MoaEfilibi 4:8 - Ohwihwim Olehe

⁸ Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

MoaEfilibi 4:8 ပူးပေါင်းရင်းမြစ်များ

Amatiyu 22:16

Ambla he nga, moa a da moanwyeotum mo, pa la moa la a lu Ehirudu ma a gre okro Eyesu. Moa a zhĩ ŋa a lu mi le, Andakʼpo, agi e yi boŋ o wo are ba adlidzi angyiŋ, o la o nye moare adlidzi eshri odlo ba Ahogbrẽ. Nga aŋo o la o kpo eyli ayakplo ba moare a tne eshri lo mbo.

Amarku 6:20

Ehirudu a kpo eyli Eyohana okyku eshi a yi Eyohana a wo arehwĩ ba eda edzi nga a wo esesla. Okyku eka he a kpaŋ ŋa nga a kpo ŋa akplokyeŋ abi mbo. Ehirudu a gno oraŋ ta la odlo Eyohana, ambo a klo ŋa mbo.

Oluka 16:15

Eyesu a nyuŋ mo a lu mi le, Agimi e sko eshri bimi e zga eka moarehwi la a wo shasha egi ayi moarehwi, ambo Ahogbrẽ a yi edgu eso bimi. Ekplo ba moarehwi a sko lo a zga la anyuanyuŋ e wo ekplokyeŋ angyiŋ egi ayi Ahogbrẽ mbo.

Oluka 2:25

Alomakyeŋ a la a dzu Orushalima, eshko baŋ e ri Esimiyo. A wo arehwĩ ba eda edzi, nga a wo are la a kpo eyli Ahogbrẽ. A ka ayi ozhẽ okyku omba ba moaEsrayila á ba a hwiŋ oshla. Ogbgaodzi o wo ka la ŋa.

Oluka 23:50

Alomakyeŋ a wo ma, eshko baŋ e ri Oyusufu. A zgi osku ba Arimatiya. O wo osku moaEyahuda angyiŋ. A wo are ba edadzi nga a gbu eshko. Aŋa a la a ka ayi ozhẽ okyku oba-ba ba Oreŋ Ahogbrẽ. A wo akyeŋ eshki moa la a sõ ombgu angyiŋ, ambo a bmi ta la ekplo ba moa a hwim mbo.

Eyohana 7:18

Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo.

Otum 10:22

Moa a tno ma a lu mi le, Andakʼpo Okoniliyu angyiŋ a hom gi otum. Aŋa a wo arehwĩ adzadzi angyiŋ. Aŋa a la a hlu Ahogbrẽ eshko, nga moaEyahuda a fa olbi a daŋ nzenze. Anwyeadga ba Ahogbrẽ a nyuŋ ŋa a lu mi ma aŋa a bzi ŋo okyku o doŋ o ba o yi odne baŋ, okyku o doŋ o lu ekplo la e wo ma o daŋ a gno.

Otum 22:12

Alomakyeŋ a wo ma eshko baŋ e ri Ahananiya. A wo are la a lu Ahogbrẽ ma adzadzi, nga a la a kpaŋ odaŋ Ahogbrẽ. MoaEyahuda pyeŋ la a wo Adamasku a la a ka ŋa la olbi.

Otum 6:3

Okyku eka he, agimi anáŋ, o raŋ o gre bimi e sla moanáŋ afoha, moa la ba Ogbgaodzi o kpo otum pa la mo, nga a wo la okaobmye ma. Agi e da moahi lo angyiŋ á ba a kpo otum o gʼba anzho lo.

MoaOroma 13:13

O raŋ o gre bi e nyuŋ e dzu adzadzi, eka ba moarehwi la a yi ekplo moa a kpo. Agi e dzu eka moa la a wa ajige nga a kpo ayi mbo. Agi e dzu eka moa la a kpo eshre mbo. Agi e dzu eka moa la a kpo ayakplobi mbo. Agi e dzu eka moa la a klo ambgu nga a la a ta efpu ta la emo mbo.

