Eyakubu 2:15 - Ohwihwim Olehe

¹⁵ O wo ba moanáŋ, moalalom o mbo le moalashle, moa a wo la aknye ma mbo, nga moa a wo la algo a tse ma ba oruri mbo le,

Eyakubu 2:15 ပူးပေါင်းရင်းမြစ်များ

Amarku 14:7

Moanekŋe a wo ka la gimi ombamba mvye, ombayaŋ a mbo bimi e klo, agimi e kpo e gbu bimi e kpo e ghwo la mo, ambo ame é dzu ka la gimi ombamba mvye mbo.

Oluka 3:11

Eyohana a tno ma a lu mi le, Areyaŋ a mbo la a wo la ariga aha le, a kyu akyeŋ abgo a shri a da are la a wo la ariga ma mbo. Are la a wo la algo ma le, a pu lo pa la moahwõ la a wo la alo ma mbo.

Otum 9:29

Eshawlu a nyum oshpa nga a kla odlo pa la moaEyahuda la a lu olom Egrise. Moa a klo o bga ŋa.

MoaIbrani 11:37

Moa tra moabze ézhim, nga moa a ngʼba mo egʼba aha, nga moa a bga mo la akõ. Moa a la a dzi la aknye ba akpekpa ba ékylu ta la akpekpa ba ébme. Moa a wo la ekŋe. Moa a kpo mo ewu nga moa a gbga mo egʼba.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

1 Eyohana 3:17

O wo ba are a wo angyiŋ ma, nga o wo baŋ a ka anáŋ a gbaŋ emakyeŋ le, ambo o wo baŋ a zhiŋ okũ a blu ŋa le, aŋa á kpo anyu á ba a lu ma aŋa a wo la oklo ma esõ baŋ okyku Ahogbrẽ?