MoaEfilibi 1:7 - Ohwihwim Olehe

⁷ Agimi e wo esõ me ombamba pyeŋ! Okyku eka he o wo odzi ba ame e sko gimi esõ me ozhẽ he angyiŋ. Okyku eshi agimi e hwiŋ ogʼba lo ohwihwiŋ ba Ahogbrẽ a shri a da me he lo, omba ba ame e lom aku, nga omba ba moa a kyu me abgo angyiŋ okyku o da me e kpaŋ nga e shĩ Oshpaodzadzi lo.

MoaEfilibi 1:7 ပူးပေါင်းရင်းမြစ်များ

2 MoaOkorinti 7:3

Ame e lu odlo he okyku o sõ gimi ombgu angyiŋ mbo. Eka ba ame e sheŋ e lu ka la gimi, agi e klo gimi nzenze. Nga o wo bi e wo ma la eso o mbo le e kpu a mbo, alo o dzu eka bi e wo otsotse angyiŋ ombamba pyeŋ.

MoaEfilibi 1:5

okyku eka ba agimi e la e kpo e ghwo la me okro ba onyum Oshpaodzadzi a zga okũ oriori a bli anye he.

2 Etimoti 2:9

Okyku ba ame e la e nyum Oshpaodzadzi he lo angyiŋ, ewu he e hwiŋ me. O ka, moa a ta me aslika eka ba ame e gre abgo. Ambo odlo ba Ahogbrẽ lo o wo aslika lo ko mbo.

MoaOkolosi 4:18

Ame e ta engla he lo ababgo me angyiŋ. Oshko he lo o zgi abgo ba Oblus. Agimi e gre esõ aslika me e ghre mbo! Okpoghwo ba Ahogbrẽ o dzu ka la gimi.

MoaEfilibi 4:14

Ambo agimi e kpo odzi e gre eshri ba agimi e kpo e ghwo la me ewu me.

MoAfisu 6:20

Ame e wo oprusuna ohuhuhi okyku ba ame e wo arelatspi okyku Oshpaodzadzi he lo angyiŋ. Ame e vẽ gimi okyku o da gimi e fa olu okyku o da me e hwiŋ oshye ba o nyum oshpa he lo la osheshye eka ba alo o raŋ o gre ba ame e nyum oshpa lo.

MoAfisu 3:1

Okyku okũ he lo, ame Oblus la e wo oprusuna ba Ekristi Eyesu okyku gimi la e wo moaEyahuda mbo, ame e la e vẽ Ahogbrẽ.

Otum 20:23

Ekplokyekyeŋ ame e yi, oskuyaŋ a mbo Ogbgaodzi o la o tsa me o lu ma aslika, ta la ewu, ma moa a dzu a bli me.

1 Eyohana 3:14

Agi e yi ba agi e dzu eku e zga nga e ba okro ba esõ. Agi e yi ba alo o wo eka he lo, okyku eshi agi e la e klo moanigi. Areyaŋ a mbo la a wo la oklo ma mbo le, aŋa a yi a wo ibu ba eku angyiŋ.

2 Ebitru 1:13

Ame e ka lo o wo odzi ba ame e shĩ gimi, nga e da gimi e tne aga ayakplo he lo, ombayaŋ a mbo ba ame e wo ma la ayi.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

MoaIbrani 3:1

Agimi anáŋ la e lu Ekristi ma nga ba Ahogbrẽ angyiŋ a bzi gimi! Agimi e tne aga ogyugyuŋ eshri ba Eyesu, aŋa angyiŋ Ahogbrẽ a hom ŋa otum okyku o daŋ a dzu anyuŋ-andakʼpo olu ba Ahogbrẽ, okyku obmi ba adlidzi ba agi e tspi okyku lo.

2 Etimoti 1:8

Aŋo o gbu anzi okyku o zgi egŋe okyku Adigi-odne ta la me la e wo oprusuna baŋ mbo. Ambo o bmi nga o kpo ewu okyku o su Oshpaodzadzi he lo, eka ba Ahogbrẽ a shri oshye a doŋ okyku lo.

