MoaEfilibi 2:8 - Ohwihwim Olehe

⁸ A pre esõ obiŋ, nga a sõ ozhẽ ba ofaolbi o di, nga eku e hwiŋ ŋa ozhẽ he lo. Eku he lo angyiŋ e wo eku baŋ a kpu egŋe aki.

MoaEfilibi 2:8 ပူးပေါင်းရင်းမြစ်များ

Amatiyu 17:2

Omba ba moa a ka Eyesu nga, aŋa a zhiŋ. Eyayi baŋ e zhiŋ e dzu ekyle lalalaŋ eka olum. Aknye baŋ nga a shka ayi leleleŋ eka ayimom.

Amatiyu 26:39

Eyesu a kye a gre fi nga, a dzu obiŋ, nga a ghwo eshri obiŋ nga, a fa olu a lu mi le, Adugu, o wo ba alo o kpo o gbu e mbi, o sko ewu he lo o sku me! O kpo ekplo ba ame e klo angyiŋ mbo, ambo o kpo ekplo boŋ o klo.

Amatiyu 26:42

Eyesu a bla a gre okro lo odgo oha, nga a fa olu a lu mi le, Adugu, o wo boŋ o ka ba alo o raŋ o gre ba ame e kpo ewu he lo, o kpo ekplo la e raŋ ŋo esõ.

Oluka 9:29

Omba baŋ a fa olu nga, eyayi baŋ e zhiŋ, nga aknye baŋ a shka ayi leleleŋ, a wo pse.

Eyohana 10:18

Arekyeŋ angyiŋ á sko eso me á sku me mbo, ambo ame angyiŋ é shri lo é di la obmi ba eso me. Ame e wo la ekʼpo ma okyku o shri lo o di, nga ame e wo la ekʼpo ma ba o bla lo o yga. Ame e yga odaŋ he lo ibu Adugu.

Eyohana 14:31

Ambo o dzu omgbybi ba obiŋ hi o yi ba ame e la e klo Ada. Okyku eka he angyiŋ, ame e kpo ekployaŋ a mbo eka baŋ a hom me otum. Eyesu a nyuŋ mo a lu mi le, Agimi e da gi e kso e sku okro hi ohuhuhi!

Eyohana 15:10

O wo ba agimi e bmi ta la odlo me le, agimi é dzu oklo me, eka ba ame e bmi ta la odlo ba Ahogbrẽ, nga ba ame e dzu oklo baŋ.

Eyohana 4:34

Eyesu a tno mo ma a lu mi le, Algori me angyiŋ a wo o kpo otum eka ba are la a hom me otum a klo nga okyku o kpo otum baŋ o khwo.

Otum 8:33

Moa a dzĩ ŋa, nga moa a kpo ŋa adlidzi mbo. Arekyeŋ a kpo a gbu baŋ a lu akplokyeŋ eshri moa-embre baŋ mbo, Okyku eshi odzudzu baŋ obiŋ hi, alo o khwo bgu.

MoaOroma 5:19

Eka ba moarehwi mvye a zhiŋ a dzu moaedlobi okyku odlobi ba arekyakyeŋ, ekakahelo, moare nzenze moa a shri opyapyaŋ a zga agʼbaha mo ta la Ahogbrẽ okyku odlodzi ba arekyakyeŋ.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

MoaEgalasiya 3:13

Ambo Ekristi a sko ogbukyu bi, nga ozhẽ he lo angyiŋ a shla gi abgo ba ogbukyu ba odaŋ o shri o ba. Odlo ba Ahogbrẽ o sa o lu mi le, Areyaŋ a mbo moa a gŋe ŋa egŋe ki, a wo are ba moa a ta ogbukyu a daŋ angyiŋ.

Etitu 2:14

A shri eshri baŋ a di okyku gi, okyku o shla gi abgo odlobi pyeŋ nga okyku o zhiŋ gi o zga moarehwĩ la a wo kye. Moahi lo a wo a baŋ angyiŋ, nga moa a la a gno oraŋ o kpo ayakplo la a wo adzi.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

MoaIbrani 12:4

Okyku eshi eka ba agimi e la e ta eko ta la odlobi, agimi e ta eko lo e gbu ibu eku a wo mbo.

1 Ebitru 2:24

Ekristi ababgo baŋ a sko odlobi bi egʼba baŋ a shri a gre egŋe aki, okyku o da gi e dzu eka ba moare la a kpu angyiŋ ta la odlobi. Are la a kpu moa á tka ŋa aŋa a kpo a gbu baŋ a yi mbo. Okyku eka he, are la a kpu okro odlobi, a kpo a gbu baŋ a yi odlobi mbo, nga a dzu okyku o kpo odlodzi. Nga okyku ero ba moa a fa Ekristi egʼba angyiŋ, agimi e hwiŋ oshye.

1 Ebitru 3:18

Okyku eshi Ekristi ababgo baŋ a mbo a kpu okyku gimi. Okyku okpyemgbyeŋ a mo angyiŋ a kpu okyku odlobi. Okpu-kpu baŋ he lo, o wo odgo okyekyeŋ sha. Are ba odlodzi angyiŋ a kpu okyku moarehwĩ ba odlobi. A kpo eka he lo okyku o daŋ a shri gimi a shri a yi okro ba Ahogbrẽ. Moa a daŋ a kpu eku ba egʼba, ambo moa a sa a daŋ a hwiŋ odzudzu ba esõ.