Eyakubu 3:2 - Ohwihwim Olehe

² Agi pyeŋ e la e ta akpu ayakplo nzenze ombamba. Are la a ta akpu ekplokyeŋ baŋ a lu a ka mbo le, aŋa a bli, nga a wo are la a kpo a gbu baŋ a kpaŋ egʼba baŋ pyeŋ.

Eyakubu 3:2 ပူးပေါင်းရင်းမြစ်များ

Amatiyu 12:34

Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi.

Amatiyu 12:37

Okyku eshi la odlo boŋ angyiŋ moa á ba a sõ ŋo ombgu. La alo angyiŋ aŋo ó ba o gro o mbo le ó ba o dga.

MoaOroma 3:10

Akpa ba Ahogbrẽ a lu mi le, Arekyeŋ la a wo la odlodzi a wo ma mbo.

MoaOroma 7:21

Okyku eka he, ame e yi ba aga he lo a kpo otum, okyku eshi o wo ba ame e klo o kpo akplokyeŋ adzi le, ame e la e sa e nyiŋ e kpo ayakplobi angyiŋ.

1 MoaOkorinti 9:27

Ame e da egʼba me e sheŋ e zhĩ ta la akum lo, nga e da lo e bga ta la lo, okyku o da mo a tla me ambla ba ame e bzi moahwõ a ba okyku o da mo ambo a kpo ekpyle lo.

MoaEgalasiya 3:22

Ambo odlo ba Ahogbrẽ o lu mi ma obiŋ hi pyeŋ o wo abgo ba ekʼpo ba odlobi angyiŋ, okyku o da moa la a bmi ba adlidzi, a hwiŋ egbre ba moa a hwim lo ozhẽ ba obmi ba adlidzi ta la Eyesu Ekristi.

MoaEgalasiya 5:17

Okyku eshi okoklo ba egʼba o la o ta eko ta la okoklo ba Ogbgaodzi. Nga okoklo ba Ogbgaodzi o la o ta eko ta la okoklo ba egʼba. Moaha he lo a wo moafpu emo angyiŋ. Okyku eka he nga alo o tsa bimi e kpo e gbu bimi e kpo ekployaŋ a mbo bimi e klo e gbu mbo.

MoaOkolosi 1:28

Okyku eka he agi e la e nyum oshpa ba Ekristi e ygi moare pyeŋ. Agi e la e shĩ nga e nye areyaŋ a mbo la edgu okaobmye mvye ba agi e wo la alo ma, okyku o shri areyaŋ a mbo a ba egi ayi ba Ahogbrẽ, eka ba are la a bmye ayi a klu okro ba okŋeobga ta la Ekristi.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

Eyakubu 1:26

Arekyeŋ a la a ka eka baŋ a wo are la a kpaŋ odlo ba Ahogbrẽ adzadzi? O wo baŋ a la a nyunyuŋ a la a lu odlo mbo le, okpo-kpo baŋ he lo o wo o ba ototno angyiŋ. Nga a la a bile eshri baŋ.

Eyakubu 1:4

Ambo agimi e zga gble okyku o da oghwo-esõ he lo o shri gimi o yi o fu ta la osheŋonye mbo, okyku o da gimi e bli nga e dzu shasha, nga okyku o da gimi e gbaŋ la emakyeŋ mbo.

Eyakubu 2:10

Okyku eshi areyaŋ a mbo la a pre odaŋ okyekyeŋ sha a mbo ba ombgu he lo le, o dzu eka baŋ a pre odaŋ mvye.

1 Ebitru 3:10

Odlo Ahogbrẽ o lu mi le, Areyaŋ a mbo la a klo o gno oraŋ ta la odzudzu nga okyku o daŋ a wo la omba la o gbu esõ obiŋ le, O raŋ o gre baŋ a lu odlo la o wo obi mbo, nga baŋ a kyu osheŋ akpro abgo.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.