Eyakubu 3:17 - Ohwihwim Olehe

¹⁷ Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

Eyakubu 3:17 ပူးပေါင်းရင်းမြစ်များ

Amatiyu 23:28

Ekakahelo egi edzi, agimi e zgi e dzu moare ayi eka bimi e wo la odlodzi, ambo ésõ bimi, akpro, ta la odlobi sha o wo ma.

Amatiyu 5:8

Oraŋ o wo ma okyku moa la a wo la esõ pse, okyku eshi moa á ka Ahogbrẽ!

Amatiyu 5:9

Oraŋ o wo ma okyku moa la a shri onyuŋokpo a shri a zga agʼbaha moarehwĩ, okyku eshi Ahogbrẽ á bzi moahi lo moanwye baŋ!

Oluka 21:15

Okyku eshi omba he lo ame é shri edgu odlo bimi é ba e lu é da gimi. Nga ame é shri okaobmye é da gimi, nga moafpu gimi á kpo á gre gimi a gbu mbo, nga á tla odlo bimi a gbu mbo.

Oluka 6:36

O ka ayiekŋe, eka ba Adoŋ a mbo a ka ayiekŋe.

Eyohana 1:14

Odlo o zhiŋ o dzu arehwĩ, nga o dzu ka la gi. Agi e ka ayimom ba esesla baŋ. O wo la okpoghwo, ta la adlidzi nzenze ma. Ayimom ba esesla baŋ he lo, aŋa anwye akya-kyeŋ ba Ahogbrẽ a yga lo ibu Adaŋ angyiŋ.

Eyohana 1:47

Omba ba Eyesu a ka Enataniyelu a ba okro baŋ nga, a lu odlo eshri baŋ a lu mi le, Alom he lo a wo arehwĩ ba Esrayila zhezheŋ. Ekplokyeŋ ba o fu oha eshri baŋ e wo ma mbo.

Otum 11:24

Abarnaba a wo arehwĩ owlama. Aŋa a bli la Ogbgaodzi nga a la a tspi gble ekployaŋ a mbo. Moarehwi nzenze a zhiŋ a lu Adigi ma.

Otum 9:36

Osku ba Ojopa nga, ashekyeŋ a wo ma, eshko baŋ e ri Atabita. Aŋa a bmi ba adlidzi. Eshko lo la alom Egrise e ri Odokas, o dzu, etba. Aŋa a kpo odlodzi ombamba mvye, nga a la a kpo a ghwo la moa la a wo ekŋe.

MoaOroma 12:18

E kpo ekployaŋ a mbo bimi e kpo e gbu, okyku o da gimi e dzu opyapyaŋ ta la areyaŋ a mbo.

MoaOroma 12:9

O raŋ o gre ba oklo bi o dzu oklo ba adlidzi. O raŋ o gre ba agimi e tla ayakplo la a wo abi, nga e bmi ta la ayakplo la a wo adzi.

MoaOroma 15:14

Agimi anáŋ, ame e yi zhezheŋ ba agimi e wo moarehwi ba odlodzi, nga bimi e yi ekployaŋ a mbo nzenze, nga ba agimi e kpo e gbu e nye egimi.

1 MoaOkorinti 12:8

Ogbgaodzi o shri oshpa ba okaobmye o shri o da areabze, nga Ogbgaodzi he lo o shri oshpa ba oyioyi angyiŋ o shri o da areabze.

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 6:6

Ozhẽ ba okyekye bi ta la oyioyi, ta la oheheŋ, ta la okpoghwo, agi e tsa moare ba agi e wo moawaghrẽ ba Ahogbrẽ okro Ogbgaodzi, ta la oklo bi ba adlidzi,

2 MoaOkorinti 7:11

Agimi e ka eka ba Ahogbrẽ a kpo otum ta la esõ-etpiayi bimi he lo. O shri ozgagble angyiŋ o shri o da gimi nzenze, nga alo o shri ekhwo o da gimi nzenze, okyku o tsa ba agimi e wo la ombgu eshri bimi mbo! Nga eso e vre gimi nga agimi e wo la eyli, ta la okayiozhẽ, ta la ozgayi, ta la okoklo ba eso ekyekyeŋ okyku o nye areyaŋ a mbo la a ta akpu eda! Agimi e tsa eshri bimi zhezheŋ ba agimi e wo la akpu odlo he lo ku-ku mbo.

2 MoaOkorinti 9:10

Ahogbrẽ nga, la a la a shri edgo a la a shri a da are la a lbi agbi, nga a la a shri algori a daŋ, á shri edgo pyeŋ bimi e klo á shri á da gimi, nga á da lo e hlu, okyku o da gimi e yla algo nzenze okyku okpoghwo bimi e kpo.

MoAfisu 5:9

Okyku eshi ayimom lo angyiŋ a wo la a shri oyayla nzenze la o wo odzi ta la odlodzi, ta la adlidzi a shri a ba.

MoaEfilibi 1:11

Odzudzu bimi nga ó bli la edgu eda ba adlidzi ba Eyesu Ekristi sha ababgo baŋ a kpo a kpo a gbu baŋ a shri a da gimi, okyku ekekʼpo ta la ohlue-shko ba Ahogbrẽ.

