MoaEfilibi 3:18 - Ohwihwim Olehe

¹⁸ Ame e sheŋ e lu ohe lo e da gimi engyi oshushku bgu, nga ame e sa e shĩ gimi e shri lo e ta ma-ma ta la amanyi ayi angyiŋ ohuhuhi. Moare nzenze ba odzudzu mo o da mo a dzu moafpu ba eku ba Ekristi egŋe aki a wo ma.

MoaEfilibi 3:18 ပူးပေါင်းရင်းမြစ်များ

Oluka 19:41

Eyesu a gbu osusku ta la Orushalima. A ka lo nga a gbu ogbrẽ,

Otum 20:19

La eso ble-ble, ta la oghwo-esõ ame e kpo otum me eka ba anwye-odne ba Adigi-odne. Ame e kpo ewu nzenze okyku eshi omba he lo moaEyahuda a la a fu eshri me.

MoaOroma 9:2

Eso e tpi me ayi e gre eshri okyku moarehwi ba embre me, nga alo o ka ó khwo me eso ondakyeŋ ku-ku mbo, okyku eshi moa a wo egʼba me ta la amanzhli me angyiŋ!

1 MoaOkorinti 1:18

Okyku eshi oshpa ba Ekristi a kpu egŋe aki, o wo akplo-kyeŋ angyiŋ pa la moa la a tpi ayi mbo, ambo alo o wo ekʼpo ba Ahogbrẽ angyiŋ pa la moa la a hwiŋ oshla lo.

1 MoaOkorinti 6:9

Adlidzi angyiŋ, agimi e yi zhe-zheŋ ba moarehwi ba odlobi á ba a yi Oreŋ ba Ahogbrẽ mbo mbo? Agimi e bile egimi mbo, okyku eshi moarehwi la a la a kpo ayakplo ba eshre, nga a la a kpo ololo, nga a la a ri eshra, nga a klo moarealom,

2 MoaOkorinti 11:13

Moahi lo a wo moa la a nyum oshpa ba adlidzi angyiŋ mbo. Moa a wo moa la a kpo otum ba akpro angyiŋ, nga moa a sko eshri mo a zga eka moa la a nyum oshpa ba Ekristi ba adlidzi.

2 MoaOkorinti 11:29

Omba ba arekyeŋ a sheŋ a nye le, alo o kpo me a mbo ewu, eka ba ame angyiŋ e sheŋ e nye. Nga omba ba arekyeŋ a kpo odlobi le, eso e bili me e gre eshri.

2 MoaOkorinti 2:4

Ame e ta gimi akpa la esõ-etpiayi, ta la eso la e bli ta la amanyi nzenze ayi okyku o da eso e tpi gimi ayi mbo, ambo ame e kpo lo okyku o da gimi e yi eka ba ame e klo gimi pyeŋ nzenze.

MoaEgalasiya 1:7

Adlidzi angyiŋ, oshpakyeŋ ondundum o wo ma okrokyeŋ mbo ku-ku. Ame e lu eka he okyku eshi moarekyeŋ a klo o so gimi ayi nga o nyiŋ Oshpaodzadzi ba Ekristi.

MoaEgalasiya 2:14

Omba ba ame e ka ba moa a dzi ozhẽ shasha ta la adlidzi ba Oshpaodzadzi mbo, ame e nyuŋ Ebitru egi ayi moare pyeŋ e lu mi le, Aŋo o wo a ba Eyahuda angyiŋ, ambo aŋo o la o dzu eka are la a wo a ba Eyahuda mbo. Aŋo o la o dzu eka a ba Eyahuda angyiŋ mbo. Okyku eshi aŋo o klo o vu moa la a wo moaEyahuda mbo omgbybi okyku o da mo a dzu eka moaEyahuda?

MoaEgalasiya 2:21

Ame e ka e tla okpoghwo ba Ahogbrẽ mbo. O wo ba arehwi a hwiŋ opyapyaŋ agʼbaha baŋ ta la Ahogbrẽ ozhẽ ba odaŋ angyiŋ le, o dzu eka ba eku ba Ekristi e dzu otum ba ototno angyiŋ.

MoaEgalasiya 5:21

Moa a la a kpo efpu, nga a wa ajige a kpo ayi, nga a la a kpo eshki ba o wa ajige. Nga moa a la a kpo edgu ayakplo he lo. Ame e shĩ gimi eka ba ame e shĩ gimi ayga, moa la a kpo edgu ayakplo he lo, moa á hwiŋ Oreŋ ba Ahogbrẽ mbo ku-ku.

MoaEgalasiya 6:12

Moa la a klo moare a ka mo moa a wo la anzho adzadzi egʼba, nga o sko ayakplo ba ototno o zga la anyuanyuŋ, moa angyiŋ a la a zga ngre okyku o da gimi e sheŋ ongyum omgbybi. Moa a la a kpo lo okyku eshi moa a bmi okyku o kpo ewu okyku egŋe aki ba Ekristi mbo.

MoaEgalasiya 6:14

Okro me, ekayaŋ a mbo ame é nyom egʼba okyku egŋe aki ba Adigi-odne Eyesu Ekristi sha. Okyku eshi okro ba egŋe aki baŋ sha angyiŋ ayakplo ba obiŋ hi a kpu okro me, nga ame a mbo e kpu okro ba ayakplo ba obiŋ hi.

MoAfisu 4:17

La eshko ba Adigi-odne angyiŋ ame e lu odlo he, nga ame e la e tspi gaŋ okyku lo. O dzu omgbybi ba agimi e dzu eka moaevbu ku-ku nga mbo. Aga mo a wo adzi ku-ku mbo.

MoaEfilibi 1:4

Nga ombayaŋ a mbo ba ame e fa olu okyku gimi, ame e fa lo la ovyevye,

1 MoaEtasolonika 4:6

Okyku odlo he lo o raŋ o gre ba arekyeŋ a kpo anáŋ akplokyeŋ abi o mbo le a ka a kpgo ŋa mbo ku-ku. Agi e sheŋ e lu odlo he lo ka la gimi, nga agi e shĩ gimi osheshye eka ba Adigi-odne á ba a da ewu e hwiŋ moa la a la a kpo edgu ayakplo ba akpu he lo.

2 MoaEtasolonika 3:11

Agi e lu eka he okyku eshi agi e gno oshpa ba moabze eshki bimi a la a kpo oreŋ. Moa a la a kpo akplokyeŋ mbo o wo le moa a la a ghwo abgo akplo moahwõ sha.

2 Ebitru 2:10

Ombgu o wo ma zhezheŋ okyku moarehwĩ la a klo ayakplo ba eshre ba egʼba, nga moa a la a dzĩ ekʼpo ba Ahogbrẽ. Moa la a nye onyenye ba akpro he lo, moa a shpi esõ nga moa a la a hre egʼba. Nga moa a la a ka olbi ba ama ba esesla la a wo ongyeŋ mbo. Ambo moa a dzĩ lo a sku.

Eyahuda 1:13

Moarehwĩ he lo a wo eka ondzami ba anyuŋ-ondzu la o wlu ayi o gre eshri. Moa a la a kpo ayakplo ba ototno la a wo eka afumvu ototno ba ami ba anyuŋ-ondzu. Moa a wo la anzi ma mbo. Moa a wo eka ba éyi enzo la e la e dzi wayawaya. Ahogbrẽ a sla okro la o wo evbu mgbyimgbyimgbyiŋ angyiŋ a shri a zga ma okyku mo.