MoaEfilibi 2:7 - Ohwihwim Olehe

⁷ E mbi baŋ a kpo otum la aga esõ baŋ, ambo a tla lo a ta. Nga a sko edgu odzudzu ba awaghrẽ. Moa a mbre ŋa eka arehwĩ, nga a ba la edgu egʼba ba arehwĩ.

MoaEfilibi 2:7 ပူးပေါင်းရင်းမြစ်များ

Amatiyu 12:18

Anwye-odne me angyiŋ a wo ahi, aŋa ame e sla ŋa. Aŋa angyiŋ ame e la e klo ŋa, Nga ame e gno oraŋ ka la ŋa e gre eshri. Ame é bli ŋa la Ogbgaodzi me. Aŋa nga á su odlo me, á ygi moare pyeŋ.

Amatiyu 20:28

Anwye Arehwĩ a ba okyku o da mo a hlu ŋa eshko angyiŋ mbo, ambo okyku o kpo ewu okyku moahwõ, nga okyku o shri esõ baŋ o shri o di okyku o shla moare nzenze.

Amarku 9:12

Eyesu a tno mo ma a lu mi le, Eka he lo angyiŋ, Eliya á ba a ba ori, okyku o daŋ a nyuŋ ekployaŋ a mbo a kpo okyku oba-ba me Anwye Arehwĩ. Ambo moa a lu Akpa ba Ahogbrẽ ma moa á kpo Anwye Arehwĩ ewu nga, á tla ŋa mbo?

Oluka 22:27

Ayaŋ angyiŋ a wo ekʼpo a gre, are la a dzu amgbla ba orialgo okyku o ri algo le, are la a shri algo a ndba amgbla ba orialgo? Are la a dzu amgbla ba orialgo a wo ekʼpo a gre. Ambo ame e wo ka la gimi eka ba are la a shri algo a la a ndba angyiŋ.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

MoaOroma 1:3

Oshpaodzadzi lo o wo eshri Anwye baŋ, Adigi-odne Eyesu Ekristi. Ibu odzudzu baŋ ba egʼba, moa a mbre ŋa ogu ba Adawuda.

MoaOroma 15:3

Ekristi nga, a kpo a ghwo la eŋa mbo. Akpa Ahogbrẽ a lu mi le, Atsa moa a la a tsa ŋo mvye, ame e sko lo.

MoaOroma 15:8

Ame e lu e da gimi, Ekristi a zhiŋ a dzu anwye-odne moaEyahuda okyku o tsa moare eka ba Ahogbrẽ a wo la a bli odlo baŋ. Eyesu a kpo eka he lo okyku o bli ohwihwim ba Ahogbrẽ a hwim pa la moadigi,

MoaOroma 8:3

Ekplo ba odaŋ o kpo o gbu mbo, okyku ba eda ba arehwĩ e wo lgelge, ambo Ahogbrẽ a kpo lo a gbu. A kyku odlobi odzudzu ba arehwĩ, ozhẽ baŋ a da Anwye baŋ a ba a sko emle ba arehwĩ, arehwĩ ba odlobi. A ba eka he okyku o daŋ a kyku odlobi angyiŋ.

2 MoaOkorinti 13:4

Moa a gŋe ŋa egŋe aki nga a bga ŋa okyku osheŋonye, ambo la ekʼpo ba Ahogbrẽ angyiŋ aŋa a sa a wo la eso ma. Okŋeobga bi ka la ŋa, agi a mbo e sheŋ e nye. Ambo odzudzu bi ka la gimi, agi é dzu ka la ŋa la ekʼpo ba Ahogbrẽ.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

MoaEgalasiya 4:4

Ambo ambla ba omba lo o ba, Ahogbrẽ a da Anwye baŋ a ba. A ba eka ba anwye ba ashe ba obiŋ hi. A la a kpo otum ta la odaŋ moaEyahuda,

MoaEfilibi 2:6

Aŋa a wo la edgu odzudzu ba Ahogbrẽ ombamba pyeŋ. Ambo aŋa a ka lo o wo odzi baŋ a zga gaŋ a da odzudzu baŋ a wo okyekyeŋ angyiŋ ta la Ahogbrẽ mbo.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

MoaIbrani 13:3

Agimi e tne aga ba moare ba moa a shri mo a ta aku, eka ba agimi e wo aku pa la mo. Agimi e tne aga ba moare la a la a kpo ewu eka ba agimi e la e kpo ewu lo pa la mo.

MoaIbrani 4:15

Anyuŋ-andakʼpo olu bi a wo are la a kpaŋ la okayiekŋe ta la osheŋonye bi. Ambo, agi e wo anyuŋ-andakʼpo olu ba moa a mbga ŋa ozhẽyaŋ a mbo ba moa a la a mbga gi angyiŋ. Ambo aŋa a ka a kpo odlobi ku-ku mbo.