MoaEfilibi 1:1 - Ohwihwim Olehe

¹ Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.

MoaEfilibi 1:1 ပူးပေါင်းရင်းမြစ်များ

Amarku 13:34

O dzu eka ba arekyeŋ a shri otum a ghwo moanwye-odne baŋ abgo nga a gre odzi, nga baŋ a da are la a kʼpu ayizhẽ odne lo a kʼpu.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Otum 1:20

Moa a ta Akpa ba Ohlueshko a lu mi le, Moa a da odne baŋ o dzu ototno, Moa a da arekyeŋ a dzu ma mbo. Moa a sa a ta a lu mi le, Moa a da arekyeŋ a nyiŋ otum baŋ a sko a kpo.

Otum 20:28

Agimi e nyuŋ egimi e ka ta la ékylu mvye ba Ogbgaodzi o shri o ghwo abgo bimi. Agimi e dzu moa la a kpaŋ moarehwi ba Ahogbrẽ. Moahi lo, aŋa a sla mo okro okpu-kpu ba Anwye baŋ a ba a kpu.

Otum 9:13

Ahananiya a tno Adigi-odne ma a lu mi le, Adigi-odne, moare nzenze a lu edgu odlo andandandim eka ba alom he lo a la a kpo moarehwi boŋ ewu osku ba Orushalima.

MoaOroma 1:1

Akpa he lo, a zgi abgo Oblus awaghrẽ ba Ekristi Eyesu. Ame, are la e nyum oshpa, nga Ahogbrẽ angyiŋ a sla me nga a bzi me okyku o da me e nyum Oshpaodzadzi baŋ.

MoaOroma 1:7

Okyku eka he ame e ta akpa e kom gimi arehwĩ ba Oroma, ba Ahogbrẽ a klo. Aŋa a bzi gimi okyku o da gimi e dzu moarehwi baŋ. Ahogbrẽ la a wo Adigi, ta la Adigi-odne Eyesu Ekristi a kpo a ghwo la gimi nga a shri opyapyaŋ a da gimi.

1 MoaOkorinti 16:10

O wo ba Etimoti a ba okro bimi le, agimi e yga ŋa la ovyevye, okyku eshi a la a kpo otum okyku Adigi-odne eka ba ame a mbo e kpo otum okyku Adigi-odne.

2 MoaOkorinti 1:1

Akpa he lo a zgi abgo ba Oblus are la a nyum oshpa ba Ekristi Eyesu, eka ba Ahogbrẽ a sheŋ a sla. Akpa he lo a zgi abgo ba Etimoti anigi bubgu. Alo a wo okyku Eklisiya ba Ahogbrẽ osku ba Okorinti, pa la moarehwi ba Ahogbrẽ la a wo obiŋ ba Egrise.

MoaEgalasiya 1:10

Odlo ba ame e la e lu he, o dzu eka ba ame e kpo okyku o da moare a bmi pa la me angyiŋ? O mbo! Ame e klo ba Ahogbrẽ angyiŋ a bmi pa la me. Ame e la e zga ngre okyku o da moare angyiŋ a yi me nzenze? Ame e zga ngre e ta ma-ma okyku o da moare a yi me nzenze angyiŋ e mbi, ame e bmi e dzu awaghrẽ ba Ekristi mbo.

MoaEgalasiya 3:26

Ozhẽ ba obmi ba adlidzi angyiŋ, agimi pyeŋ e dzu moanwye ba Ahogbrẽ ozhẽ ba okŋeobga ta la Ekristi Eyesu.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoAfisu 1:15

Okyku eka he lo angyiŋ, a zga omba ba ame e gno oshpa ba obmi ba adlidzi bimi okyku Adigi-odne Eyesu, ta la oklo bimi okyku moarehwĩ pyeŋ ba Ahogbrẽ,

MoAfisu 6:24

Okpoghwo ba Ahogbrẽ o dzu pa la moare pyeŋ la a klo Adigi-odne Eyesu Ekristi la oklo la o khwo nga mbo.

