MoaEfilibi 2:2 - Ohwihwim Olehe

² O wo ba alo o wo eka he angyiŋ le, ame e la e shĩ gimi, agimi e da aga bimi a dzu akyakyeŋ, nga agimi e dzu la oklo okyekyeŋ, nga e dzu okyekyeŋ esõ, okyku o da me e gno oraŋ.

MoaEfilibi 2:2 ပူးပေါင်းရင်းမြစ်များ

Eyohana 3:29

Anwyeshe a wo okyku anwyealom angyiŋ. Akyeŋazba anwyealom lo a la a tspi a gno ogno sha. A gno oraŋ omba baŋ a gno enzi ba anwyealom. Ame e gno oraŋ nzenze okyku eka he lo angyiŋ.

Otum 1:14

Moa a pla emo a shki otsotse okyku o da mo a fa olu ombamba mvye. Moashekyeŋ ta la anaŋ Eyesu, ta la moanáŋ Eyesu a mbo a wo ma otsotse pa la mo.

Otum 2:1

Onda olum ba Epentakos, moare la a bmi ba adlidzi mvye a pla a shki okrokyeŋ.

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Otum 5:12

Moa la a nyum oshpa a kpo egbregbre ayakplo a gre eshri egi ayi moarehwi. Moare la a bmi ba adlidzi mvye a pla emo a shki enjygu ba Osolomo.

MoaOroma 12:16

Agimi e da moare a dzu okyekyeŋ ka la gimi. Agimi e nyom egʼba mbo, e yga edgu otumyaŋ a mbo moa a shri a da gimi, nga e sko eshri bimi e zga eka bimi e yi eda e gre eshri mbo.

1 MoaOkorinti 1:10

Ame e vẽ gimi anáŋ, okro ba ekʼpo ba Adigi-odne Eyesu Ekristi. Agimi e la e bmi ta la egimi ekployaŋ a mbo bimi e lu, okyku o da ogagʼbakyeŋ o gre o ba eshki bimi mbo. Agimi e da eshri bimi e dzu ekyekyeŋ aga bimi ta la okoklo bimi.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

2 MoaOkorinti 2:3

Okyku eka he angyiŋ ame e ta gimi akpa mi. Ame e klo o ba okro bimi mbo, okyku o da gimi e tpi me eso ayi. Agimi angyiŋ e wo moarehwi la a raŋ a gre ba agimi e gbu me eso obiŋ. Ame e yi zhezheŋ ba agimi e wo la ovye omba ba ame a mbo e wo la ovye.

2 MoaOkorinti 7:7

Oba-ba baŋ he lo sha angyiŋ o gbu gi eso obiŋ mbo, ambo oshpa ayakplo baŋ a shri a ba eka bimi e gbu ŋa eso obiŋ, o gbu gi eso obiŋ a mbo ko-ko. Aŋa a lu a da gi eka bimi e klo e ka me e gre eshri. Nga a sa a lu eka ba agimi e gno oraŋ ku-ku mbo. Nga a lu odlo eka bimi e wo la eso ekyekyeŋ okyku o tspi osheshye okyku me. Ame e wo la ovye ma ohuhuhi e gre ba ayga a mo.

MoaEfilibi 1:4

Nga ombayaŋ a mbo ba ame e fa olu okyku gimi, ame e fa lo la ovyevye,

MoaEfilibi 2:16

eka ba agimi e shri oshpa ba esõ e shri e da mo. O wo ba agimi e kpo eka he lo angyiŋ le, ame e wo la ohwilegʼba ma e gre eshri olum Onda ba Ekristi lo, okyku eshi alo ó tsa ba ozgayi me ta la otum me o wo otum ba ototno angyiŋ mbo.

MoaEfilibi 2:20

Aŋa sha angyiŋ a wo are la a da ekplo la e wo esõ me a mbo e wo esõ baŋ. Nga aŋa sha angyiŋ a wo are la a la a kpaŋ gimi.

MoaEfilibi 4:2

Eyodiya ta la Esintike, ame e vẽ gimi okyku o da gimi e nyuŋ odlo e kpo eka moanáŋ-alashle angyiŋ okro ba Adigi-odne.

MoaOkolosi 2:5

Egʼba me e wo ka la gimi mbo, ambo esõ me e wo ka la gimi. Ame nga e wo la ovye ma okyku eka ba agimi e tspi otsotse la osheshye ibu obmi ba adlidzi bimi okro ba Ekristi.

2 MoaEtasolonika 2:13

Agimi anáŋ, o raŋ o gre ba agi e vye la Ahogbrẽ ombamba pyeŋ okyku gimi arehwĩ ba Adigi-odne a la a klo gimi. Okyku eshi Ahogbrẽ a sla gimi angyiŋ ori okyku o da gimi e hwiŋ oshla okro ba ekʼpo ba Ogbgaodzi, okyku o da gimi e dzu moarehwĩ ba Ahogbrẽ, nga okyku o da gimi e hwiŋ oshla okro obmi ba adlidzi bimi ibu ba adlidzi.

2 Etimoti 1:4

Ame e ka amanyi boŋ o la o zhle, nga e klo e ka ŋo la esõ pyeŋ a mo, okyku o da me e kpo ovye.

Efilimo 1:20

Okyku eka he, aŋo anime, o wo boŋ o bmi le, o kpo o ghwo la me ozhẽ he lo okyku Adigi-odne. Aŋo anime okŋeobga ba Ekristi, aŋo o da esõ e gbu me obiŋ!

2 Eyohana 1:4

Ame e wo la ovye ma nzenze omba ba ame e gno eka ba moanwye bimi abze a la a dzu ta la adlidzi, eka ba Ada a sheŋ a jygu gi odaŋ.

3 Eyohana 1:4

Alo o raŋ me esõ o gre pyeŋ okyku eka ba ame e gno eka ba moanwye me a la a dzu la adlidzi.