MoaEfilibi 2:6 - Ohwihwim Olehe

⁶ Aŋa a wo la edgu odzudzu ba Ahogbrẽ ombamba pyeŋ. Ambo aŋa a ka lo o wo odzi baŋ a zga gaŋ a da odzudzu baŋ a wo okyekyeŋ angyiŋ ta la Ahogbrẽ mbo.

MoaEfilibi 2:6 ပူးပေါင်းရင်းမြစ်များ

Amatiyu 1:23

Moa a lu mi le, Anwyeshe lo, á kpo onyi nga á mbre anwyealom, nga moa á bzi ŋa ma Emanuwe. Alo o dzu, Ahogbrẽ a wo ka la gi.

Eyohana 1:18

Arekyeŋ a ka Ahogbrẽ a ka ondakyeŋ mbo ku-ku. Arekyakyeŋ la a wo okyekyeŋ ta la Ahogbrẽ, nga baŋ a dzu egbaŋ ba Adaŋ, a ba a lu oshpa a da gi zhezheŋ.

Eyohana 10:30

Ada pa la me, agi e wo okyekyeŋ.

Eyohana 10:33

MoaEyahuda a tno ŋa ma a lu mi le, Agi e klo o tra ŋo ézhim okyku otum odzadzikyeŋ angyiŋ mbo, ambo okyku odzi Ahogbrẽ boŋ o dzi angyiŋ! Aŋo o wo arehwĩ angyiŋ, ambo aŋo o klo o zhiŋ eshri boŋ o zga eka Ahogbrẽ!

Eyohana 10:38

O wo ba agimi e bmi pa la me mbo a mbo, agimi e bmi ba adlidzi ta la otum me lo, okyku o da gimi e yi zhezheŋ ba Ada a wo pa la me, nga ba ame e wo ka la ŋa.

Eyohana 14:28

Agimi e gno eka ba ame e lu ka la gimi e lu mi le, Ame é yi, ambo ame é bla é ba okro bimi. O wo bimi e klo me le, agimi é gno oraŋ angyiŋ okyku eshi ame é yi okro ba Ada, okyku eshi aŋa a wo la ekʼpo a gre me.

Eyohana 14:9

Eyesu a tno ŋa ma a lu mi le, Aŋo Efilibu, ame e dzu ka la gimi nzenze, ambo aŋo o yi me mbo? Areyaŋ a mbo la a ka me le, a ka Ada. Okyku eshi aŋo o zhĩ ma ame e tsa gimi Ada?

Eyohana 17:5

Ada! O shri ayimom ba esesla o shri o da me eyayi boŋ ohuhuhi. Ayimom ba esesla he lo angyiŋ ame e wo la alo ma ka la ŋo ayga moa a kpo obiŋ hi.

Eyohana 20:28

Otoma a tno ma a lu mi le, Aŋo o wo Adugu-odne ta la Ahogbrẽ me!

Eyohana 5:18

Okyku odlo ba Eyesu a lu, moaEyahuda a zga eso ba o bga ŋa. Okyku eshi Eyesu a pre odaŋ ba Asabat nga a lu mi ma Ahogbrẽ angyiŋ a wo Adaŋ. O dzu eka baŋ a sko eshri baŋ a zga okyekyeŋ angyiŋ ta la Ahogbrẽ.

Eyohana 5:23

Okyku eka he moare mvye moa á hlu Anwye lo eshko eka ba moa a la a hlu Ada eshko. Areyaŋ a mbo la a hlu Anwye eshko mbo le, o dzu eka baŋ a tla o hlu Ahogbrẽ la a hom ŋa otum eshko.

MoaOroma 9:5

Moa a zgi ogu moadimo ba ogbyi. Ekristi nga, moa a mbre ŋa ogu mo angyiŋ. Agi e hlu Ahogbrẽ la a ri ekʼpo eshri ekployaŋ a mbo eshko gbagbu-amo! Amin.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

1 Etimoti 1:17

Ahogbrẽ a wo Anyuŋ-areŋ ba gbagbu-amo, a wo la a kpu ku-ku mbo, nga moa a ka ŋa a gbu mbo, aŋa sha a wo Ahogbrẽ gbagbu-amo. Nga ekʼpo, ta la esesla moa a wo a baŋ pyeŋ! Amin.

1 Etimoti 3:16

Arekyeŋ a kpo a gbu baŋ a dzu evom ta la anyuŋ eshyẽ ba ozhẽ bi mbo ku-ku! Aŋa a ba la egʼba arehwĩ, Ogbgaodzi nga o tsa baŋ a wo la adlidzi, Moanwyeadga ba Ahogbrẽ a mbo a ka ŋa. Moare ahwõ a su osu baŋ a ygi obiŋ hi pyeŋ. Nga moa a bmi ba adlidzi ka la ŋa obiŋ hi lo, Ambla he nga Ahogbrẽ a sko ŋa a gre Ongyeŋ.

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

MoaIbrani 1:6

Nga omba ba Ahogbrẽ a klo o da Anwye ori baŋ a ba obiŋ hi, aŋa a sa a lu mi le, O dzu omgbybi ba moanwyeadga ba Ahogbrẽ pyeŋ a hlu ŋa eshko.

MoaIbrani 1:8

Ahogbrẽ a lu odlo eshri Anwye lo a lu mi le, Aŋo Ahogbrẽ, emgbakyiŋ oreŋ boŋ é dzu ma gbagbu-amo! Nga la adlidzi angyiŋ aŋo o la o ri ekʼpo oreŋ boŋ.

MoaIbrani 13:8

Ore ta la anye, ta la akyi, ta la gbagbu-amo, Eyesu Ekristi á nyiŋ ku-ku mbo.

Otsotsa 21:6

Nga a lu mi le, Alo o khwo! Ame angyiŋ e wo Alfa ta la Omega, esĩ ta la eygi. Nga ame é fu ami enzhe ami ba esõ é shri é da areyaŋ a mbo ba oŋo o kpo ŋa ototno.