MoaEfilibi 2:1 - Ohwihwim Olehe

¹ Odzudzu bimi ta la Ekristi o da gimi e hwiŋ oshye mbo? Oklo baŋ okyku gimi o kũ gimi esõ? Agimi e wo la ekpom ta la Ogbgaodzi mbo? Agimi e wo la okayiekŋe ta la oklo ma okyku egimi mbo?

MoaEfilibi 2:1 ပူးပေါင်းရင်းမြစ်များ

Oluka 2:25

Alomakyeŋ a la a dzu Orushalima, eshko baŋ e ri Esimiyo. A wo arehwĩ ba eda edzi, nga a wo are la a kpo eyli Ahogbrẽ. A ka ayi ozhẽ okyku omba ba moaEsrayila á ba a hwiŋ oshla. Ogbgaodzi o wo ka la ŋa.

Eyohana 14:18

Ame é dzu gimi é zga ambambga mbo, ame é yi é bla e ba.

Eyohana 14:27

Ame e dzu opyapyaŋ ba eso e zga ka la gimi. Opyapyaŋ me, ame e shri e da gimi. Ame e shri lo e da gimi eka ba obiŋ hi o shri o di mbo. Okyku eka he agimi e da eso e ngʼba gimi nga e da eso e tpi gimi ayi mbo nga e kpo eyli mbo.

Eyohana 17:13

Ohuhuhi ame e ba okro boŋ. Ame e lu odlo he obiŋ hi okyku o da mo a wo la ovye me eso mo, okyku o da mo a wo la alo ma nzenze.

Otum 2:46

Olum ondayaŋ a mbo moa a la a pla emo a shki Anyuŋ-akulu, nga moa a la a ri algo otsotse adne emo, moa a la a ri algo lo la ovyevye nga eso e gbu mo obiŋ.

Otum 4:32

Moare la a bmi ba adlidzi mvye, moa a kaŋ eshri a bga osheshye. Arekyeŋ a kom ekplo baŋ a wo alo ma ambambga mbo. Moa a la a gʼba ekployaŋ a mbo moa a wo alo ma otsotse.

MoaOroma 5:5

Okayiozhẽ he lo o wo o ba ototno angyiŋ mbo, okyku eshi Ahogbrẽ a da Ogbgaodzi baŋ a shri a da gi ototno, o shri oklo baŋ o ghwo eso bi.

MoaOroma 8:26

Nga agi arehwĩ la e siŋ ma, Ogbgaodzi angyiŋ o la o kpo o ghwo la gi. Okyku eshi agi e yi eka ba o fa olu mbo. Ogbgaodzi nga o la o vẽ Ahogbrẽ okyku gi, o la o vẽ ŋa la agyim ba moa a nyom lo a gbu mbo.

1 MoaOkorinti 12:13

Nga ekakahelo, agi Eyahuda pa la moa la a wo moaEyahuda mbo, pa la moa la a wo moawaghrẽ, pa la moa la a wo moawaghrẽ mbo, moa a kpo gi abaptisma ibu ba egʼba ekyekyeŋ, la Ogbgaodzi okyekyeŋ. Moa a shri Ogbgaodzi okyekyeŋ he lo angyiŋ a da gi pyeŋ okyku o da gi e yga.

1 MoaOkorinti 15:31

Agimi anáŋ, ame e la e ka eku elelum! Oraŋ ba ame e wo la alo ma okyku gimi ibu odzudzu ba Ekristi Eyesu Adigi-odne angyiŋ, o da me e lu eka he.

1 MoaOkorinti 3:16

Agimi e yi bimi e wo akulu ba Ahogbrẽ angyiŋ, nga ba Ogbgaodzi ba Ahogbrẽ o la o dzu eshyẽ bimi mbo?

2 MoaOkorinti 13:14

Okpoghwo ba Adigi-odne Eyesu Ekristi ta la oklo ba Ahogbrẽ, ta la ekpom ba Ogbgaodzi o dzu ka la gimi pyeŋ.

2 MoaOkorinti 2:14

Agi e vye la Ahogbrẽ! Okyku eshi okro ba okŋeobga bi ta la Ekristi angyiŋ, Ahogbrẽ a la a kpaŋ gi eka moa-oprusuna okyku ba Ekristi a kpo a gre. Ahogbrẽ a la a kpo otum ka la gi okyku o da gi e nyum oshpa ba Ekristi e ygi moarehwi pyeŋ, eka ba efpi edzadzi la e ngla okro pyeŋ.

MoaEgalasiya 4:6

Okyku o tsa ba agi e wo moanwye baŋ, Ahogbrẽ a da Ogbgaodzi ba Anwye baŋ o ba o gre gi eso bi. Ogbgaodzi o la o lu angyangyeŋ o lu mi le, Ada, Adugu.

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoAfisu 4:4

Egʼba ekyekyeŋ, ta la Ogbgaodzi okyekyeŋ angyiŋ o wo ma, eka ba okayiozhẽ okyekyeŋ ba Ahogbrẽ a bzi gimi okyku lo o wo ma.

MoaEfilibi 1:8

Ahogbrẽ a yi ba ame e la e lu adlidzi angyiŋ omba ba ame e lu ba oklo ogyugyuŋ ba ame e wo la alo ma o zgi esõ ba Ekristi Eyesu angyiŋ ababgo baŋ.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

MoaOkolosi 2:2

Ame e la e kpo eka he okyku o da mo a hwiŋ oshye-esõ nzenze, nga okyku o da mo a dzu otsotse la oklo nga okyku o da mo a hwiŋ zhezheŋ ba okaobmye ba adlidzi o la o shri o ba. Nga moa á yi eshyẽ ba Ahogbrẽ eka he lo. Alo angyiŋ e wo Ekristi eshrishri eŋa.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

MoaIbrani 6:18

Ayakplo aha he lo a wo ma. Alo a nyiŋ a gbu mbo. Nga Ahogbrẽ a sheŋ akpro eshri lo ku-ku mbo. Okyku eka he moa a la a shĩ gi la e hwiŋ odzudum okro baŋ, okyku o da gi e kom okayiozhẽ ba moa a shri a zga egi ayi bi osheshye.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Eyohana 3:24

Areyaŋ a mbo la a kpaŋ odaŋ ba Ahogbrẽ le, a wo esõ ba Ahogbrẽ, nga Ahogbrẽ a mbo a wo esõ baŋ. Agi e yi ba Ahogbrẽ a wo esõ bi ozhẽ ba Ogbgaodzi baŋ a shri a da gi.

1 Eyohana 4:12

Arekyeŋ a ka Ahogbrẽ a ka mbo ku-ku. O wo ba agi e klo egi le, Ahogbrẽ á dzu esõ bi, nga oklo baŋ ó bli ka la gi.

1 Eyohana 4:16

Agi ababgo bi e yi nga e bmi ta la oklo ba Ahogbrẽ a wo la alo ma okyku gi. Ahogbrẽ a wo oklo angyiŋ, nga areyaŋ a mbo la a dzu ibu oklo le, a wo esõ ba Ahogbrẽ, nga Ahogbrẽ a mbo a wo esõ baŋ.