MoaEfilibi 3:12 - Ohwihwim Olehe

¹² Ame e sko eshri me e zga eka ba ame e sheŋ e kpo ohe lo e khwo angyiŋ mbo. Nga ame e sko lo e zga eka ba ame e sheŋ e bli angyiŋ mbo. Ame e la e zga ayi okyku o da me e hwiŋ alo angyiŋ, okyku eshi ame e sheŋ e wo arehwĩ ba Ekristi Eyesu angyiŋ a mo.

MoaEfilibi 3:12 ပူးပေါင်းရင်းမြစ်များ

Amatiyu 5:48

Agimi e bli shasha, eka ba Adigimi la a wo Ongyeŋ a bli shasha.

Otum 9:15

Adigi-odne a nyuŋ ŋa a lu mi le, Aŋo o yi, okyku eshi ame e sla ŋa okyku o daŋ a kpo otum okyku me, okyku o daŋ a nyum oshpa me a ygi moa la a wo moaEyahuda mbo, pa la moanyuŋ-areŋ, pa la moarehwi ba Esrayila.

MoaOroma 8:39

Obiŋ la o wo ongyeŋ, ta la obiŋ la o wo egi eshyẽ ba obiŋ hi a mbo moa a kpo a gbu mbo. Ekplokyeŋ obiŋ hi e kpo e gbu ba alo e ngʼba gi e sku oklo ba Ahogbrẽ mbo. Oklo he lo agi e hwiŋ lo okyku Ekristi Eyesu Adigi angyiŋ.

1 MoaOkorinti 13:10

Ambo omba ba ekplo la e bli é ba e ba, ekplo la e sheŋ e nye é blu.

1 MoaOkorinti 13:12

Ayakplo ba agi e la e ka ohuhuhi a wo eka ba amu emakyeŋ a zgi a dzu akpaokayi. Omba mi lo nga agi é ka ekployaŋ a mbo la enmwre ayi. Ayakplo ba ame e yi ohuhuhi a wo ple sha ayga. Omba mi lo nga, ame é yi ekployaŋ a mbo pyeŋ, eka ba Ahogbrẽ a yi me pyeŋ.

1 MoaOkorinti 9:24

Agimi e yi eka ba moa a la a kpo omba ba moa a knye oŋe. Moare pyeŋ angyiŋ a la a knye, ambo arekyekyeŋ sha a la a ri. Okyku eka he agimi e knye oŋe e wlu ayi okyku o da gimi e ri.

2 MoaOkorinti 13:9

Agi e wo la ovye ma omba bi e sheŋ e nye, ambo agimi e wo oshye. Okyku eka he agi a mbo e la e fa olu okyku o da gimi e bli.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoaEgalasiya 5:17

Okyku eshi okoklo ba egʼba o la o ta eko ta la okoklo ba Ogbgaodzi. Nga okoklo ba Ogbgaodzi o la o ta eko ta la okoklo ba egʼba. Moaha he lo a wo moafpu emo angyiŋ. Okyku eka he nga alo o tsa bimi e kpo e gbu bimi e kpo ekployaŋ a mbo bimi e klo e gbu mbo.

MoAfisu 1:4

Omba ba moa a ka a kpo obiŋ hi a wo mbo, Ahogbrẽ a sheŋ a sla gi okyku o da gi e dzu moarehwĩ baŋ okro ba Ekristi, nga okyku o da gi e dzu la esesla, ta la akpu ko mbo egi ayi baŋ. Okyku oklo baŋ lo,

MoAfisu 4:12

A kpo ohe lo okyku o nye moarehwĩ ba Ahogbrẽ pyeŋ okyku otum ba Ekristi angyiŋ, nga okyku o mbdzi egʼba ba Ekristi.

MoaEfilibi 1:1

Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.

MoaEfilibi 3:16

O wo ba alo o wo ekayaŋ a mbo, agimi e da gi e la e knye la edgu odaŋ ba agi e la e kpo otum ta la lo ma-me e bli omba he.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

1 MoaEtasolonika 5:15

E nyuŋ e kpo-kpo, o wo ba anáŋ a kpo eshki bimi odlobi le, a bla ŋa a kpo ŋa mbo, ambo ombamba pyeŋ e hwiŋ esõ bimi nga e kpo ayakplo adzi ta la egimi ta la areyaŋ a mbo.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

1 Etimoti 5:10

Nga o raŋ o gre baŋ a wo are la a wo la eda edzi ba moare a yi ŋa la alo. Nga baŋ a wo ashe la a la a nye moanwye baŋ adzadzi nga a la a yga moazhẽ la anyu eŋo-eŋo odne baŋ. O raŋ o gre baŋ a dzu awaghrẽ ba moarehwĩ la a lu Ahogbrẽ ozhẽyaŋ a mbo, nga baŋ a dzu are la a kpo a ghwo la moa la a wo ewu. Nga o raŋ o gre baŋ a dzu are la a shri eshri baŋ a di okyku o kpo otum andandandim la o wo odzi.

1 Etimoti 6:19

Ozhẽ he lo angyiŋ moa á ba a pla owlama á shki ma okyku asheŋayi-asheŋayi hi. Ohe lo angyiŋ ó ba o dzu esĩ la e wo oshye okyku omba mi lo. Ozhẽ he lo angyiŋ moa á ba a kpo á gbu moa á hwiŋ esõ ba adlidzi.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

MoaIbrani 12:23

Agimi e ba eshki la e wo la ovye ma angyiŋ. Eshki he lo e wo moanwye andakʼpo ba Ahogbrẽ. Moa a ta ashko mo akpa la a wo Ongyeŋ. Agimi e ba okro ba Ahogbrẽ la a wo are la a sõ moarehwĩ pyeŋ ombgu. Nga agimi e ba eshki esõ ba moarehwĩ pyeŋ ba odlodzi la a sheŋ a bli zhezheŋ.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

Eyakubu 3:2

Agi pyeŋ e la e ta akpu ayakplo nzenze ombamba. Are la a ta akpu ekplokyeŋ baŋ a lu a ka mbo le, aŋa a bli, nga a wo are la a kpo a gbu baŋ a kpaŋ egʼba baŋ pyeŋ.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

2 Ebitru 3:18

Ambo agimi e hlu la okpoghwo, ta la oyioyi ba Adigi-odne la a wo Areoshla bi, Eyesu Ekristi. Ekʼpo e dzu e baŋ ohuhuhi ka la gbagbu-amo! Amin.