MoaEfilibi 4:5 - Ohwihwim Olehe

⁵ Agimi e tsa moare pyeŋ esõ la e wo ble-ble. Adigi-odne á ta adzadzi á ba á mo.

MoaEfilibi 4:5 ပူးပေါင်းရင်းမြစ်များ

Amatiyu 6:25

Okyku eka he angyiŋ ame e lu e da gimi, e lu mi le, Agimi e da esõ e ngʼba gimi okyku ekplo bimi é ba e ri nga é wa okyku o da gimi e dzu ma mbo. Agimi e ngʼba esõ eshri aknye bimi é ba e ygi egʼba mbo. E ka, esõ e wo anyuanyuŋ e gre aknye mbo? Egʼba e wo anyuanyuŋ e gre algori mbo?

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

MoaIbrani 10:37

Okyku eshi odlo ba Ahogbrẽ o lu mi le, Ambla fi nga, Are la á ba lo, á ba. Aŋa á ngli tsi mbo.

1 Ebitru 4:7

Amom-abgo ba ekployaŋ a mbo e wo osusku a mo. O raŋ o gre ba agimi e nyuŋ eshri bimi e zga nga e dzu e kʼpu, okyku o da gimi e kpo e gbu nga e fa olu.

1 MoaOkorinti 6:7

Eka bimi e la e kpo embgu ta la egimi hi o tsa ba agimi pyeŋ e sheŋ e nye. O raŋ o gre ba moa a kpo ogʼga ka la gimi, o sku ba agimi e kpo embgu ta la egimi mbo?

MoaIbrani 10:25

E kyu o shki eshki otsotse ta la egi abgo mbo ku-ku eka ba moakyeŋ a la a kyu lo abgo. Ambo o raŋ o gre ba agi e la e shĩ egi angyiŋ okyku eshi agimi e ka e bmye eka ba olum Onda ba Adigi-odne o la o gbogbogbga o wo osusku a mo.

Otsotsa 22:7

Eyesu a lu mi le, Agimi e ngli atuŋ e gno! Ame e wo osusku ba oba-ba! Moa la a kpaŋ odlo ba okaolu ba akpa he lo, moa a gno oraŋ!

1 MoaOkorinti 8:13

O wo ba algori á da anime a kpo odlobi angyiŋ le, ame é taŋ ebyi nga mbo ku-ku, okyku eshi ame e klo baŋ a kpo odlobi mbo.

Amatiyu 6:34

Okyku eka he, agimi e ngʼba esõ ekplokyeŋ la e wo ba akyi mbo. Ewu ba akyi e tse ŋa ma. Okyku eka he, o raŋ o gre ba agimi e shri ewu ekyeŋ e ta ewu ba olum ondayaŋ a mbo e la e kpo ma mbo.

Otsotsa 22:20

Are la a zgi egŋe baŋ eshri odlo he lo pyeŋ a lu mi le, Adlidzi angyiŋ! Ame e wo osusku oba-ba! Alo o dzu eka he lo. Aŋo Adigi-odne Eyesu aŋo o ba!

1 Ebitru 1:11

Moa a zga ngre okyku o da mo a yi omba lo, ta la eka ba oshla lo ó ba o ba. Ogbgaodzi ba Ekristi la o wo pa la mo, alo o tsa omba he lo angyiŋ, nga alo o ka nga o lu odlo eshri ewu ba Ekristi á ba a kpo, nga baŋ á ba a ghwo esõ ta la alo. Nga alo o sa o lu odlo eshri ekekʼpo la é ba e ba ambla.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

2 MoaEtasolonika 2:2

agimi e da ekplokyeŋ e so gimi ayi mbo ku-ku, eka ba moakyeŋ a la a lu ma Onda ba Adigi-odne o sheŋ o ba bgu. Agimi e da ohe lo o kpo gimi ewu esõ mbo. O dzu mbo arekyeŋ angyiŋ a ka nga a lu, o mbo le o dzu mbo arekyeŋ angyiŋ a nyum oshpa nga a lu. O dzu mbo moa a lu ma agi angyiŋ e ta lo akpa bi e ta.

Oluka 21:34

Agimi e nyuŋ eshri bimi e zga! Agimi e da oriabgo, ta la owa-ami, ta la ogroayi ba anzho ba obiŋ hi o bile gimi mbo, o mbo le onda mi lo ó ba o gnyu gimi ó gnyu.

1 MoaOkorinti 16:22

Areyaŋ a mbo la a klo Adigi-odne mbo le, a ba eshri baŋ! Amaranata, o dzu, Adigi-odne o ba!

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,