MoaOroma 13:3

Moare la a la a kpaŋ odaŋ moa a kpo eyli moareŋ mbo, ambo moa la a kpaŋ odaŋ mbo moa a kpo eyli moareŋ. O wo boŋ o klo o dzu pyapyaŋ ta la are la a ri ekʼpo, o kpaŋ odaŋ. O wo boŋ o kpaŋ odaŋ bgu le, á ka ŋo la oklo.

MoaOroma 14:18

Areyaŋ a mbo la a kpo otum ba Ekristi eka he angyiŋ le, Ahogbrẽ pa la moarehwi a mbo, moa á gno oraŋ ka la ŋa.

MoaOroma 2:29

Ambo are ba Eyahuda ba adlidzi angyiŋ a wo are la a wo a ba Eyahuda eso. Edgu are he lo angyiŋ a wo are la a da mo a sheŋ ŋa ongyum eso. Ohe lo o wo otum ba Ogbgaodzi ba Ahogbrẽ angyiŋ, o wo otum ba odaŋ ba moa a ta akpa angyiŋ mbo. Are he lo a la a yga otsom baŋ okro ba Ahogbrẽ angyiŋ, aŋa a la a yga lo okro moarehwi angyiŋ mbo.

1 MoaOkorinti 4:5

Arekyeŋ a sõ arekyeŋ ombgu ayga a da omba lo o kpo mbo. Ombgu ba amom-abgo, moa á sõ lo omba ba Adigi-odne á ba. Adigi-odne á se ayakplo la a ghre mgbyi-mgbyiŋ eso moarehwi á ta edzi. Omba he lo angyiŋ, are-yaŋ a mbo á ba a yga otsom ba alo o raŋ o gre baŋ a hwiŋ lo okro ba Ahogbrẽ.

2 MoaOkorinti 13:7

Agi e vẽ Ahogbrẽ okyku o da gimi e ta akpukyeŋ mbo, ambo alo o wo okyku o tsa ba agi e gre gimi angyiŋ mbo, ambo okyku o da gimi e kpo ekplo la e raŋ e gre. Ambo o dzu mbo agimi e sko gi e zga eka ba moa la a sheŋ a nye angyiŋ.

2 MoaOkorinti 6:8

Moa a la a ka gi la ekekʼpo, nga moa a la a sa a ta gi anzi. Nga moa a dzĩ gi nga moa a tsom gi. Moa a la a kpo ka la gi eka bi e wo moa la a sheŋ akpro, ambo agi e la e lu adlidzi.

2 MoaOkorinti 8:18

Agi é da anáŋ-akyeŋ la a gbu eso obiŋ a ba ka la ŋa. Eklisiya mvye e bmi ta la anáŋ he lo eka baŋ a la a nyum Oshpaodzadzi.

2 MoaOkorinti 8:21

Okũ ekployaŋ a mbo bi e kpo e wo okyku o da gi e kpo ekplo la e raŋ e gre egi ayi ba Adigi-odne sha mbo, ambo egi ayi ba moarehwi a mbo.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

MoAfisu 5:9

Okyku eshi ayimom lo angyiŋ a wo la a shri oyayla nzenze la o wo odzi ta la odlodzi, ta la adlidzi a shri a ba.

MoAfisu 6:14

Okyku eka he agimi e tspi nga e dzu e bli a mo. E da adlidzi angyiŋ a dzu ashye akpa bimi e ta osĩ, nga e da odlodzi angyiŋ o dzu ombyli ba egi ayi bimi.

MoaEfilibi 3:1

Ekplo ba amom-abgo ekpyemgbyeŋ nga, agimi anáŋ, ame e la e vẽ Adigi-odne okyku o daŋ a shri ovye nzenze a shri a da gimi. O kpo me ewu okyku ba ame e bla e shĩ ekplo ba ame e sheŋ e ta mbo. Nga alo o kpo o ghwo okyku o da gimi e dzu opyapyaŋ.

