Eyakubu 2:8 - Ohwihwim Olehe

⁸ O wo ba agimi e la e kpaŋ odaŋ ba Oreŋ le, agimi e kpo ekplo la e wo shasha angyiŋ. Odaŋ he lo o wo odlo ba Ahogbrẽ. O lu mi le, Aŋo o klo a ba ekpazhi boŋ eka boŋ o klo eshri boŋ.

Eyakubu 2:8 ပူးပေါင်းရင်းမြစ်များ

Amatiyu 22:39

Odaŋ ba oha la o wo anyuanyuŋ nzenze eka ba odaŋ ba ori nga, o lu mi le, O klo are la a lom osusku ka la ŋo eka boŋ o klo eshri boŋ.

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 25:23

Adaŋ-odne lo a lu mi le, Ame e vye la ŋo, o wo anwye-odne adzadzi. Aŋo o tsa me adlidzi ekplo etsitsi, okyku eka he ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 7:12

Aŋo o kpo moahwõ ayakplo boŋ o klo moa a kpo ŋo. Eka he angyiŋ odaŋ ba Omusa, ta la onyenye moarehwĩ ba Ahogbrẽ a hom otum o lu.

MoaOroma 13:10

Areyaŋ a mbo la a klo a ba ekpazhi baŋ le, á kpo ŋa ekplokyeŋ la e tpi ŋa eso ayi mbo. O wo boŋ o wo la oklo ma le, o dzu eka boŋ o la o kpaŋ odaŋ mvye.

MoaEgalasiya 5:14

Okyku eshi odaŋ lo pyeŋ, moa a kŋe lo a bga odaŋ okyekyeŋ la o lu mi le, Aŋo o klo a ba ekpazhi boŋ eka boŋ o klo eŋo.

MoaEgalasiya 6:2

O raŋ o gre ba agimi e la e sko oshri bimi e ghwo egimi. Ozhẽ he lo angyiŋ agimi é ba e kpaŋ odaŋ ba Ekristi.

MoaEfilibi 4:14

Ambo agimi e kpo odzi e gre eshri ba agimi e kpo e ghwo la me ewu me.

1 MoaEtasolonika 4:9

O dzu omgbybi mbo ba ame e ta gimi akpa eshri oklo bimi okyku moanigimi la a bmi ba adlidzi, okyku eshi Ahogbrẽ a sheŋ a nye gimi okyku o da gimi e klo egimi.

Eyakubu 1:25

Ambo areyaŋ a mbo la a ka odaŋ he lo la o bli shasha, la o shri oshla o ba, nga a la a zga ayi a yi ma, a dzu are la a gno ogno sha nga a gre esõ a ghre mbo, ambo a la a kpo otum ta la alo. Ahogbrẽ á shri owlama á da are he lo ekployaŋ a mbo baŋ a kpo.

Eyakubu 2:12

Agimi e lu odlo nga e kpo ayakplo eka ba moarehwĩ ba moa á ba a sõ mo ombgu la odaŋ la o shri odzudum o shri o di angyiŋ.

Eyakubu 2:19

Agimi e bmi ba adlidzi ba Ahogbrẽ okyekyeŋ sha a wo ma mbo? O wo odzi! Egbgabi a mbo e bmi ba adlidzi ekakahelo, nga egʼba mo e la e zhga ara okyku eyli.

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.