MoaEfilibi 2:19

Ame e ka ayi ozhẽ ibu ba Adigi-odne Eyesu baŋ á da me e hom Etimoti otum okro bimi ambla fi, okyku o da oshpa ba odzudzu bimi o shri oshye-esõ o shri o da me.

MoaEfilibi 2:5

O raŋ o gre ba agimi e dzu la edgu odzudzu ba Ekristi Eyesu a wo la alo ma.

MoaEfilibi 3:12

Ame e sko eshri me e zga eka ba ame e sheŋ e kpo ohe lo e khwo angyiŋ mbo. Nga ame e sko lo e zga eka ba ame e sheŋ e bli angyiŋ mbo. Ame e la e zga ayi okyku o da me e hwiŋ alo angyiŋ, okyku eshi ame e sheŋ e wo arehwĩ ba Ekristi Eyesu angyiŋ a mo.

MoaEfilibi 3:3

Agi angyiŋ e wo moarehwĩ ba moa a sheŋ ongyum ba adlidzi, moa angyiŋ mbo, okyku eshi agi e la e hlu Ahogbrẽ eshko ozhẽ ba Ogbgaodzi angyiŋ, nga agi e la e kpo ovye ibu odzudzu bi okro ba Ekristi Eyesu. Agi e sko okpo-kpo ba egʼba e zga akplokyeŋ mbo.

MoaEfilibi 3:8

Ambo ayakplo he sha angyiŋ mbo, ambo ame e sko ekployaŋ a mbo e zga akplokyeŋ mbo okyku ekplo la e wo owlama e gre eka he, alo angyiŋ a wo oyioyi eshri ba Ekristi Eyesu Adime-odne. Okyku ŋa angyiŋ, ame e ndba ekployaŋ a mbo e ta a bi, okyku eshi ame e sko lo e zga eka ekro angyiŋ, okyku o da me e hwiŋ Ekristi,

1 MoaEtasolonika 1:1

Akpa he lo a zgi abgo ba Oblus ta la Esila, ta la Etimoti. A wo okyku moarehwĩ ba Eklisiya ba osku ba Etasolonika la a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi. Okpoghwo ta la opyapyaŋ o dzu ka la gimi.

1 MoaEtasolonika 2:2

Agimi e yi eka ba moa a kpo gi ewu, nga moa a dzĩ gi osku ba Efilibi omba ba agi e ba okro bimi osku ba Etasolonika a wo mbo. Ambo Ahogbrẽ a shri oshye-esõ a shri a da gi okyku o da gi e lu Oshpaodzadzi la o zgi okro ba Ahogbrẽ e ygi gimi. Oklaodlo o wo ma egyagi a mbo agi e lu.

2 MoaEtasolonika 1:1

Akpa he lo a zgi abgo Oblus ta la Esila, ta la Etimoti. Alo a wo okyku moarehwĩ ba Eklisiya ba osku ba Etasolonika. Moa a wo moarehwĩ ba Ahogbrẽ la a wo Adigi, ta la Adigi-odne Eyesu Ekristi.

2 MoaEtasolonika 1:10

omba baŋ á ba a ba Onda mi lo okyku o da moarehwĩ baŋ pyeŋ a hlu ŋa eshko, nga moa pyeŋ la a bmi ba adlidzi ka la ŋa, a fa olbi a daŋ. Agimi a mbo e wo eshki mo, okyku eshi agimi a mbo e bmi ba adlidzi ta la oshpa ba agi e nyum e da gimi.

1 Etimoti 1:2

Akpa he lo a wo okyku Etimoti anwye me ba adlidzi ibu obmi ba adlidzi. Ahogbrẽ la a wo Adigi, ta la Ekristi Eyesu Adigi-odne, moa a shri okpoghwo ta la okayiekŋe, ta la opyapyaŋ a shri a doŋ.

