Eyakubu 4:8 - Ohwihwim Olehe

⁸ Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

Eyakubu 4:8 ပူးပေါင်းရင်းမြစ်များ

Amatiyu 12:33

Esĩ aki e wo edzi ayga e la e fu agbro adzi. O wo ba esĩ aki lo e wo edzi mbo le, é fu agbro adzi mbo. Edgu agbro ba esĩ aki e la e fu angyiŋ e la e da mo a yi edgu esĩ aki lo.

Amatiyu 15:2

Moa a zhĩ a lu mi le, Okyku eshi moanwyeotum boŋ, moa a la a kpaŋ onyenye moadigi mbo? O ka, moa a ka a ndza abgo mo ozhẽ la o raŋ ayga a ri algo mbo!

Amatiyu 27:24

Omba ba Ebilatu a ka ba alo o wo eheŋ-ekyeŋ ba o kpo akplokyeŋ nga mbo, okyku eshi a ka eka moa a kpo okpoambgu, a fu amihĩ a ndza abgo baŋ egi ayi ba eshki nga a lu mi le, Amanzhli ba alom he, a wo eshri me angyiŋ mbo, ambo alo a wo eshri bimi angyiŋ.

Otum 15:9

Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

1 Etimoti 2:8

Ame e klo moarehwĩ okroyaŋ a mbo a fa olu. Ame e klo ba moarehwĩ la a shri eshri mo a da Ahogbrẽ a si abgo mo ongyeŋ nga a fa olu. Ame e klo mo a fa olu lo la olom esõ, ta la oklaodlo mbo ku-ku.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaIbrani 7:19

Okyku eshi odaŋ ba Omusa o kpo o gbu ba alo o zhiŋ ekplokyeŋ o da lo o bli mbo. Ambo ohuhuhi nga okayiozhẽ la o gre pyeŋ o wo ma a mo. Ozhẽ he lo angyiŋ agi e ba osusku ta la Ahogbrẽ.

Eyakubu 1:8

okyku eshi aŋa a la a fu eha ekployaŋ a mbo baŋ a kpo.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 3:21

Amihĩ lo a wo ekplo la e wo egŋe ba abaptisma, nga alo angyiŋ a shla gimi ohuhuhi. Ohe lo o kpo ozhẽ ba agimi e ndza erum ba egʼba bimi angyiŋ mbo, ambo ozhẽ ba ohwihwim ba agimi e hwim la enzi ba esõ la e wo edzi ta la Ahogbrẽ. Ozhẽ ba oksongybi ba Eyesu Ekristi he lo angyiŋ, abaptisma a shri oshla a shri a da gimi.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.