Eyakubu 2:1 - Ohwihwim Olehe

¹ Agimi anáŋ! Odzudzu bimi, eka ba agimi e wo moare-hwĩ la a bmi ba adlidzi ta la Adigi-odne Eyesu Ekristi hi, aŋa la a wo Adigi-odne ba esesla angyiŋ. Agimi e sko moare e zga ondundum okyku edgu odzudzu mo ba egi edzi mbo.

Eyakubu 2:1 ပူးပေါင်းရင်းမြစ်များ

Amatiyu 22:16

Ambla he nga, moa a da moanwyeotum mo, pa la moa la a lu Ehirudu ma a gre okro Eyesu. Moa a zhĩ ŋa a lu mi le, Andakʼpo, agi e yi boŋ o wo are ba adlidzi angyiŋ, o la o nye moare adlidzi eshri odlo ba Ahogbrẽ. Nga aŋo o la o kpo eyli ayakplo ba moare a tne eshri lo mbo.

Otum 10:34

Ebitru a lu mi le, Ame e ka e bmye ohuhuhi ba Ahogbrẽ a sko gi mvye a zga okyekyeŋ angyiŋ.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 24:24

Ambla ba elum fi nga, Efliki a ba ta la ashe baŋ moa a bzi ŋa Odrusila. Odrusila a wo a ba Eyahuda. Efliki a da mo a bzi Oblus, nga omba ba Oblus a lu odlo eshri obmi ba adlidzi ta la Ekristi Eyesu, a ngli atuŋ a gno.

Otum 7:2

Estifanu a tno ma a lu mi le, Agimi anáŋ ta la agimi adigi! Agimi e ngli e gno odlo me! Ahogbrẽ ba esesla a ba okro Adigi Ebrahim omba baŋ a wo obiŋ ba Emesopataniya ayga Ebrahim a kso a gre Aharaŋ.

MoaOroma 1:11

Ame e klo o ba o ka gimi e gre eshri okyku o da gi e hwiŋ owlama ba Ogbgaodzi otsotse, nga okyku o da gimi e hwiŋ oshye.

1 MoaOkorinti 2:8

Are-kyeŋ eshki moa la a ri ekʼpo obiŋ hi a wo la edgu okaobmye he lo e mbi, moa a kũ Adigi-odne la a wo esesla, ekusa egŋe aki mbo.

MoaOkolosi 1:4

Agi nga e gno oshpa eshri obmi ba adlidzi bimi okro ba Ekristi Eyesu, ta la oklo bimi okyku moarehwĩ ba Ahogbrẽ pyeŋ.

1 Etimoti 1:19

nga o kpaŋ obmi ba adlidzi boŋ ta la enzi ba esõ la e wo pyapyaŋ. Moabze a la a kpaŋ ekplo la e wo esõ mo mbo, okyku eka he obmi ba adlidzi mo o tpi ayi.

1 Etimoti 5:21

Egi ayi ba Ahogbrẽ, ta la Ekristi Eyesu, pa la moanwyeadga ba esesla ba Ahogbrẽ, ame e shĩ ŋo osheshye, o kpaŋ odlo he lo, nga o kpo akplokyeŋ la ososla mbo, nga o sa osla mbo.

Etitu 1:1

Akpa he lo a zgi abgo me Oblus la a wo awaghrẽ ba Ahogbrẽ, ta la are la a nyum oshpa ba Eyesu Ekristi. Moa a sla me okyku o da me e yi e kpo e ghwo la moarehwĩ ba Ahogbrẽ a sla ibu obmi ba adlidzi mo, nga e sa e tsa adlidzi ba ozhẽ bi e sõ la onyenye.

Etitu 2:13

Agi é kpo eka he lo ma-me o tsa Onda ba owlama ba agi e ka ayi ozhẽ okyku lo. Omba he lo angyiŋ areyaŋ a mbo á ba a ka ekekʼpo ba Ahogbrẽ bi la a wo ekʼpo ta la Areoshla bi Eyesu Ekristi.

MoaIbrani 1:3

Anwye Ahogbrẽ he lo a la a shka ayi ayimom esesla ba Ahogbrẽ. Aŋa a ghwo emle ba Ahogbrẽ a gre eshri. Nga a la a kom obiŋ hi abgo la odlo baŋ la o wo la ekʼpo ma. Ambla baŋ a ndza odlobi moarehwĩ a khwo, aŋa a dzu Ongyeŋ obgori ba Ahogbrẽ la a wo la Anyuŋ Ekʼpo ma.

MoaIbrani 12:2

Agi e tslo ayi bi e shki Eyesu sha. Obmi ba adlidzi bi o wo okro baŋ sha angyiŋ, a zga okũ lo a yi a fu okro lo. Aŋa a da esõ baŋ e zgi okyku egŋe aki lo mbo! Ambo a sheŋ a yi edgu ovye la o dzu o bli ŋa. Okyku eka he, a tne aga akplokyeŋ eshri anzi la o wo ibu eku ba egŋe aki ku-ku mbo. Ohuhuhi nga a dzu obgori ba emgbakyiŋ oreŋ ba Ahogbrẽ angyiŋ.

Eyakubu 1:16

Agimi anáŋ, agimi e da mo a bile gimi mbo!

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 2:3

o wo ba agimi e ka are la a ygi aknye adzadzi la olbi nga e nyuŋ ŋa e lu mi le, Aŋo o ba o dzu emgbakyiŋ ba andakʼpo la e wo ahe, nga e nyuŋ are la a wo la ekŋe e lu mi le, O tspi angyeŋ, o mbo le, O dzu obiŋ osusku ta la emgbakyiŋ me,

Eyakubu 2:9

Ambo o wo ba agimi e la e kpo pa la moare okyku odzudzu mo ba egi edzi sha angyiŋ le, agimi e sa osla la a wo odlobi angyiŋ. Okyku okũ he lo nga, odaŋ a mbo, ó sõ gimi ombgu okyku ba agimi e dzu moarehwĩ la a pre odaŋ.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

Eyahuda 1:16

Moarehwĩ he lo a nyi agla ombamba pyeŋ, nga moa a hrẽ moahwõ. Moa a la a klo ayakplo ba ekhwo ba egʼba, ba moa a la a gno oraŋ ta la lo sha. Moa a la a nyom egʼba ta la emo, nga moa a la a tsom moahwõ okyku o da mo a hwiŋ anvaŋ o kpo ekplo ba moa a klo.

Otsotsa 14:12

Okyku eka he lo, o dzu omgbybi ba moarehwĩ-ba Ahogbrẽ la a kpaŋ odaŋ baŋ, nga ba moa a tspi la adlidzi okyku Eyesu, moa a ta esõ mo akpyli.