Eyakubu 4:12 - Ohwihwim Olehe

¹² Ahogbrẽ sha a wo are la a jygu odaŋ nga a sõ ombgu. Aŋa sha angyiŋ a kpo a gbu baŋ a shla are o mbo le a jygi are. Aŋo o ka aŋo o wo ayi angyiŋ boŋ o sõ anóŋ ombgu?

Eyakubu 4:12 ပူးပေါင်းရင်းမြစ်များ

Amatiyu 10:28

Moarehwĩ la a bga egʼba agimi e kpo eyli mo mbo, okyku eshi moa a wo ekʼpo ma ba moa a bga esõ arehwĩ mbo. Ambo agimi e kpo eyli Ahogbrẽ la a kpo a gbu baŋ a bga egʼba pyeŋ, ta la esõ a mbo enzheovo.

Oluka 12:5

Ame é tsa gimi are ba alo o raŋ o gre bimi e kpo eyli baŋ. Agimi e kpo eyli Ahogbrẽ okyku eshi aŋa a wo la ekʼpo ma baŋ a bga nga a shri lo a ta enzheovo. Adlidzi ame e lu e da gimi, agimi e kpo eyli baŋ!

MoaOroma 14:13

Okyku eka he, agimi e da gi e kyu oso egi embgu abgo. Ekplo la e raŋ e gre boŋ o kpo, alo o raŋ o gre boŋ o kpo ekplokyeŋ la e da anóŋ a ta akpu mbo, o mbo le a kpo odlobi mbo.

MoaOroma 14:4

Aŋo o ri ayi angyiŋ boŋ o sõ awaghrẽ arekyeŋ ombgu? Adaŋ-odne angyiŋ á ba a sõ ŋa ombgu. Aŋa á gro, okyku eshi Ahogbrẽ a kpo a gbu baŋ a daŋ a gro.

MoaOroma 2:1

Aŋo akyemeazba, aŋo o la o sõ moahwõ ombgu? Aŋo o wo ayayi a mbo le, aŋo o wo la elomakyeŋ ma mbo. O wo boŋ o la o sõ moahwõ ombgu, ambo aŋo o la o kpo edgu ayakplo ba moa a la a kpo lo le, aŋo o vu eŋo.

MoaOroma 9:20

Akyemeazba, aŋo o ri ayi boŋ o zhĩ Ahogbrẽ ekplo baŋ a zga eso ba o kpo-kpo? Eshyẽ ba ongyim e la e zhĩ are la a tra ŋa a lu mi le, Okyku eshi aŋo o tra me eka he, mbo.

MoaIbrani 7:25

Okyku eka he, aŋa a kpo a gbu ohuhuhi ta la ombayaŋ a mbo baŋ a shla moare la a ba okro ba Ahogbrẽ ozhẽ baŋ. Okyku eshi a wo ma gbagbu-amo okyku o daŋ a la a vẽ Ahogbrẽ okyku mo.

Eyakubu 5:9

Agimi anáŋ, e nyi agla ta la egimi mbo, okyku o da Ahogbrẽ a sõ gimi ombgu mbo. Are la a sõ ombgu a wo osusku a mo, aŋa a dzu a bli okyku o gre o ba eshyẽ sha angyiŋ a mo!