Eyakubu 1:4 - Ohwihwim Olehe

⁴ Ambo agimi e zga gble okyku o da oghwo-esõ he lo o shri gimi o yi o fu ta la osheŋonye mbo, okyku o da gimi e bli nga e dzu shasha, nga okyku o da gimi e gbaŋ la emakyeŋ mbo.

Eyakubu 1:4 ပူးပေါင်းရင်းမြစ်များ

Amatiyu 10:22

Areyaŋ a mbo á tla gimi okyku me. Ambo are la a ta esõ akpyli o tsa omba amom-abgo le, aŋa á gro.

Amatiyu 19:20

Ola anwye lo a tno ma a lu mi le, Ame e sheŋ e kpaŋ odaŋ he lo pyeŋ bgu. Eshi e sa e ra ba ame é ba e kpo?

Amatiyu 5:48

Agimi e bli shasha, eka ba Adigimi la a wo Ongyeŋ a bli shasha.

Amarku 10:21

Eyesu a ka ŋa la eyayi ba oklo nga a nyuŋ ŋa a lu mi le, Ekplokyekyeŋ e ra ohuhuhi boŋ o bli lo, o yi o shri angyiŋ boŋ o wo alo ma mvye o gbmo, nga o shri amgbaŋ lo o gʼba moaekŋe, okyku eshi aŋo ó hwiŋ angyiŋ Ongyeŋ, nga o ba o lu me ma.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

Oluka 21:19

E da egʼba e shki gimi ami mbo, okyku eshi, ozhẽ he lo sha angyiŋ, agimi é ba e gro.

Oluka 8:15

Eyi la e gbu obiŋ la o wo odzadzi, e dzu eka moa la a yga odlo nga a tspi osheshye ta la alo eso mo, nga moa a la a kpaŋ lo, ta la ovu-esõ e ta akpyli ma-me nga, moa a kpo owlama.

Eyohana 17:23

Ame e wo eso mo, nga aŋo o wo eso me, okyku o da mo a dzu okyekyeŋ, okyku o da obiŋ hi o yi boŋ angyiŋ o hom me otum, nga okyku o da mo a yi boŋ o klo mo eka boŋ o klo me.

1 MoaOkorinti 2:6

Ambo ame e la e lu odlo la okaobmye e ygi moare la a bli la Ogbgaodzi. Ambo okaobmye he lo o wo okaobmye edgu o ba obiŋ hi angyiŋ mbo, o wo eka ekʼpo la e ri ekʼpo obiŋ hi angyiŋ mbo. Edgu ekʼpo he lo e la e khwo.

MoaEgalasiya 6:9

Okyku eka he agi e da lo o khwo gi ta la okpo ayakplo la a wo adzi mbo. O wo ba agi e kpu adga ozhẽ angyiŋ mbo le, omba o yi o ba ba agi é ba é yla edgo lo.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 5:23

Ahogbrẽ nga la a la a shri opyapyaŋ a shri a da gimi, aŋa á bmi á zhiŋ gimi á da gimi e dzu moarehwĩ baŋ ekpyemgbyeŋ nga á da odzudzu bimi pyeŋ, ta la esõ bimi, ta la ayaŋ ba esõ bimi, ta la egʼba bimi, é ngʼba é sku akpuyaŋ a mbo omba ba oba-ba ba Adigi-odne Eyesu Ekristi.

2 Etimoti 3:17

Okyku o da are la a kpo otum okyku Ahogbrẽ, okyku o daŋ a bmye a khwo adzadzi, nga a tse ma baŋ a kpo otum la o zhiŋ o tspi adzadzi.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

Eyakubu 1:5

Ambo o wo ba arekyeŋ eshki bimi a gbaŋ la okaobmye le, o raŋ o gre baŋ a vẽ Ahogbrẽ. Aŋa á shri lo á shri á daŋ, okyku eshi Ahogbrẽ a la a shri ekployaŋ a mbo a shri a da areyaŋ a mbo la ovyevye ta la oklo.

Eyakubu 3:2

Agi pyeŋ e la e ta akpu ayakplo nzenze ombamba. Are la a ta akpu ekplokyeŋ baŋ a lu a ka mbo le, aŋa a bli, nga a wo are la a kpo a gbu baŋ a kpaŋ egʼba baŋ pyeŋ.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

2 Ebitru 1:9

Ambo are la a wo la ayakplo he lo mbo le, ayi baŋ a wo oshye ba o ka okro mbo, nga are he lo á gre esõ a ghre ba moa a kyu ŋa abgo odlobi baŋ a kpo ayga.