MoaEfilibi 2:3 - Ohwihwim Olehe

³ O raŋ o gre ba agimi e kpo ekplokyeŋ la e shri ogogʼba e ba angyiŋ mbo, o mbo le la oklo ekʼpoeshri mbo. Ambo e pre esõ obiŋ ta la egimi. Arekyeŋ a la a sko eshri baŋ a zga eka baŋ a yi a kpo a gre moahwõ mbo.

MoaEfilibi 2:3 ပူးပေါင်းရင်းမြစ်များ

Oluka 18:14

Eyesu a lu mi le, Ame e lu e da gimi, alom la a yga ewaŋ he a hwiŋ onyuŋokpo agʼbaha baŋ ta la Ahogbrẽ omba baŋ a gre odne. Alom ahwõ mi angyiŋ mbo. Okyku eka he areyaŋ a mbo la a sko eshri baŋ a zga la anyuanyuŋ, moa á sko ŋa á zga akplokyeŋ mbo. Are la a sko eshri baŋ a zga akplokyeŋ mbo angyiŋ moa á sko ŋa á zga la anyuanyuŋ.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

MoaOroma 13:13

O raŋ o gre bi e nyuŋ e dzu adzadzi, eka ba moarehwi la a yi ekplo moa a kpo. Agi e dzu eka moa la a wa ajige nga a kpo ayi mbo. Agi e dzu eka moa la a kpo eshre mbo. Agi e dzu eka moa la a kpo ayakplobi mbo. Agi e dzu eka moa la a klo ambgu nga a la a ta efpu ta la emo mbo.

MoaOroma 2:8

Moabze a la a klo eshri emo sha, nga moa a la a tla adlidzi, nga moa a kpo otum obi. Ahogbrẽ nga á sõ mo ombgu la o vu olo.

1 MoaOkorinti 15:9

Okyku eshi ame angyiŋ e wo are la a nyum oshpa ba moa a tsi a ghwo ayi mbo ku-ku. Ame e ka e tse ma moa a bzi me ma are la a nyum oshpa mbo ku-ku, okyku eshi ame angyiŋ e kpo Eklisiya ba Ahogbrẽ efye.

1 MoaOkorinti 3:3

okyku eshi ame e ka gimi e kpo ayakplo eka moarehwi ba obiŋ hi. Agimi e ta efpu ta la egimi, nga e kʼpi eha ta la egimi. Ayakplo he lo a tsa bimi e wo moarehwi ba obiŋ hi nga e lu obiŋ hi ma mbo?

2 MoaOkorinti 12:20

Ame e fu eso eha, o dzu mbo, omba ba ame e gbu a mi le, ame é hwiŋ gimi la edgu odzudzukyeŋ ondundum, o dzu mbo agimi a mbo é hwiŋ me la edgu odzudzukyeŋ ondundum. Ame e ka eka ba ame é ba e hwiŋ oklaodlo ta la efpu, ta la esõ-ebi, ta la okloeshri, ta la odzi, ta la onjygu, ta la onyomegʼba, ta la oslaokro.

MoaEgalasiya 5:15

Ambo o wo ba agimi e kpo eka ebyi akla nga e la e tpi egimi ayi nga e la e fa egimi eso le, agimi e nyuŋ e kpo-kpo mbo le agimi é tpi egimi pyeŋ ayi.

MoaEgalasiya 5:26

O raŋ o gre ba agi e nyom egʼba o mbo le e tpi egi eso ayi, o mbo le ba agi e kpo efpu ta la egi mbo.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoAfisu 5:21

Agimi e fa olbi e da egimi, okyku oklo ba agimi e wo la alo ma okyku Ekristi.

MoaEfilibi 2:14

Agimi e kpo ekployaŋ a mbo ta la onyiagla o mbo le oklaodlo mbo,

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

MoaOkolosi 3:8

Ambo o raŋ o gre ba agimi e ngʼba e sku ayakplo he lo pyeŋ. Alo a wo olom, ta la ogroayi, ta la aga ba ofpu. Nga moa a klo ba odzi, ta la odlo ba eshre o zgi anyu bimi mbo, ku-ku.

1 Etimoti 6:4

edgu aré he lo a la a nyom egʼba, ambo a ka a yi ekplokyeŋ mbo. Aŋa a la a klo o kla odlo nzenze a gre eshri. Nga edgu he lo e la e shri efpu ta la ogogʼba, ta la odzi, ta la aga abi,

1 Ebitru 3:8

Ekplo ba amom-abgo, o raŋ o gre ba agimi e dzu la aga ta la okoka okyekyeŋ angyiŋ e ma. Agimi e la e klo egimi eka moanáŋ. Nga e la e kpo e ghwo la egimi, nga e kpo ohe-heŋ angyiŋ ta la egimi.

1 Ebitru 5:5

Nga ozhẽ he lo, agimi ola anwye, o raŋ o gre ba agimi e fa olbi e da moare la a kʼpo gimi. Nga o raŋ o gre ba agimi pyeŋ e kpo ble-ble, nga agimi e kpo e ghwo la egimi. Odlo ba Ahogbrẽ o lu mi le, Ahogbrẽ a tla moare la a nyom egʼba, ambo aŋa a la a kpo a ghwo la moarehwĩ la a wo ble-ble.