Eyakubu 2:21 - Ohwihwim Olehe

²¹ Adigi Ebrahim a hwiŋ onyuŋokpo okro ba Ahogbrẽ ekayaŋ? A hwiŋ alo okro ba otum baŋ angyiŋ, omba baŋ a bmi a shri anwye baŋ Eshaku a shri a ndba ambgu lo.

Eyakubu 2:21 ပူးပေါင်းရင်းမြစ်များ

Amatiyu 12:37

Okyku eshi la odlo boŋ angyiŋ moa á ba a sõ ŋo ombgu. La alo angyiŋ aŋo ó ba o gro o mbo le ó ba o dga.

Amatiyu 3:9

Agimi e ka eka bimi e wo la ombgukyeŋ ma mbo, okyku bimi e wo moanwye ba Ebrahim angyiŋ mbo. Ame e lu e da gimi, Ahogbrẽ a kpo a gbu baŋ a zhiŋ ézhim la e shki hi, a da mo a dzu moanwye ba Ebrahim!

Oluka 1:73

A hwim osheshye ta la adigi Ebrahim, Nga a kʼpi ashum ma aŋa á shla gi abgo moafpu gi, Nga á da gi ozhẽ okyku o da gi e hlu ŋa eshko la eyli mbo. Okyku o da gi e dzu la esesla, ta la okpo odlodzi egi ayi baŋ, Omba ba agi e wo obiŋ hi lo pyeŋ.

Oluka 16:24

Are angyiŋ a ta enzi angyangyeŋ a bzi a lu mi le, Adugu Ebrahim! O ka me ayiekŋe, nga o hom Eliyazaru otum o daŋ a ba a ghwo evgo ami a ta me olom okyku o da eso e dum me. Ame e kpo ewu e gre eshri ovo ahe.

Oluka 16:30

Are angyiŋ a tno Ebrahim ma a lu mi le, Odlo moa a lu a da mo sha o tse ma mbo, adugu Ebrahim. Ambo o wo ba arekyeŋ a kso eku angyiŋ a yi a lu a da mo, moa á zhiŋ.

Eyohana 8:39

Moa a tno ŋa ma a lu mi le, Ebrahim angyiŋ a wo Adigi. Eyesu a tno mo ma a lu mi le, Agimi e wo moanwye ba Ebrahim angyiŋ e mbi, agimi e kpo edgu otum baŋ a kpo.

Eyohana 8:53

Adigi Ebrahim a kpu. Eka boŋ o ka, aŋo o wo la ekʼpo o gre Ebrahim he lo? O ka, moarehwi ba Ahogbrẽ a hom mo otum a mbo a kpu. Aŋo o wo ayi angyiŋ?

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

MoaOroma 3:20

Arekyeŋ á hwiŋ opyapyaŋ ta la Ahogbrẽ okyku baŋ a la a kpaŋ odaŋ angyiŋ mbo. Odaŋ o wo okyku o da areyaŋ a mbo a yi baŋ a wo are odlobi angyiŋ.

MoaOroma 4:1

Agi nga é lu eshi eshri Ebrahim la a wo adigi? A hwiŋ eshi?

MoaOroma 4:12

Aŋa a wo adimo la moa a sheŋ mo ongyum a mbo, ambo o wo okyku ba moa a sheŋ ongyum angyiŋ mbo, ambo okyku ba moa a bmi ba adlidzi eka ba Ebrahim a bmi ba adlidzi omba ba moa a sheŋ ŋa ongyum a wo mbo.

MoaOroma 4:16

Ohwihwim he lo, moa a sko lo a zga ibu ba obmi ba adlidzi, okyku o da mo a tsa ba alo o wo ototno ba Ahogbrẽ angyiŋ okyku moanwye ba Ebrahim mvye. O wo okyku moare la a kpaŋ odaŋ sha mbo, ambo okyku moa la a bmi ba adlidzi eka ba Ebrahim a bmi ba adlidzi, okyku eshi Ebrahim angyiŋ a wo adigi ba ozhẽ Ahogbrẽ mvye.

MoaIbrani 11:17

Obmi ba adlidzi angyiŋ o da Ebrahim a bmi okyku o shri anwye baŋ Eshaku, o shri o ndba Ahogbrẽ omba ba Ahogbrẽ a mbga ŋa a ka. Ahogbrẽ a hwim ohwihwim lo ta la Ebrahim angyiŋ, ekakahelo a mbo Ebrahim a zga esõ ekyekyeŋ angyiŋ baŋ á shri anwye baŋ akyakyeŋ lo á shri á ndba Ahogbrẽ.

Eyakubu 2:18

O dzu mbo arekyeŋ á lu mi le, Aŋo o wo la esõ ba obmi ba adlidzi angyiŋ e ma, nga ame e wo la esõ ba o kpo otum angyiŋ. Otnoma me eshri ohe lo, Ame e klo boŋ o tsa me eka ba are a kpo a gbu baŋ a wo la obmi ba adlidzi nga a gbaŋ esõ ba o kpo otum. Ame é tsa gimi obmi ba adlidzi me okro ba otum ba ame e la e kpo.

Eyakubu 2:24

Okyku eka he, moa a la a shri onyuŋokpo a zga agʼbaha ba arehwĩ ta la Ahogbrẽ, ozhẽ ekplo baŋ a la a kpo angyiŋ. O wo okro obmi ba adlidzi baŋ a wo la alo ma sha mbo.