Eyakubu 2:5 - Ohwihwim Olehe

⁵ Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

Eyakubu 2:5 ပူးပေါင်းရင်းမြစ်များ

Amatiyu 11:5

Agimi e lu e daŋ eka ba ame e hwile moavgayi ayi, nga e shaŋ moa la a buŋ adga, pa la moa la a gbu eshru, pa la moa la a som atuŋ, nga e vro moare la a kpu. Nga agimi e lu e daŋ eka ba ame e la e nyum oshpa e ygi moa la a wo ekŋe.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 5:3

Oraŋ o wo ma okyku moa la a yi ba moa a sheŋ anye, okyku eshi Oreŋ Ongyeŋ o wo o mo angyiŋ!

Amarku 7:14

Eyesu a sa a bzi eshki nga a lu odlo pa la mo a lu mi le, Agimi mvye e ngli e gno adzadzi.

Oluka 12:21

Eyesu a sa a lu mi le, O wo eka he angyiŋ pa la moarehwi la a la a pla angyiŋ a shki emo. Moa a wo ekplokyeŋ angyiŋ egi ayi ba Ahogbrẽ mbo.

Oluka 12:32

Agimi anwye ékylu me, e kpo eyli mbo! Okyku eshi Adigimi a bmi okyku o shri Oreŋ o da gimi.

Oluka 16:22

Eliyazaru a kpu nga moanwyeadga ba Ahogbrẽ a shri ŋa a gre okro Ebrahim, okro moa a la a kpo abgo ma Ongyeŋ. Ambo omba ba are angyiŋ a kpu moa a ngybi ŋa o khwo nga.

Oluka 16:25

Ebrahim a tno ŋa ma a lu mi le, Anwye me, aŋo o tne aga o ka, omba boŋ o wo obiŋ hi, aŋo o la o gno oraŋ nzenze, ambo Eliyazaru a la a kpo ewu. Okyku eka he egbre baŋ ahe e wo oraŋ, ambo egbre boŋ e wo ewu.

Oluka 22:29

Nga eka ba Adugu a shri ekʼpo a da me okyku o da me e ri ekʼpo, ekakahelo ame é ba e kpo ka la gimi.

Oluka 6:20

Eyesu a ka moanwyeotum baŋ tki nga a lu mi le, Oraŋ o wo ma okyku gimi la e yi bimi e sheŋ anye, okyku eshi Oreŋ Ahogbrẽ o wo okyku gimi!

Eyohana 7:48

Agimi e ka, andakʼpo bi akyeŋ, o mbo le akyeŋ eshki bi a bmi ba adlidzi ka la ŋa ondakyeŋ?

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

MoaOroma 8:17

Eka ba agi e wo moanwye baŋ hi, agi é hwiŋ egbre baŋ a shri a zga ma okyku moarehwi baŋ. Agi nga é pu ekplo ba Ahogbrẽ a shri a zga ma okyku Eyesu ka la ŋa otsotse. O wo ba agi e bmi e kpo ewu ka la ŋa, agi é ri ekʼpo ka la ŋa otsotse.

1 MoaOkorinti 2:9

Ambo eka ba Akpa ba Ahogbrẽ a lu mi le, Ekplo ba arekyeŋ a ka, o mbo le a gno a ka ku-ku mbo, Ekplo ba arekyeŋ a tne aga a fu ma ba alo é kpo mbo, Ahogbrẽ a nyiŋ ohe lo angyiŋ a kpo lo okyku moa la a la a klo ŋa.

2 MoaOkorinti 4:15

Ohe lo pyeŋ o wo okyku gimi angyiŋ. Nga eka ba okpoghwo ba Ahogbrẽ o gro o gbu abgo moare o ta ma-ma he, moa nga á fa olu á ta ma-ma okyku o vye la Ahogbrẽ, nga o hlu ŋa eshko.

2 MoaOkorinti 6:10

Moa a tpi gi eso ayi, ambo egi e wo la ovye ma ombamba pyeŋ. Agi e wo eka bi e wo la ekŋe ototno, ambo agi e da moare nzenze a gbu angyiŋ. Alo o wo eka bi e wo la emakyeŋ ma mbo, ambo agi angyiŋ e wo la emayaŋ a mbo e ma.