MoaEfilibi 4:8

Ekplo ba amom-abgo nga agimi anáŋ, e shri esõ bimi e zga ayakplo la a wo adzi nga ba alo a tse ma ba moa a hlu lo eshko, ayakplo la a wo adlidzi ta la ofaolbi o di, ta la odlodzi, ta la ekplo la e wo pse, ta la ekplo la e shri oklo e ba, ta la ekplo la e gbu eshko adzadzi.

MoaOkolosi 1:10

O wo eka he, agimi é kpo é gbu ba agimi é dzu la edgu odzudzu ba Adigi-odne a klo, nga agimi é kpo é gbu ba o kpo ekployaŋ a mbo ombamba pyeŋ, okyku o raŋ ŋa esõ. Odzudzu bimi nga ó wo la owlama okyku edgu otumyaŋ a mbo la o wo odzi ba agimi e kpo. Nga agimi é hlu la oyioyi eshri ba Ahogbrẽ.

1 MoaEtasolonika 2:7

Ambo agi e wo la ozhẽ ma ba o klo okpoghwo okro bimi okyku eshi agi e wo moa la a nyum oshpa ba Ekristi angyiŋ. Ambo agi e pre esõ obiŋ omba ba agi e wo ka la gimi. Agi e dzu egi ble eka ba animoanwye a kpaŋ moanwye baŋ.

1 Etimoti 5:21

Egi ayi ba Ahogbrẽ, ta la Ekristi Eyesu, pa la moanwyeadga ba esesla ba Ahogbrẽ, ame e shĩ ŋo osheshye, o kpaŋ odlo he lo, nga o kpo akplokyeŋ la ososla mbo, nga o sa osla mbo.

2 Etimoti 2:24

O wo odzi ba anwyeotum ba Adigi-odne a kʼpi ohwa mbo ku-ku. O raŋ o gre baŋ a wo la okpoghwo ma okyku areyaŋ a mbo, nga baŋ a dzu are la a nye adzadzi la eda heheŋ.

Etitu 1:15

Ekployaŋ a mbo e wo kye pa la moa la a wo kye. Ambo ekplokyeŋ e wo kye mbo pa la moa la a wo eshre nga moa a wo la obmi ba adlidzi mbo, okyku eshi aga mo ta la enzi ba esõ mo moa a sheŋ a tpi ayi.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

MoaIbrani 12:11

Omba ba moa a la a nye gi omba he lo o dzu ekplo ba esõ-etpiayi angyiŋ okro bi, o dzu ekplo ba ovye angyiŋ mbo. Ambla fi nga moare á tspi kyekye okyku onyenye he lo, moa á yla egbre ba opyapyaŋ ba odzudzu ba odlodzi.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

Eyakubu 1:17

Okpogbu odzadzi pyeŋ, ta la ototno la o bli pyeŋ, moa a zgi Ongyeŋ okro ba Ahogbrẽ angyiŋ o ba. Aŋa angyiŋ a kpo ayimom pyeŋ la a wo ongyeŋ. Ahogbrẽ a wo eka ba ayimom ta la amu la e nyiŋ ombamba mbo. Aŋa a la a nyiŋ mbo ku-ku.

Eyakubu 1:5

Ambo o wo ba arekyeŋ eshki bimi a gbaŋ la okaobmye le, o raŋ o gre baŋ a vẽ Ahogbrẽ. Aŋa á shri lo á shri á daŋ, okyku eshi Ahogbrẽ a la a shri ekployaŋ a mbo a shri a da areyaŋ a mbo la ovyevye ta la oklo.

Eyakubu 2:13

Okyku eshi Ahogbrẽ á ka are la a wo la okayiekŋe mbo ayiekŋe mbo omba baŋ á sõ ŋa ombgu. Ambo okayiekŋe angyiŋ o kpo o gre osõmgbu.

Eyakubu 2:4

agimi e la e kpo odlobi angyiŋ. Okyku eshi agimi e la e gʼba egʼba agʼbaha egimi, nga e la e sa osla la aga la a wo abi.

Eyakubu 3:15

Edgu okaobmye he lo o zgi ongyeŋ angyiŋ o ba mbo ku-ku. Edgu okaobmye he lo o wo okaobmye ba obiŋ hi angyiŋ, nga alo o wo okaobmye ba aga ba egʼba angyiŋ, nga alo o wo okaobmye ba egbgabi.

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 2:1

Agimi e ngʼba e sku ayakplo pyeŋ la a wo abi. O raŋ o gre ba agimi e sheŋ akpro mbo, nga e kpo abibli mbo, nga e ta efpu mbo, nga e lu odlo la o wo odzi mbo.

1 Ebitru 2:18

Agimi anwye-odne, o raŋ o gre ba agimi e kpaŋ odlo ba moadigimi-odne, nga e fa olbi e da mo adzadzi. Agimi e kpo eka he lo pa la moa la a ka ayiekŋe, nga a wo la esõ ble-ble sha mbo, ambo e kpo pa la moa la a la a kpo ayiwlu ka la gimi a mbo.

1 Eyohana 3:18

Agimi anwye me! Agi e da oklo bi o dzu egba ta la odlo sha mbo. O raŋ o gre ba alo o dzu oklo ba adlidzi la o tsa eŋa otum ba alo o kpo.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.