MoaEfilibi 4:1 - Ohwihwim Olehe

¹ Okyku eka he nga agimi anáŋ ba ame e klo gimi nzenze, alo o kpo me ewu ba ame e dzu gimi e zga e gre eshri! Agimi e gbu me esõ obiŋ, nga ame e wo la ovye ma okyku gimi e gre eshri. Ohe lo o tsa ozhẽ okyku o da gimi e tspi la osheshye angyiŋ ibu odzudzu bimi okro ba Adigi-odne.

MoaEfilibi 4:1 ပူးပေါင်းရင်းမြစ်များ

Amatiyu 10:22

Areyaŋ a mbo á tla gimi okyku me. Ambo are la a ta esõ akpyli o tsa omba amom-abgo le, aŋa á gro.

Eyohana 8:31

Eyesu nga a nyuŋ moaEyahuda la a bmi ba adlidzi ka la ŋa a lu mi le, O wo bimi e yga onyenye me, agimi e wo moanwyeotum me ba adlidzi.

Otum 11:23

Omba baŋ a gbu ma a ka eka ba Ahogbrẽ a shri owlama a da moare nga, a gno oraŋ a gre eshri, nga a shĩ mo ma moa a tspi gble, nga a kpo otum Adigi-odne la adlidzi, la eso mo mvye.

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

Otum 2:42

Moa a dzu pa la moa la a nyum oshpa okyku o da mo a nye mo odlo Ahogbrẽ. Moa a la a ri ekpom otsotse nga moa a la a ri algo nga a la a fa olu otsotse.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

1 MoaOkorinti 16:13

Agimi e la e nyuŋ e ka, nga e tspi osheshye obmi ba adlidzi. E dzu moarealom nga e zga gble.

2 MoaOkorinti 1:14

ayakplo bimi e ka lo e bmye e bli mbo ohuhuhi, nga Onda ba Adigi-odne Eyesu le, agimi é vye la gi eka bi a mbo é vye la gimi.

MoaEgalasiya 5:1

Agi e wo la odzudum ma. Ekristi a sheŋ a shri odzudum a da gi! Okyku eka he agimi e tspi eka moarehwi la a wo la odzudum ma, nga agimi e bmi e dzu moawaghrẽ nga mbo.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaEfilibi 1:8

Ahogbrẽ a yi ba ame e la e lu adlidzi angyiŋ omba ba ame e lu ba oklo ogyugyuŋ ba ame e wo la alo ma o zgi esõ ba Ekristi Eyesu angyiŋ ababgo baŋ.

MoaEfilibi 2:16

eka ba agimi e shri oshpa ba esõ e shri e da mo. O wo ba agimi e kpo eka he lo angyiŋ le, ame e wo la ohwilegʼba ma e gre eshri olum Onda ba Ekristi lo, okyku eshi alo ó tsa ba ozgayi me ta la otum me o wo otum ba ototno angyiŋ mbo.

MoaEfilibi 2:26

A wo la ekhwo okyku o ka gimi pyeŋ. Esõ nga e ngʼba ŋa e gre eshri okyku eshi a yi ba agimi e gno baŋ a no olo.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 3:13

Ozhẽ he lo angyiŋ aŋa á da esõ bimi e tspi osheshye. Nga agimi é tspi la obiobli la esesla egi ayi ba Ahogbrẽ bi la a wo Adigi omba ba Adigi-odne Eyesu á ba pa la moarehwĩ baŋ.

2 MoaEtasolonika 2:15

Okyku eka he, agimi anáŋ, e kom onyenye ba adlidzi ba agi e nye gimi okro oshpa ba agi e nyum e ygi gimi, ta la okro akpa ba agi e ta gimi.

2 Etimoti 2:1

Aŋo Etimoti anwye me, o tspi osheshye okpoghwo ba okŋeobga bi e wo la alo ma ta la Ekristi Eyesu.

MoaIbrani 10:23

Agimi e da gi e la e kom okayiozhẽ ba agi e la e su osheshye. Okyku eshi agi e bmi ba adlidzi ta la Ahogbrẽ baŋ á bli ohwihwim baŋ lo.

MoaIbrani 3:14

Okyku eshi agi pyeŋ e pu ta la Ekristi, o wo ba agi e kom oyioyi bi la osheshye ba agi e zga esĩ la alo ma-me o tsa amom-abgo.

MoaIbrani 4:14

O raŋ o gre ba agi e kom obmi ba adlidzi ba agi e la e tspi okyku lo osheshye. Okyku eshi agi e wo la anyuŋ-andakʼpo olu ba Ahogbrẽ la a gre egi ayi ba Ahogbrẽ a ka. Aŋa angyiŋ a wo Eyesu Anwye ba Ahogbrẽ.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.