1 MoaEtasolonika 5:5

Agimi pyeŋ e wo moarehwĩ ba ayimom angyiŋ. Agimi e wo moarehwĩ ba olulum angyiŋ. Agi e wo moarehwĩ ba okyukyku o mbo le moarehwĩ ba evbu angyiŋ mbo.

MoaOkolosi 4:3

Nga e fa olu okyku gi a mbo, okyku o da Ahogbrẽ a hwile gi ozhẽ la o wo odzi, okyku o da gi e nyum oshpa ba odlo baŋ, nga e lu eshyẽ ba Ekristi. Okyku ohe lo angyiŋ ame e lom aku ohuhuhi.

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

2 MoaOkorinti 3:2

Agimi eshrishri egimi angyiŋ e wo akpa ba otsom ba agi e wo la alo ma. Moa a ta lo eso bi, okyku o da areyaŋ a mbo a yi lo nga a tsi lo.

1 MoaOkorinti 13:7

Oklo ó khwo mbo ku-ku. Obmi ba adlidzi ba oklo ta la okayiozhẽ, ta la oheheŋ baŋ, ó khwo ku-ku mbo.

1 MoaOkorinti 9:23

Ame e la e kpo ohe lo pyeŋ okyku Oshpaodzadzi lo angyiŋ, okyku o da me a mbo e hwiŋ owlama ba alo.

Otum 21:33

Anyuŋ-andakʼpo a gre keŋ nga a vu Oblus, nga a da mo a bʼbu ŋa la aslika aha. Ambla he nga a zhĩ a lu mi le, Alom he lo a wo ayi angyiŋ? Aŋa a kpo eshi?

1 Ebitru 5:1

Ame e shĩ moandakʼpo ba Eklisiya la a wo eshki bimi. Ame ababgo me a mbo, e wo andakʼpo ba Eklisiya angyiŋ. Ame e wo egŋe eshri ewu ba Ekristi a kpo. Nga ame e wo la ogʼba eshki ba esesla ba moa á ba a tsa. Ame e la e vẽ gimi,

MoaEfilibi 1:12

Agimi anáŋ, ame e klo ba agimi e yi ba ayakplo la a kpo pa la me a kpo a ghwo la ovrevre Oshpaodzadzi.

MoaEfilibi 1:13

Okyku eka he nga, moare la kʼpu odne ba areŋ pa la moare la a wo ahe pyeŋ, a yi ba ame e lom aku okyku ba ame e wo awaghrẽ ba Ekristi angyiŋ.

MoaEfilibi 1:14

Olom aku ba ame e lom aku o shri obibmi ta la Adigi-odne o shri o da moanáŋ o ta ma-ma. Okyku eka he nga moa a hlu la oghwo-esõ a ta ma-ma omba-mba pyeŋ okro ba onyumoshpa ba odlo ba Ahogbrẽ.

MoaEfilibi 2:22

Agimi a mbo e yi eka baŋ a tsa owlama eshri baŋ zhezheŋ. Agimi e yi eka baŋ a dzu eka anwye me angyiŋ, nga eka baŋ a la a kpo otum ta la adaŋ okyku Oshpaodzadzi he lo.

MoaEfilibi 4:3

Aŋo are ba adlidzi la o kpo otum pa la me nga, ame e klo boŋ o kpo o ghwo la moashe he lo, okyku eshi moa a kpo otum ngre pa la me okyku o ngla Oshpaodzadzi he lo, pa la Eklimeti, pa la moahwõ la a kpo otum pa la me. Ashko mo a wo akpa ba esõ ba Ahogbrẽ.

MoaEfilibi 4:15

Agimi arehwĩ ba Efilibi a mbo ababgo bimi e yi zhezheŋ ba agimi sha angyiŋ e wo Eklisiya la e kpo e ghwo la me okũ oriori, omba ba ame e zga esĩ ba o nyum Oshpaodzadzi omba ba ame e kso e sku Amasidoniya. Agimi sha angyiŋ e wo moare la e pu pa la me ohwihwiŋ ta la otsuogbu me.

Efilimo 1:13

Ame e mbi e klo baŋ a dzu ahe pa la me omba ba ame e wo aku okyku o nyum oshpa lo, okyku eshi aŋa á nyiŋ otum boŋ o la o kpo, á sko á kpo.