2 MoaOkorinti 8:9

Okyku eshi agimi e yi okayiekŋe ba Adigi-odne Eyesu Ekristi. Aŋa a wo la angyiŋ ma nzenze, ambo a zhiŋ a dzu a ba ekŋe okyku gimi, okyku o da gimi e gbu angyiŋ okro ekŋe baŋ he lo.

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 3:8

Ame e wo arehwĩ ba amom-abgo ototno eshki moarehwĩ pyeŋ ba Ahogbrẽ la a sheŋ a nye. Ekakahelo a mbo, Ahogbrẽ a hwile me ozhẽ okyku o da me e shri Oshpaodzadzi e shri e da moa la a wo moaEyahuda mbo. O wo eshri owlama ba Ekristi la o gre mvye.

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

2 MoaEtasolonika 1:5

Ohe lo angyiŋ o wo otsotsa ba ombgu ba odlodzi ba Ahogbrẽ. Nga eshri ohe lo, aŋa á da gimi é tse ma okyku o da gimi e hwiŋ Oreŋ baŋ ba agimi e kpo ewu okyku lo.

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

2 Etimoti 4:18

Adigi-odne nga á kpaŋ me á sku oylayaŋ a mbo. Nga á shri me pyapyaŋ á shri á yi Oreŋ baŋ la o wo Ongyeŋ. Ekekʼpo e dzu e baŋ gbagbu-amo! Amin.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

MoaIbrani 11:26

A ka tki, alo o wo owlama o gre nzenze baŋ a kpo ewu okyku Emisiya o sku baŋ a dzu a gno edgu oraŋyaŋ a mbo la o wo obiŋ ba Amasla, okyku eshi a sko aga baŋ a zga egbre la e wo egi ayi angyiŋ.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

Eyakubu 1:16

Agimi anáŋ, agimi e da mo a bile gimi mbo!

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 1:9

Anáŋ la a wo ekŋe, o raŋ o gre baŋ a vye la Ahogbrẽ omba baŋ a hwile ŋa ozhẽ ba ohwihwiŋ.

1 Ebitru 1:4

Okyku eka he, agi e la e ka ayi ozhẽ ba agi é ba e hwiŋ owlama nzenze ba Ahogbrẽ a shri a zga ma okyku moarehwĩ baŋ. A shri lo a zga Ongyeŋ okyku gimi. Ahe lo, alo o kpo o gbu ba alo o vrẽ mbo, o mbo le ba alo o tpi ayi mbo, o mbo le ba alo o shraŋ mbo ku-ku.

2 Ebitru 1:11

Ozhẽ he lo angyiŋ, moa á ba a shri obibmi ba ekʼpo okyku o yi Oreŋ ba gbagbu-amo ba Adigi-odne ta la Areoshla bi Eyesu Ekristi, á shri á da gimi.

Otsotsa 2:9

A lu mi le, Ame e yi ewu boŋ, nga ame e yi boŋ o wo la ekŋe ma. Ambo egyagi a mbo, aŋo o wo are ba angyiŋ angyiŋ! Ame e yi edgu ayakplo ba ototno ba edgu moarehwĩ la a la a bzi emo ma moaEyahuda, a lu eshri bimi. Ambo moa a wo moaEyahuda angyiŋ mbo. Moa a wo eshki ba moarehwĩ ba Eshitaŋ angyiŋ!

Otsotsa 21:7

Ame nga é dzu Ahogbrẽ ba areyaŋ a mbo la a kpo a gre, nga aŋa á dzu anwye me.

Otsotsa 3:18

Ame e shri ebra angyiŋ e shri e doŋ. O raŋ o gre boŋ o gbmo azurfa okro me. Azurfa he lo a wo zhezheŋ, alo á doŋ o gbu angyiŋ. Nga aŋo o gbmo aknye akyle okyku o doŋ o ygi nga okyku o doŋ o shki oso la o ta ŋo anzi. Nga o gbmo agum o ta ayi boŋ, okyku o doŋ o ka okro.