Eyakubu 3:13 - Ohwihwim Olehe

¹³ Arekyeŋ la a wo la okaobmye nga baŋ a yi ayakplo a wo eshki bimi? O raŋ o gre baŋ a tsa oyioyi baŋ ozhẽ ba odzudzu baŋ la o wo odzadzi, ta la otum odzadzi baŋ a la a kpo la opresõ-obiŋ ta la okaobmye.

Eyakubu 3:13 ပူးပေါင်းရင်းမြစ်များ

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amatiyu 21:5

Aŋo o lu o da osku ba Ezayoŋ, Ohuhuhi, Anyuŋ-areŋ boŋ a la a ba okro boŋ. Aŋa a wo la esõ ble, nga a vre ashrishri. Aŋa a vre anwye ashrishri.

Amatiyu 5:5

Oraŋ o wo ma okyku moa la a wo la esõ ble-ble, okyku eshi moa á hwiŋ ekplo ba Ahogbrẽ a hwim okyku mo!

Amatiyu 7:24

Okyku eka he areyaŋ a mbo la a gno odlo me nga a kpaŋ lo le, aŋa á dzu eka ba are la a ka a bmye nga a mbdzi odne baŋ onmwre ongyeŋ.

1 MoaOkorinti 6:5

O wo ekplo anzi angyiŋ ka la gimi! Moa á gbaŋ arekyeŋ eshki bimi la a kpo a gbu baŋ a nyuŋ odlo a kpo agʼbaha moare omba moa a tpi emo eso ayi?

2 MoaOkorinti 10:1

Ame Oblus, ame e shĩ gimi la aga ba eso me. Agimi e sko me e zga arehwĩ la a wo ble-ble omba ba ame e wo ka la gimi, nga ba ame e dzu ekplo ba eyli angyiŋ omba ba ame e wo ka la gimi mbo. Ame e vẽ gimi la eso ble-ble ta la okpoghwo ba Ekristi,

2 MoaOkorinti 8:24

Agi e klo ba agimi e tsa mo oklo bimi, okyku o da Eklisiya pyeŋ e ka e bmye nga e bmi ba adlidzi ta la otsom ba agi e tsom gimi la alo.

MoaEgalasiya 5:23

ta la opresõ-obiŋ, ta la ovueŋoghwo. Odaŋ-okyeŋ la o tla ayakplo edgu ahe o wo ma mbo.

MoaEgalasiya 6:1

Agimi anáŋ, o wo ba moa a vu arekyeŋ baŋ a ta akpu le, agimi ba Ogbgaodzi o la o kpo otum ka la gimi, e tsa ŋa ozhẽ. Ambo agimi e kpo lo ozhẽ la o wo ble-ble. Nga e nyuŋ egimi a mbo e ka, okyku o da obile o vu gimi mbo.

MoaEgalasiya 6:4

O raŋ o gre ba areyaŋ a mbo a mbga eda baŋ ababgo baŋ a ka. O wo odzi baŋ ababgo baŋ a nyom egʼba okyku ekplo baŋ ababgo baŋ a kpo. Alo o wo odzi baŋ a mbga lo a ka ta la ekplokyeŋ ba arehwõ a kpo mbo.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

1 Etimoti 4:12

O da arekyeŋ a dzĩ ŋo okyku boŋ o yi o wo ola anwye mbo. Ambo o dzu eka egŋe angyiŋ okyku moa la a bmi ba adlidzi. Aŋo o tsa mo ekployaŋ a mbo ibu odlo boŋ o lu ta la okyekye boŋ, ta la oklo boŋ, ta la obmi ba adlidzi boŋ, ta la adlidzi boŋ.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

MoaIbrani 13:5

Agimi e da oklo ba amgbaŋ o kpo ekʼpo ka la gimi mbo. Ambo agimi e la e kpo oheheŋ ta la ekplo ba agimi e wo la alo ma. Okyku eshi Ahogbrẽ a lu mi le, Ame é dzu gimi é zga ku-ku mbo nga ame é ndba gimi é ta ku-ku mbo.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 2:18

O dzu mbo arekyeŋ á lu mi le, Aŋo o wo la esõ ba obmi ba adlidzi angyiŋ e ma, nga ame e wo la esõ ba o kpo otum angyiŋ. Otnoma me eshri ohe lo, Ame e klo boŋ o tsa me eka ba are a kpo a gbu baŋ a wo la obmi ba adlidzi nga a gbaŋ esõ ba o kpo otum. Ame é tsa gimi obmi ba adlidzi me okro ba otum ba ame e la e kpo.

Eyakubu 3:1

Agimi anáŋ! O raŋ o gre ba moare nzenze angyiŋ eshki bimi a dzu moa la a nye mbo, okyku eshi agi la e nye moa á sõ gi ombgu la o vu olo á gre moahwõ.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Ebitru 1:15

Ambo agimi e dzu la esesla ekployaŋ a mbo ba agimi e la e kpo, eka ba Ahogbrẽ la a bzi gimi a mbo a wo la esesla.

1 Ebitru 2:12

O raŋ o gre ba odzudzu bimi egi ayi moaevbu o wo shasha nzenze, okyku o da mo a tne aga edgu otum la o wo shasha ba agimi e kpo, omba ba moa a la a hrẽ gimi, ma agimi e la e kpo otum la o wo shasha mbo. Nga okyku o da mo a hlu Ahogbrẽ eshko Onda baŋ á ba.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

1 Ebitru 3:4

Ambo o raŋ o gre ba agimi e da odzudzu bimi ba egi eshyẽ ba adlidzi angyiŋ o dzu ozba bimi. Ozba he lo ó khwo ku-ku nga mbo. Alo o dzu ble, nga o dzu la esõ la e wo shu. O wo owlama okro ba Ahogbrẽ o gre eshri.