambo agimi é gno oraŋ e gre eshri o wo bimi e kpo otum ta la adlidzi he lo!

Eyohana 15:14

O wo ba agimi e kpo ekplo ba ame e klo le, agimi e wo moakyemeazba.

Eyohana 2:5

Anaŋ Eyesu a nyuŋ moanwye-odne lo a lu mi le, Ekployaŋ a mbo baŋ a lu a da gimi, agimi e kpo lo.

Otum 9:6

O kso o yi osku eshyẽ, moa á lu ekplo boŋ ó ba o kpo á da ŋo ma.

MoaOroma 15:33

Ahogbrẽ la a wo esĩ ba opyapyaŋ bi a dzu ka la gimi pyeŋ. Amin.

MoaOroma 16:20

O wo bimi e la e tspi eka he angyiŋ le, Ahogbrẽ á ngli ayga á ba a sha Eshitaŋ adga bimi mbo. Okpoghwo ba Adigi-odne Eyesu o dzu ka la gimi.

1 MoaOkorinti 10:31

Okyku eka he, ekployaŋ a mbo boŋ o kpo, omba boŋ o ri ta la omba boŋ o wa, o raŋ o gre boŋ o kpo ayakplo lo mvye okyku o hlu Ahogbrẽ eshko.

1 MoaOkorinti 14:33

Okyku eshi Ahogbrẽ a bzi gi okyku o da gi e ba e kpo ambgu angyiŋ mbo, ambo okyku o da gi e dzu la opyapyaŋ ba eso. Okyku o da gi e dzu eka moa a kpo Eklisiya pyeŋ ba Ahogbrẽ,

1 MoaOkorinti 4:16

Okyku eka he, ame e vẽ gimi, agimi e la e kpo ayakplo eka ba ame e la e kpo.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

MoaEfilibi 3:17

Agimi anáŋ pyeŋ, e mbili me ombayaŋ a mbo. Agi e sheŋ e shri egŋe la e wo shasha e zga egi ayi bimi, okyku eka he e mbili moa la a kpo otum ta la egŋe he lo.

MoaEfilibi 4:7

Nga opyapyaŋ ba Ahogbrẽ la o gre okaobmye ba arehwĩ ó kpaŋ esõ bimi ta la aga bimi okro ba Ekristi Eyesu.

1 MoaEtasolonika 1:6

Agimi e mbili gi ta la Adigi-odne. Ambo eka ba agi e kpo ewu egyagi a mbo, agimi e yga oshpa lo la ovyevye la o zgi okro ba Ogbgaodzi angyiŋ o ba.

1 MoaEtasolonika 2:14

Agimi anáŋ, moa a kpo gimi edgu ayakplo ba moa a kpo moaEklisiya ba Ahogbrẽ, la a wo moarehwĩ ba Ekristi Eyesu obiŋ ba Eyahuda angyiŋ. Edgu ewu ba moaEyahuda a kpo angyiŋ, agimi a mbo e kpo edgu ewu he lo abgo moanigimi.

1 MoaEtasolonika 5:23

Ahogbrẽ nga la a la a shri opyapyaŋ a shri a da gimi, aŋa á bmi á zhiŋ gimi á da gimi e dzu moarehwĩ baŋ ekpyemgbyeŋ nga á da odzudzu bimi pyeŋ, ta la esõ bimi, ta la ayaŋ ba esõ bimi, ta la egʼba bimi, é ngʼba é sku akpuyaŋ a mbo omba ba oba-ba ba Adigi-odne Eyesu Ekristi.

2 MoaEtasolonika 3:4

Adigi-odne angyiŋ a da gi e bmi ka la gimi, okyku eka he, agi e bmi ba adlidzi ba agimi e la e kpo, nga é ba e kpo ayakplo ba agi e nye gimi.

2 Etimoti 4:22

Adigi-odne a dzu ka la ŋo, nga okpoghwo ba Ahogbrẽ o dzu ka la gimi pyeŋ.

Eyakubu 1:22

E bile egimi mbo, nga e ngli atuŋ e gno odlo ba Ahogbrẽ lo o gno sha mbo. Ambo e kpo otum ta la alo a mbo ko-ko.

2 Ebitru 1:10

Okyku eka he nga agimi anime, agimi e zga ayi gble okyku o da obzi ba Ahogbrẽ a bzi gimi, ta la osla baŋ a sla gimi, o dzu zhezheŋ angyiŋ esõ bimi. O wo ba agimi e kpo eka he lo angyiŋ le, agimi é tsi é gbu ku-ku mbo.

1 Eyohana 3:22

Agi e la e hwiŋ ekployaŋ a mbo ba agi e la e vẽ, okyku eshi agi e la e kpaŋ odaŋ baŋ nga e la e kpo ekplo la e raŋ ŋa esõ.