Eyakubu 5:9 - Ohwihwim Olehe

⁹ Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!

Eyakubu 5:9 ပူးပေါင်းရင်းမြစ်များ

Amatiyu 24:33

Nga omba bimi e ka ayakplo he lo pyeŋ bgu le, agimi é ka e tspi ba omba o wo osusku a mo, ba ekployaŋ a mbo é ba e zga esĩ.

Amarku 13:29

Ekakahelo, o wo bimi e ka edgu ayakplo hi a kpo le, agimi e dzu la aga ba omba o wo osusku a mo.

Amarku 6:19

Okyku eka he esõ e tpi ashe he lo ayi ta la Eyohana, nga a klo o bga ŋa, ambo okyku eyli Ehirudu aŋa a kpo akplokyeŋ mbo.

1 MoaOkorinti 10:11

Ayakplo he lo pyeŋ a kpo pa la mo okyku o tsa moahwõ. Moa a ta lo okyku o shĩ gi angyiŋ. Okyku eshi omba o kpo okhwokhwo a mo.

1 MoaOkorinti 4:5

Arekyeŋ a sõ arekyeŋ ombgu ayga a da omba lo o kpo mbo. Ombgu ba amom-abgo, moa á sõ lo omba ba Adigi-odne á ba. Adigi-odne á se ayakplo la a ghre mgbyi-mgbyiŋ eso moarehwi á ta edzi. Omba he lo angyiŋ, are-yaŋ a mbo á ba a yga otsom ba alo o raŋ o gre baŋ a hwiŋ lo okro ba Ahogbrẽ.

2 MoaOkorinti 9:7

Okyku eka he o raŋ o gre ba areyaŋ a mbo a fa a di eka ekplo baŋ a hwim eso baŋ. A kpo lo la ombhi mbo, nga a sko lo a zga eka ba alo a wo otum angyiŋ mbo, okyku eshi Ahogbrẽ a la a klo are la a fa a di la ovyevye.

MoaEgalasiya 5:14

Okyku eshi odaŋ lo pyeŋ, moa a kŋe lo a bga odaŋ okyekyeŋ la o lu mi le, Aŋo o klo a ba ekpazhi boŋ eka boŋ o klo eŋo.

MoaEgalasiya 5:26

O raŋ o gre ba agi e nyom egʼba o mbo le e tpi egi eso ayi, o mbo le ba agi e kpo efpu ta la egi mbo.

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

Eyakubu 4:12

Ahogbrẽ sha a wo are la a jygu odaŋ nga a sõ ombgu. Aŋa sha angyiŋ a kpo a gbu baŋ a shla are o mbo le a jygi are. Aŋo o ka aŋo o wo ayi angyiŋ boŋ o sõ anóŋ ombgu?

Eyakubu 5:10

Agimi anáŋ, agimi e tne aga ba moarehwĩ ba Ahogbrẽ a hom mo otum, moa a la a lu odlo la eshko ba Adigi-odne. Agimi e da mo angyiŋ a dzu egŋe bimi, okyku eshi moa a kpo oheheŋ nga a ghwo esõ omba ba moarehwĩ a la a kpo mo ewu.

Eyakubu 5:7

Agimi anáŋ, e kpo oheheŋ o tsa ba Adigi-odne a ba. E ka eka ba are la a lbi agbi a la a kpo oheheŋ omba baŋ a la a dzu a bli agbi baŋ okyku o da lo a kpo algo adzadzi. Aŋa a la a dzu heheŋ a bli ogbu ba ori ta la ogbu ba amom-abgo.

1 Ebitru 4:5

Ambo o dzu omgbybi ba moa a shri etsko ba eshri mo, a shri a da Ahogbrẽ. Ahogbrẽ he lo a dzu a bli baŋ á sõ moa la a wo ayi pa la moa la a kpu, ombgu.

1 Ebitru 4:9

Agimi e yga egimi adne egimi la ovyevye, nga e nyi agla mbo.

Otsotsa 3:20

Aŋo o ngli atuŋ o gno! Ame e tspi ayizhẽ nga e la e ta enzi ma. O wo ba arekyeŋ a gno enzi me nga a hwile me ayizhẽ le, ame é ba odne baŋ nga é ri algo ka la ŋa, nga aŋa a mbo á ri algo pa la me.