Eyakubu 3:9 - Ohwihwim Olehe

⁹ La alo angyiŋ agi e la e vye Adigi-odne, ta la Adigi, nga la alo angyiŋ agi e la e ta ogbukyu e ygi moarehwĩ edgu bi ba moa a kpo mo la emle ba Ahogbrẽ!

Eyakubu 3:9 ပူးပေါင်းရင်းမြစ်များ

Amatiyu 26:74

Ebitru a kʼpi ashum a lu mi le, Ahogbrẽ a da ewu e hwiŋ me, o wo ba ame e sheŋ akpro angyiŋ! Ame e yi alom hi lo mbo! Omba he lo nga engo e tko,

Amatiyu 5:44

Ambo, ohuhuhi ame e lu e da gimi, agimi e klo moafpu gimi, nga e fa olu e tne aga moare la a la a kpo gimi efye,

Otum 2:26

Okyku eka he nga eso e gbu me obiŋ, nga ame e la e gno oraŋ. Ame la egʼba la é ba e kpu hi, ame e wo la okayiozhẽ ma,

MoaOroma 3:14

Anyu mo a bli la odlobi a gre eshri.

1 MoaOkorinti 11:7

O wo akplokyeŋ ba arealom a ghwo emakyeŋ eshri baŋ mbo, okyku eshi aŋa a tsa emle ta la ekekʼpo ba Ahogbrẽ angyiŋ. Ambo ashe a tsa ekekʼpo ba arealom angyiŋ.

MoAfisu 1:3

Agimi e da gi e vye la Ahogbrẽ la a wo Adaŋ Adigi-odne Eyesu Ekristi! Okyku eshi okro okŋeobga bi ta la Ekristi, Ahogbrẽ a shri owlama ba okpoghwo ba Ogbgaodzi la o wo Ongyeŋ a shri a da gi a gre eshri.

Eyakubu 1:27

E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.

Eyakubu 3:10

Anyu akyakyeŋ angyiŋ a la a vye a khwo nga a la a sa a ta ogbukyu. Agimi anáŋ! Agimi e da edgu ayakplo he a kpo mbo ku-ku!

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.