Eyakubu 5:16 - Ohwihwim Olehe

¹⁶ Okyku okũ he lo, agimi e lu odlobi bimi e ygi egimi, nga e fa olu okyku egimi, okyku o da gimi e shaŋ. Olu ba are odlodzi o wo la ekʼpo ma nzenze!

Eyakubu 5:16 ပူးပေါင်းရင်းမြစ်များ

Amatiyu 21:22

O wo bimi e bmi ba adlidzi le, ekployaŋ a mbo bimi e vẽ omba bimi e fa olu le, agimi é hwiŋ lo.

Amatiyu 3:6

Moare a zgi egŋe odlobi mo nga aŋa a kpo mo abaptisma ondzu ba Ordu.

Amarku 1:5

Areyaŋ a mbo a zgi obiŋ ba Eyahuda ta la osku ba Orushalima a gre akla okyku o gno oshpa lo. Moarehwi a zgi egŋe odlobi mo nga Eyohana a kpo mo abaptisma ondzu ba Ordu.

Oluka 9:6

Moanwyeotum a kpo nga moa a gre esku andandandim, nga moa a la a nyum Oshpaodzadzi, nga moa a shaŋ moare la a no olo okroyaŋ a mbo.

Eyohana 9:31

Agi e yi ba Ahogbrẽ a la a gno moaedlobi mbo. A la a gno moare la a fa olbi a daŋ, nga a kpo ayakplo baŋ a klo.

Otum 10:38

Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.

Otum 19:18

Moare nzenze la a bmi ba adlidzi moa a ba nga, moa a bmi nga a lu ayakplo moa a la a kpo a da moare.

Otum 8:24

Esima a vẽ Ebitru ta la Eyohana a lu mi le, Agimi e vẽ Adigi-odne okyku me, okyku o da ayakplo bimi e lu hi akyeŋ a tka me mbo.

MoaOroma 3:10

Akpa ba Ahogbrẽ a lu mi le, Arekyeŋ la a wo la odlodzi a wo ma mbo.

MoaOroma 5:19

Eka ba moarehwi mvye a zhiŋ a dzu moaedlobi okyku odlobi ba arekyakyeŋ, ekakahelo, moare nzenze moa a shri opyapyaŋ a zga agʼbaha mo ta la Ahogbrẽ okyku odlodzi ba arekyakyeŋ.

MoaOkolosi 1:9

Okyku eka he a zga omba ba agi e gno oshpa bimi, agi e fa olu okyku gimi. Agi e la e vẽ Ahogbrẽ okyku o daŋ a bli gimi la oyioyi eshri okoklo baŋ, nga a bli gimi la okaobmye pyeŋ ta la okoka ba Ogbgaodzi angyiŋ o la o shri o di.

1 MoaEtasolonika 5:17

Nga e fa olu ombamba pyeŋ.

1 MoaEtasolonika 5:23

Ahogbrẽ nga la a la a shri opyapyaŋ a shri a da gimi, aŋa á bmi á zhiŋ gimi á da gimi e dzu moarehwĩ baŋ ekpyemgbyeŋ nga á da odzudzu bimi pyeŋ, ta la esõ bimi, ta la ayaŋ ba esõ bimi, ta la egʼba bimi, é ngʼba é sku akpuyaŋ a mbo omba ba oba-ba ba Adigi-odne Eyesu Ekristi.

1 MoaEtasolonika 5:25

Agimi anáŋ e fa olu okyku gi a mbo.

MoaIbrani 11:4

Okyku obmi ba adlidzi angyiŋ, Ahabila a shri oshriondba la o wo odzi o gre oshriondba ba Akayinu, a shri a da Ahogbrẽ. Ahogbrẽ a bmi ka la ŋa nga a sko ŋa a zga are ba odlodzi okyku obmi ba adlidzi baŋ angyiŋ. Ahogbrẽ ababgo baŋ a bmi ta la ayakplo baŋ a shri a ndba ŋa. Ahabila a sheŋ a kpu ambo aŋa a yi a la a lu odlo ka la gi ozhẽ ba obmi ba adlidzi baŋ he lo.

MoaIbrani 11:7

Obmi ba adlidzi angyiŋ o da Onuhu a ngli atuŋ a gno oshĩ ba Ahogbrẽ eshri ayakplo la a wo efĩ, ayakplo he lo á kpo omba la o yi o wo egi ayi. A kpaŋ odlo lo, okyku eka he lo a sẽ amgblami, nga aŋa pa la moa-odne baŋ moa a gro okyku lo angyiŋ. Ozhẽ he lo angyiŋ aŋa a sõ moarehwĩ ba obiŋ hi pyeŋ ombgu. Aŋa nga a hwiŋ odlodzi la o zgi okro ba Ahogbrẽ ozhẽ ba obmi ba adlidzi angyiŋ.

MoaIbrani 12:13

E zga gble e la e dzi ezhẽ la e wo tsoŋ, okyku o tpi odga la o wo oshye mbo ayi mbo, ambo okyku o shri oshye angyiŋ o shri o da lo.

MoaIbrani 13:18

Agimi e fa olu okyku gi ombamba pyeŋ. Agi e yi zhezheŋ ba agi e wo la enzi esõ la e wo pyapyaŋ egi ayi ba Ahogbrẽ, okyku eshi agi e la e klo o kpo ayakplo la a wo shasha angyiŋ ombamba pyeŋ.

1 Ebitru 2:24

Ekristi ababgo baŋ a sko odlobi bi egʼba baŋ a shri a gre egŋe aki, okyku o da gi e dzu eka ba moare la a kpu angyiŋ ta la odlobi. Are la a kpu moa á tka ŋa aŋa a kpo a gbu baŋ a yi mbo. Okyku eka he, are la a kpu okro odlobi, a kpo a gbu baŋ a yi odlobi mbo, nga a dzu okyku o kpo odlodzi. Nga okyku ero ba moa a fa Ekristi egʼba angyiŋ, agimi e hwiŋ oshye.

1 Eyohana 3:22

Agi e la e hwiŋ ekployaŋ a mbo ba agi e la e vẽ, okyku eshi agi e la e kpaŋ odaŋ baŋ nga e la e kpo ekplo la e raŋ ŋa esõ.