Eyakubu 5:7 - Ohwihwim Olehe

⁷ Agimi anáŋ, e kpo oheheŋ o tsa ba Adigi-odne a ba. E ka eka ba are la a lbi agbi a la a kpo oheheŋ omba baŋ a la a dzu a bli agbi baŋ okyku o da lo a kpo algo adzadzi. Aŋa a la a dzu heheŋ a bli ogbu ba ori ta la ogbu ba amom-abgo.

Eyakubu 5:7 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 24:27

Okyku eshi Anwye Arehwĩ á ba eka ogbu o tspi ayi o zgi egi etne o ba o bre o yi egi olum-ore.

Amatiyu 24:44

Okyku eka he, o raŋ o gre bimi e dzu e kʼpu ombamba pyeŋ, okyku eshi Anwye Arehwĩ á ba omba ba arekyeŋ a zga aga mbo ku-ku.

Oluka 18:8

Ame e lu e da gimi, Ahogbrẽ á ngli tsi mbo, á kpo á ghwo la mo. E gno, omba ba Anwye Arehwĩ á bla á ba obiŋ hi ondakyeŋ, á hwiŋ moa la a bmi ba adlidzi bgu?

Oluka 21:27

Omba he lo angyiŋ, Anwye Arehwĩ á ba a gnyu. Á ba la etabro, la ekʼpo egagre, pa la ayimom ba esesla.

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Eyohana 21:22

Eyesu a tno ŋa ma a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo? Aŋo o lu me ma.

Eyohana 21:23

Okyku eka he oshpa lo o ngla eshki moare la a lu Eyesu ma ba anwyeotum he lo á ba a kpu mbo. Ambo Eyesu a lu eka he angyiŋ mbo, a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo?

MoaOroma 15:4

Ekployaŋ a mbo ba moa a ta Akpa ba Ahogbrẽ, moa a ta lo okyku o nye gi angyiŋ, okyku o da gi e ka ayi ozhẽ la oghwo-esõ, ta la oshioshĩ ba Akpa ba Ahogbrẽ a shri a da gi.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

1 MoaOkorinti 1:7

okyku eka he angyiŋ agimi e hwiŋ owlamayaŋ a mbo, omba ba agimi e la e ka ayi ozhẽ okyku omba ba moa a da Adigi-odne Eyesu Ekristi a ba.

MoaEgalasiya 5:5

Okayiozhẽ bi o wo ba Ahogbrẽ á ba a shri opyapyaŋ á shri á zga agʼbaha baŋ ka la gi. Agi nga e la e dzu e bli ohe lo angyiŋ, la ekʼpo ba Ogbgaodzi ba Ahogbrẽ, alo e kpo otum ozhẽ obmi ba adlidzi bi.

MoaEgalasiya 6:9

Okyku eka he agi e da lo o khwo gi ta la okpo ayakplo la a wo adzi mbo. O wo ba agi e kpu adga ozhẽ angyiŋ mbo le, omba o yi o ba ba agi é ba é yla edgo lo.

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

1 MoaEtasolonika 2:19

Ambo agimi angyiŋ, arekyeŋ angyiŋ mbo! Agimi e wo okayiozhẽ bi ta la ovye bi, ta la onyomegʼba bi okyku okpogre ba agi e kpo e gre egi ayi ba Adigi-odne Eyesu omba baŋ á ba a ba.

1 MoaEtasolonika 3:13

Ozhẽ he lo angyiŋ aŋa á da esõ bimi e tspi osheshye. Nga agimi é tspi la obiobli la esesla egi ayi ba Ahogbrẽ bi la a wo Adigi omba ba Adigi-odne Eyesu á ba pa la moarehwĩ baŋ.

MoaIbrani 6:15

Ebrahim a wo heheŋ, okyku eka he a hwiŋ ekplo ba Ahogbrẽ a hwim okyku ŋa.

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

Eyakubu 5:10

Agimi anáŋ, agimi e tne aga ba moarehwĩ ba Ahogbrẽ a hom mo otum, moa a la a lu odlo la eshko ba Adigi-odne. Agimi e da mo angyiŋ a dzu egŋe bimi, okyku eshi moa a kpo oheheŋ nga a ghwo esõ omba ba moarehwĩ a la a kpo mo ewu.

Eyakubu 5:3

Azurfa bimi ta la ezanariya bimi, omle o shki lo pyeŋ. Omle he lo angyiŋ ó ba o zgi egŋe eshri bimi, nga ó ri egʼba bimi eka ovo. Agimi e pla angyiŋ e shki omba ba amom-abgo he e gre eshri.

2 Ebitru 3:4

Nga moa á lu mi le, Aŋa a hwim a zga baŋ á ba a ba mbo? A wo ayaŋ? Moadigi moa a sheŋ a kpu bgu, ambo ekployaŋ a mbo e dzu eka ba obiŋ o wo okũ oriori omba ba moa a kpo ekployaŋ a mbo!