Eyakubu 5:19 - Ohwihwim Olehe

¹⁹ Agimi anáŋ! O wo ba akyeŋ eshki bimi a ngʼba a sku adlidzi le, nga ba arekyeŋ a bla ŋa a shri a ba le,

Eyakubu 5:19 ပူးပေါင်းရင်းမြစ်များ

Amatiyu 18:15

O wo ba anóŋ a kpo odlobi egi ayi boŋ le, o yi o tsa ŋa odlobi baŋ. Aŋo o kpo lo agʼbaha boŋ ka la ŋa sha. O wo baŋ a ngli atuŋ a gno ŋo le, aŋo o shri ŋa o bla o ba ozhẽ angyiŋ eka he lo.

Oluka 22:32

Ambo ame e sheŋ e fa olu okyku ŋo Esima, okyku o da obmi ba adlidzi boŋ o sheŋ o nye ozhẽ mbo. Ambla boŋ o bla o ba okro me le, aŋo o shĩ moanóŋ.

MoaEgalasiya 6:1

Agimi anáŋ, o wo ba moa a vu arekyeŋ baŋ a ta akpu le, agimi ba Ogbgaodzi o la o kpo otum ka la gimi, e tsa ŋa ozhẽ. Ambo agimi e kpo lo ozhẽ la o wo ble-ble. Nga e nyuŋ egimi a mbo e ka, okyku o da obile o vu gimi mbo.

1 Etimoti 6:10

Oklo amgbaŋ angyiŋ o wo esĩ ba edgu odlobiyaŋ a mbo. Moabze a la a zga ayi ngre okyku o hwiŋ lo, okyku eka he moa a dzu ozhẽ ba obmi ba adlidzi a zga nga esõ e bili nzenze.

1 Etimoti 6:21

Moabze a la a sko eshri mo a zga eka moa a wo la oyioyi he lo. Okyku eka he nga moa a ta ozhẽ ba obmi ba adlidzi akpu. Okpoghwo ba Ahogbrẽ o dzu ka la gimi pyeŋ.

2 Etimoti 2:18

Moa a dzu ozhẽ ba adlidzi a zga nga moa a la a so obmi ba adlidzi moakyeŋ ayi, okyku eshi moa a la a nye mo ma oksongybi o sheŋ o bre o gre bgu.

MoaIbrani 5:2

Aŋa a mbo a sheŋ a nye ezhẽ nzenze, okyku eka he aŋa a la a kpo ble-ble pa la moare la a dzu efĩ nga a la a ta akpu.

Eyakubu 1:16

Agimi anáŋ, agimi e da mo a bile gimi mbo!

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 3:14

Ambo o wo bimi e wo abi angyiŋ esõ bimi le, nga agimi e la e kpo efpu nga e klo eshri le, o raŋ o gre bimi e hre egʼba nga e sheŋ akpro eshri adlidzi he lo mbo.

Eyakubu 5:20

agimi e tne aga e ka, areyaŋ a mbo la a kpaŋ are odlobi a sku ozhẽ ba odlobi le, a daŋ a sa a ngʼba a sku lo, aŋa á shla esõ are he lo abgo ba eku, nga á da mo a kyu ŋa abgo odlobi nzenze baŋ a kpo.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

Eyahuda 1:11

O wo ekplo ayiekŋe pa la mo o gre eshri! Moa a sõ ozhẽ ba Akayinu a sõ. Moa a shri eshri mo a zga okyku o kpo ayakplobi okyku amgbaŋ eka ba Abalam a kpo. Moa a bga mo okyku ba moa a shye eshri, eka ba Okora a mbo a shye eshri.