MoaEfilibi 1:4 - Ohwihwim Olehe

⁴ Nga ombayaŋ a mbo ba ame e fa olu okyku gimi, ame e fa lo la ovyevye,

MoaEfilibi 1:4 ပူးပေါင်းရင်းမြစ်များ

Amarku 5:5

Elelum ta la okyukyku, a la a dzi egi engybi, ta la akukũ, a la a wu okũ nga a ta akhi, nga a la a ta eŋa etsa la ézhim.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Oluka 15:7

Okyku eka he ame e lu e da gimi, moa á kpo ovye nzenze Ongyeŋ okyku are la a tsu a gbu, ambo a sa a ka a bmye, nga a ghwo obiŋ odlobi baŋ, á gre ovye moa á kpo okyku moare ekʼpoetronyi la atronyi la a ka a bmye mbo okyku o ghwo obiŋ.

MoaOroma 1:9

Ahogbrẽ ba ame e kpo otum baŋ la eso ekyekyeŋ, nga ba ame e nyum Oshpaodzadzi eshri Anwye baŋ lo, a yi ba ekplo ba ame e lu hi e wo adlidzi angyiŋ. Ahogbrẽ a yi ba ame e tne aga bimi ombamba mvye,

MoaEfilibi 2:2

O wo ba alo o wo eka he angyiŋ le, ame e la e shĩ gimi, agimi e da aga bimi a dzu akyakyeŋ, nga agimi e dzu la oklo okyekyeŋ, nga e dzu okyekyeŋ esõ, okyku o da me e gno oraŋ.

MoaEfilibi 3:18

Ame e sheŋ e lu ohe lo e da gimi engyi oshushku bgu, nga ame e sa e shĩ gimi e shri lo e ta ma-ma ta la amanyi ayi angyiŋ ohuhuhi. Moare nzenze ba odzudzu mo o da mo a dzu moafpu ba eku ba Ekristi egŋe aki a wo ma.

MoaEfilibi 4:1

Okyku eka he nga agimi anáŋ ba ame e klo gimi nzenze, alo o kpo me ewu ba ame e dzu gimi e zga e gre eshri! Agimi e gbu me esõ obiŋ, nga ame e wo la ovye ma okyku gimi e gre eshri. Ohe lo o tsa ozhẽ okyku o da gimi e tspi la osheshye angyiŋ ibu odzudzu bimi okro ba Adigi-odne.

MoaOkolosi 2:5

Egʼba me e wo ka la gimi mbo, ambo esõ me e wo ka la gimi. Ame nga e wo la ovye ma okyku eka ba agimi e tspi otsotse la osheshye ibu obmi ba adlidzi bimi okro ba Ekristi.

1 MoaEtasolonika 1:2

Agi e vye la Ahogbrẽ ombamba pyeŋ okyku gimi mvye, nga e tsi etku bimi olu bi e fa ombamba pyeŋ.

Efilimo 1:7

Aŋo anime ba ame e klo ŋo, okyku oklo boŋ angyiŋ ame e hwiŋ ovye nzenze, nga ame e hwiŋ oshye-esõ e ta ma-ma! Okyku eshi aŋo angyiŋ o gbu moare pyeŋ la a lu Ahogbrẽ ma esõ obiŋ.

2 Eyohana 1:4

Ame e wo la ovye ma nzenze omba ba ame e gno eka ba moanwye bimi abze a la a dzu ta la adlidzi, eka ba Ada a sheŋ a jygu gi odaŋ.