Eyakubu 1:3 - Ohwihwim Olehe

³ Okyku eshi o wo ba obmi ba adlidzi o kpo o gre ombambga he lo angyiŋ le, agimi é hwiŋ oghwo-esõ.

Eyakubu 1:3 ပူးပေါင်းရင်းမြစ်များ

Oluka 21:19

E da egʼba e shki gimi ami mbo, okyku eshi, ozhẽ he lo sha angyiŋ, agimi é ba e gro.

MoaOroma 15:4

Ekployaŋ a mbo ba moa a ta Akpa ba Ahogbrẽ, moa a ta lo okyku o nye gi angyiŋ, okyku o da gi e ka ayi ozhẽ la oghwo-esõ, ta la oshioshĩ ba Akpa ba Ahogbrẽ a shri a da gi.

MoaOroma 2:7

Moakyeŋ a la a kpo otum la o wo odzadzi, nga moa a nyuŋ eshri mo a la a zga nga a klo esesla, ta la ekʼpo ta la eso ba gbagbu-amo. Ahogbrẽ nga á shri eso ba gbagbu-amo á shri á da moahi lo.

MoaOroma 8:25

Ambo o wo ba agi e la e ka ayi ozhẽ okyku ekplo ba agi e ka mbo le, o raŋ o gre ba agi e ghwo eso.

MoaOroma 8:28

Agi e yi ba ekployaŋ a mbo e la e kpo adzadzi pa la moare la a klo Ahogbrẽ, moahi lo a mi a sla mo.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

MoaOkolosi 1:11

A da gimi e hwiŋ oshye okro oshye pyeŋ la o zgi okro ba anyuŋ ekʼpo baŋ la e wo egre, okyku o da gimi e kom ekployaŋ a mbo la esõ oheheŋ.

2 MoaEtasolonika 1:4

Okyku eka he angyiŋ agi a mbo e la e hwile egʼba okyku gimi egi ayi moaEklisiya ba Ahogbrẽ. Agi e la e hwile egʼba okyku eka ba agimi e tspi la oghwo-esõ nga e bmi ba adlidzi, nga okyku ba ewu ta la avuolo ba agimi e wo la alo ma a zhiŋ gimi mbo.

2 MoaEtasolonika 3:5

Adigi-odne nga a bmi le, a kpo otum esõ bimi okyku o da gimi e hwiŋ oklo okyku Ahogbrẽ, ta la oheheŋ ba Ekristi a la a shri a di.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

MoaIbrani 6:12

Agi e klo ba agimi e kpo oreŋ mbo, ambo agi e klo ba agimi e dzu eka moare la a bmi ba adlidzi nga moa a kpo heheŋ, okyku o da mo a yga ekplo ba Ahogbrẽ a hwim okyku mo.

1 Ebitru 1:7

Okũ lo o wo okyku o da mo a yi ba obmi ba adlidzi bimi o wo o ba adlidzi angyiŋ. Azurfa a mbo, la a tpi ayi a gbu, moa a la a bre lo ovo. Okyku eka he nga obmi ba adlidzi bimi la o wo la owlama o gre azurfa, alo o dzu omgbybi ba moa a bre lo, okyku o da lo o ri edzi. Ambla he nga agimi é hwiŋ ohlueshko ta la anyuanyuŋ, ta la ekʼpo Onda ba moa á ba a tsa gimi Eyesu Ekristi.

2 Ebitru 1:6

Nga okyku o da oyioyi boŋ o ta ma la onyuŋ-eshrizga. Nga okyku o da ovueŋoghwo boŋ o sa o ta ma la oghwo-esõ. Nga okyku o da oghwo-esõ boŋ o sa o ta ma odzudzu la o raŋ Ahogbrẽ esõ.