Eyakubu 2:14 - Ohwihwim Olehe

¹⁴ Agimi anáŋ! O wo akplokyeŋ angyiŋ ba are a lu mi le, Ame e wo la obmi ba adlidzi ma, o wo ba odzudzu baŋ o ka o tsa eka he lo mbo? Edgu obmi ba adlidzi he lo ó shla ŋa?

Eyakubu 2:14 ပူးပေါင်းရင်းမြစ်များ

Amatiyu 5:20

Ame e lu e da gimi, agimi é kpo é gbu bimi e yi Oreŋ Ongyeŋ, o wo ba odzudzu bimi o wo odzadzi o gre moa la a nye odaŋ, ta la odzudzu moaEfarisi.

Oluka 3:11

Eyohana a tno ma a lu mi le, Areyaŋ a mbo la a wo la ariga aha le, a kyu akyeŋ abgo a shri a da are la a wo la ariga ma mbo. Are la a wo la algo ma le, a pu lo pa la moahwõ la a wo la alo ma mbo.

Oluka 6:49

Are la a gno odlo me ambo baŋ a kpaŋ lo mbo a wo eka ba are la a mbdzi odne baŋ endase ototno, nga a nyuŋ ahwim ba odne a ta ayga mbo. Omba ba ondzu o bli o vu adga, odne lo o ta abyi ayga o kypi mbo. Okyukypi ba odne la o kypi o wo ekplo eyli o gre eshri!

Otum 15:9

Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

Otum 8:13

Esima lo a mbo a bmi ba adlidzi, nga moa a kpo ŋa abaptisma. Aŋa a la a lu Efilibu ma, nga a ka egbregbre anyuŋ ayakplo ba Efilibu a la a kpo.

Otum 8:21

Aŋo o wo la ogʼba ekplokyeŋ ibu otum bi mbo, okyku eshi eso boŋ e wo shasha egi ayi Ahogbrẽ mbo.

MoaOroma 2:25

O wo bimi e la e kpaŋ odaŋ le, osheŋongyum bimi e la e sheŋ he e wo ozhẽ. Ambo o wo bimi e la e pre odaŋ le, osheŋongyum bimi e la e sheŋ he, o wo ozhẽ-okyeŋ ku-ku mbo.

1 MoaOkorinti 15:2

Alo angyiŋ o wo Oshpaodzadzi, oshpa he lo angyiŋ ame e nyum e ygi gimi. Agimi é gro okro oshpa he lo o wo bimi e yga lo osheshye le, o wo le obmi ba adlidzi bimi o wo otum ba ototno angyiŋ.

1 MoaOkorinti 16:22

Areyaŋ a mbo la a klo Adigi-odne mbo le, a ba eshri baŋ! Amaranata, o dzu, Adigi-odne o ba!

MoaEgalasiya 5:13

Agimi anáŋ, moa a bzi gimi okyku o da gimi e hwiŋ odzudum angyiŋ. Ambo agimi e da ozhẽ he lo o dzu ekplo ba agimi é ba e da ogroayi ba egʼba o ri ekʼpo eshri bimi mbo. Ambo agimi e bmi e da oklo o da gimi e kpo e ghwo la egimi.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

1 MoaEtasolonika 1:3

Agi nga, agi e tne aga e ka egi ayi ba Ahogbrẽ bi la a wo Adigi, eka bimi e la e kpo otum ta la obmi ba adlidzi bimi, nga okyku oklo bimi agimi e kpo otum la osheshye, nga agimi e tspi gaŋ ibu ba okayiozhẽ bimi okro ba Adigi-odne Eyesu Ekristi.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 Etimoti 4:8

O nye egʼba ayakplo o wo la owlama fi, ambo o nye esõ ozhẽ ba Ahogbrẽ o wo la owlama ozhẽyaŋ a mbo. Ozhẽ he lo o hwim okyku esõ ba gbagbu-amo okyku ohuhuhi ta la omba la o yi o ba.

Etitu 1:16

Moa a la a lu ma moa a yi Ahogbrẽ, ambo odzudzu mo lo o kpo evom odlo mo. Moa a bli la efpu esõ mo pa la moare, nga moa a la a tsi Ahogbrẽ a ghwo ayi mbo. Moa a ka a kpo ekplokyeŋ la e wo edzi a gbu mbo.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

MoaIbrani 11:17

Obmi ba adlidzi angyiŋ o da Ebrahim a bmi okyku o shri anwye baŋ Eshaku, o shri o ndba Ahogbrẽ omba ba Ahogbrẽ a mbga ŋa a ka. Ahogbrẽ a hwim ohwihwim lo ta la Ebrahim angyiŋ, ekakahelo a mbo Ebrahim a zga esõ ekyekyeŋ angyiŋ baŋ á shri anwye baŋ akyakyeŋ lo á shri á ndba Ahogbrẽ.

MoaIbrani 13:9

Agimi e da edgu onyenyekyeŋ la o wo ondundum o sko gimi o sku ozhẽ ba adlidzi lo mbo. O wo odzi ba esõ bi e hwiŋ oshye okro ba okpoghwo ba Ahogbrẽ. O wo ozhẽ ba okpaŋ odaŋ ba algo angyiŋ mbo. Moa la a la a kpaŋ edgu odaŋ he lo, moa a hwiŋ owlama akplokyeŋ ba alo mbo ku-ku.

Eyakubu 1:16

Agimi anáŋ, agimi e da mo a bile gimi mbo!

Eyakubu 2:16

o wo akplokyeŋ angyiŋ boŋ o nyuŋ mo o lu mi le, Ahogbrẽ a dzu ka la gimi! Agimi e dzu pyapyaŋ nga e ri algo e gno egʼba! O wo ba agimi e shri ayakplo ba moa a gbaŋ e shri e da mo mbo, o wo akplokyeŋ angyiŋ?

Eyakubu 2:18

O dzu mbo arekyeŋ á lu mi le, Aŋo o wo la esõ ba obmi ba adlidzi angyiŋ e ma, nga ame e wo la esõ ba o kpo otum angyiŋ. Otnoma me eshri ohe lo, Ame e klo boŋ o tsa me eka ba are a kpo a gbu baŋ a wo la obmi ba adlidzi nga a gbaŋ esõ ba o kpo otum. Ame é tsa gimi obmi ba adlidzi me okro ba otum ba ame e la e kpo.

Eyakubu 2:26

Eka ba ango egʼba la a ta ayaŋ mbo a wo ototno, ekakahelo angyiŋ, obmi ba adlidzi la o wo la otum ma mbo, alo o wo obmi ba adlidzi ba ototno.

2 Ebitru 1:5

Okyku okũ he lo, aŋo o zga ayi ngre nga o da obmi ba adlidzi boŋ o ta ma la oshasha, nga okyku o da oshasha boŋ o sa o ta ŋa ma la oyioyi.