Eyakubu 5:14 - Ohwihwim Olehe

¹⁴ Arekyeŋ eshki bimi a no ko? O raŋ o gre baŋ a bzi moandakʼpo ba Eklisiya, okyku o da mo a fa olu okyku ŋa nga a shri awargi a ygi ŋa eshri eshko ba Adigi-odne.

Eyakubu 5:14 ပူးပေါင်းရင်းမြစ်များ

Amarku 16:18

Nga, o wo moa a vu amabi abgo, o mbo le a wa ekpre, ekplokyeŋ é kpo pa la mo mbo. Nga o wo moa a tka moa la a no ololo le, moa á shaŋ.

Amarku 6:13

Moa a se egbgabi a sku moare. Moa a tsiŋ moare la a no olo awargi eshri nga moa a shaŋ.

Otum 11:30

Moa a pla amgbaŋ nga moa a shri lo a da Abarnaba ta la Eshawlu okyku o da mo a shri lo a da moandakʼpo Eklisiya.

Otum 14:23

MoaEmisiya ayaŋ a mbo moa a sla moandakʼpo okyku lo. Moa a fa olu, nga moa a nyom eshri mo algo. Moa a shri mo a ndba Ahogbrẽ moa a bmi ba adlidzi ka la ŋa.

Otum 15:4

Omba moa a gbu Orushalima nga, Eklisiya e yga mo la ovyevye. Moa la a nyum oshpa pa la moandakʼpo a mbo mvye. Moa a lu ayakplo ba Ahogbrẽ a kpo pa la mo a da mo.

Otum 28:8

Adaŋ Opubliyu a lom obiŋ. Ogbga ta la atini a vu ŋa. Oblus a gre aku lo eshyẽ nga a fa olu nga a shri abgo a shki ŋa eshri, nga a shaŋ ŋa.

Otum 9:40

Ambo Ebitru a da mo mvye a zgi a sku aku lo eshyẽ, a kʼpu obiŋ nga a fa olu. Ambla he a zhiŋ a gre okro okom lo nga a nyuŋ lo a lu mi le, Atabita, o kso! Aŋa a hwile ayi baŋ, omba baŋ a ka Ebitru nga a dzu okũ.

Etitu 1:5

Ame e dzu ŋo e zga obiŋ ba Ekreta okyku o doŋ o kpo otum la o ra, nga okyku o sla moandakʼpo Eklisiya ba oskuyaŋ a mbo. Ambo o kpo otum ta la onyenye me.