MoaOkolosi 4:5

E nyuŋ e kpo-kpo pa la moare la a bmi ba adlidzi mbo. Agimi e kpo otum adzadzi ta la anvaŋyaŋ a mbo ba agimi e hwiŋ,

1 MoaEtasolonika 4:12

Ozhẽ he angyiŋ moare la a bmi ba adlidzi mbo á ba a ka gimi la olbi. Nga agimi é ka ayi abgo ba arekyeŋ okyku ekplokyeŋ ba agimi e klo mbo.

1 Etimoti 2:2

nga okyku moareŋ, pa la moandakʼpo pyeŋ la a la a ri ekʼpo, okyku o da gi e dzi e hwile egʼba nga e dzu opya-pyaŋ, nga e fa olbi e da Ahogbrẽ la odzudzu la o wo shasha.

1 Etimoti 3:11

O raŋ o gre ba eda moashe mo e wo eda edzi, nga moa a dzu moa la a kpo onjygu mbo. O raŋ o gre moa a nyuŋ eshri a zga nga a kpo adlidzi ekployaŋ a mbo.

1 Etimoti 3:4

O raŋ o gre baŋ a dzu are la a kpaŋ odne baŋ adzadzi a gbu, nga a kpo a gbu baŋ a kpaŋ moanwye baŋ ozhẽ ba o fa olbi o di.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

1 Etimoti 5:2

Nga o kpo pa la moashe la a tsoŋ eka ba moa a wo moanoŋ, nga o kpo pa la moashe la a ra ola eka moa a wo moanóŋ-alashle, o kpo mo ekployaŋ a mbo la e wo okyekye.

Etitu 1:8

O raŋ o gre baŋ a dzu are la a yga moazhẽ odne baŋ la anyu eŋo-eŋo nga a klo ekplo la e wo edzadzi. Aŋa a dzu are la a vu eŋa a ghwo, ta la are la a tspi kyekye, nga la a wo esesla, nga a nye eda.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

Etitu 2:2

O lu o da moakpoatsoŋ-alom, o da mo a nyuŋ eshri mo a zga, nga moa a wo la eda, nga moa a nyuŋ emo a zga, nga a tspi adzadzi ibu obmi ba adlidzi mo, nga a tspi osheshye la oklo ta la oghwo-esõ.

Etitu 2:7

Aŋo eshrishri eŋo nga, o raŋ o gre boŋ angyiŋ o dzu egŋe okyku o da moahwõ a nye ayakplodzi okro boŋ. Aŋo nga o kpo adlidzi nga o zga ayi onyenye boŋ lo.

Etitu 3:14

O nye moarehwĩ bi okyku o da mo a shri aga mo a zga okyku o kpo ayakplo la a wo adzi, okyku o da mo a kpo a ghwo la moare nga okyku o da mo a dzu ototno mbo.

MoaIbrani 11:2

Moarehwĩ ba ogbyi, Ahogbrẽ a bmi pa la mo okyku obmi ba adlidzi ba moa a wo la alo ma angyiŋ.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 4:8

Akplo la a gre pyeŋ, agimi e klo egimi la esõ pyeŋ, okyku eshi oklo o la o shki odlobi nzenze.

2 Ebitru 3:1

Agimi akyemeazba! Akpa he a wo akpa ba oha angyiŋ ba ame e ta gimi. Akpekpa ahaha lo pyeŋ, ame e zga ngre okyku o dzu gimi eshri ayakplo he lo ibu o tne gimi aga la a wo adzi esõ bimi.

1 Eyohana 3:18

Agimi anwye me! Agi e da oklo bi o dzu egba ta la odlo sha mbo. O raŋ o gre ba alo o dzu oklo ba adlidzi la o tsa eŋa otum ba alo o kpo.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.