1 Etimoti 3:8

Nga eshri ba moandakʼpo ba Eklisiya, o dzu omgbybi ba moa a dzu moare la a wo la eda edzi, nga a kpo adlidzi, nga moa a dzu moa la a wa ami anab a gre eshri mbo, o mbo le a ri ayi mbo.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Etitu 1:7

Otum ba Ahogbrẽ o wo abgo baŋ angyiŋ, okyku eka he lo o raŋ o gre baŋ a tspi shasha nga a dzu are la a shye eshri mbo, nga a kpo olom shoshoŋ mbo, nga a dzu are la a wa ami anab nzenze mbo. O raŋ o gre baŋ a wo are la esõ khakha mbo, nga a dzu are la a kpo oriayi mbo.

Efilimo 1:1

Akpa he lo a zgi abgo me Oblus ba moa a vu a ta aku okyku Ekristi Eyesu, alo a zgi abgo ba anigi Etimoti bubgu. Agi e ta lo e kom ŋo akyegiazba Efilimo la a kpo otum ka la gi otsotse,

MoaIbrani 13:23

Ambo ame e klo ba gimi e yi ba moa a se anigi Etimoti a sku aku bgu. O wo baŋ a ba oshoshoŋ angyiŋ le, ame é daŋ á ba pa la me omba ba ame é ba e ba okro bimi.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

1 Ebitru 2:25

Agimi e wo eka ba ékylu la e ta ozhẽ akpu, ambo ohuhuhi moa a shri gimi a bla a ba okyku o da gimi e sõ ozhẽ ba Are la a kpaŋ ékylu. Are he lo angyiŋ a wo are la a kpaŋ esõ bimi.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.

Otsotsa 1:1

Moa a ta ayakplo ba Eyesu Ekristi a tsa angyiŋ akpa he lo. Ahogbrẽ a shri ayakplo he lo a shri a daŋ, okyku o daŋ a tsa moawahgrẽ ba Ahogbrẽ ayakplo la á ba a kpo ambla fi. Ekristi a da anwyeadga baŋ a gre ibu ba Eyohana awaghrẽ baŋ nga, a daŋ a tsa ŋa ayakplo he lo.

Otsotsa 1:20

Aŋo o ka eshyẽ ba éyi enzo efoha boŋ o ka lo obgori me ta la emgbakha ovo efoha ba azurfa. Éyi enzo efoha he lo e dzu moanwyeadga ba moaEklisiya efoha. Nga emgbakha ovo efoha ba azurfa he lo e dzu moaEklisiya efoha angyiŋ.

Otsotsa 19:10

Ame e kŋe e shki obiŋ egi ayi baŋ okyku o hlu ŋa eshko, ambo a lu mi le, O kpo eka he mbo! Ame a mbo e wo awaghrẽ eka boŋ pa la moanóŋ pyeŋ la a kpaŋ adlidzi ba Eyesu a tsa lo zhezheŋ. Aŋo o hlu Ahogbrẽ angyiŋ eshko! Okyku eshi adlidzi ba Eyesu a ra lo a tspa zhezheŋ angyiŋ a shĩ esõ moarehwĩ ba Ahogbrẽ a hom mo otum.

Otsotsa 2:12

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Epegamum o lu mi le, Oshpa he lo o wo oshpa la o zgi abgo ba are la a wo la akõ anyu aha la a ri hihihli.

Otsotsa 2:8

Ogbgaodzi o sa o lu mi le, Aŋo o ta akpa o kom anwyeadga ba Eklisiya ba Esemana o lu mi le, Oshpa he lo o wo oshpa la o zgi abgo ba are la a wo ori, ta la amom-abgo. Aŋa a kpu a khwo nga a sa a hwiŋ esõ.

Otsotsa 22:9

Ambo a lu a da me a lu mi le, Aŋo o kpo eka hi mbo! Ame a mbo e wo awaghrẽ eka boŋ pa la moanóŋ ba Ahogbrẽ a hom mo otum, ta la areyaŋ a mbo la a kpaŋ odlo la o wo akpa he. Aŋo o hlu Ahogbrẽ angyiŋ eshko!