MoaEfilibi 4:4 - Ohwihwim Olehe

⁴ Ahogbrẽ nga a shri ovye a shri a da gimi ombamba pyeŋ. Ame é bla alo é shĩ, e kpo ovye!

MoaEfilibi 4:4 ပူးပေါင်းရင်းမြစ်များ

Amatiyu 5:12

Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Otum 16:25

Ekpatspe okyukyku nga, Oblus ta la Esila moa a la a fa olu nga moa a fu abmo a la a hlu Ahogbrẽ eshko. Moahwõ moa a shri mo a ygi aku pa la mo nga, moa a la a ngli a gno.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

MoaOroma 12:12

Agimi e la e ka ayi ozhẽ la ovyevye, nga e ghwo eso omba bimi e kpo ewu, nga e fa olu ombamba mvye.

2 MoaOkorinti 6:10

Moa a tpi gi eso ayi, ambo egi e wo la ovye ma ombamba pyeŋ. Agi e wo eka bi e wo la ekŋe ototno, ambo agi e da moare nzenze a gbu angyiŋ. Alo o wo eka bi e wo la emakyeŋ ma mbo, ambo agi angyiŋ e wo la emayaŋ a mbo e ma.

MoaEgalasiya 1:8

Ambo o wo bi o mbo le moanwyeadga ba Ahogbrẽ la a wo Ongyeŋ a mbo, o wo moa a nyum oshpakyeŋ la o wo ondundum ta la oshpa bi e nyum e ygi gimi le, a ba eshri mo!

MoaEfilibi 2:18

Ekakahelo, o raŋ o gre ba agimi a mbo e da me e pu ka la gimi ovye bimi.

MoaEfilibi 3:1

Ekplo ba amom-abgo ekpyemgbyeŋ nga, agimi anáŋ, ame e la e vẽ Adigi-odne okyku o daŋ a shri ovye nzenze a shri a da gimi. O kpo me ewu okyku ba ame e bla e shĩ ekplo ba ame e sheŋ e ta mbo. Nga alo o kpo o ghwo okyku o da gimi e dzu opyapyaŋ.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.